Wahyu 2:3 - Allah Wene Hurumbik Keron

³ Eke hit hinebe hinindi oag weregsoho wilil, An nawene warikip etno fam dahon hinobam umburuson oke, wene wawon etno sohorep isarikip fug-o.

Wahyu 2:3 ပူးပေါင်းရင်းမြစ်များ

Markus 15:21

Walug larukmu, at Simon, ibam Kireneon, it Iskandar, Rufus inikni etno eyabukmuen yuhun-at waharuk apagma, inim salkal uruk apareg, yig ituk wilil, “Hat e du wimin-o,” ulug inune fanggogsoho yig ituk apareg,

Lukas 14:27

Eke hit hinebe etno seberoho wilil hiren angge e salib etno hinomalo fam wahup fug halug, An nomini neken welamuhup fug-o.

Lukas 18:1

Nin eke fobik it apheyen sembahyang nintul nantul uruk wilil, inindi arik atlug inahla bug am nowen ulug At Yesusen yanggul isebag.

Lukas 21:19

Ariroho suhu hiniluk wilil, hinindi oag weregsoho welamuhup etno fam hinebe hinili holahup-o,” ulug At Yesusen yig isebag.

Lukas 5:5

Yig ituk apagma, at Simonen yig ituk wilil, “Eleg-o, Nowe. O yoho hubanggo yabuk satoho seheon misig warehe fuhon oke, Haren ariroho yig nisaruk ahen ari, werul ikma belabul-o,” ulug yig ituk apareg, it epmano werul ikma belaptuk apag.

Lukas 8:15

Eke i angge kwean sinon fam kililtil lebag etno hag, ari it aphe wene etno inesanggo holtug inindi fanoroho ebereheg, eke anggen yihukag ulug amug wareheg suruk-o,” ulug At Yesusen yig isebag.

Yohanes 15:21

Eke hiren An nawene etno waruk hisalug, hit ariroho-at inambit hisahup-o. Eke iren At An lahap nabik waharision etno inapeleg-at wereg-o.

Roma 12:12

Eke hiren nit fobik fano ninabuhu ulug hinahla buruk wilil, it ninen dahon epmano hinobam umburuk isalug, hinindi hinahlahiroho-at welamuk-o. Ariroho wilil, nintul nantul sembahyang uruk amuk-o.

Roma 16:12

Eke it hweap Trifena Trifosa At Ninowe eyabuk surukon etano inim, eke at nomin nindi hunduhukon inuk Persis At Ninowe eyabuk anggolo sirision etno inim obog-at heahi war inaptuk amuk-o.

Roma 2:7

Eke it aphe nin fanowon epmano suruk wilil, At Allah nabelal habelal og nisawag ulug obam inindi ebetukon epmano inim, eke fano surukon epmano inim, At Allahen mondog iniluk welamag ulug og isahuon oke,

Roma 8:25

Eke we yi angge di angge ninil haruk ahe fuhon epmano-at og nisahu ulug ninahla buruk wilil, ninindi seberoho og nisawon etno-at aso welahe-o.

1 Korintus 13:7

Eke yi angge di angge surukon epmano inobam inapelegsoho apma imbisaruk-o. Eke yi angge di angge demat ulug ahla buruk-o. Eke yi angge di angge fano ban suruk amuhup ulug indi ebereg wereg-o. Eke at ebe obabut fano mondog wilil ariroho suruk-o.

1 Korintus 16:16

Eke it etno inim, eke it nin yabuk fanoroho suruk wilil, Allah udaki inaso werehon etno inim inune holtug mutlug alu-o.

2 Korintus 10:15

Eke ari halug, nit ninowalangge etno-at wereg heheg, it ap ninen yabuk suruson epmano farim du niren surukuk ulug suontepataruk ahe fug-o. Eke hit hinanggelegma epmen Allah wene etno su atuk halug, At Allahen ninowalangge og nisarisi etno hag hinanggelegma epmen yabuk suon misig suhuken ulug ninahla buruk ahe-o.

2 Korintus 11:23

Eke alem misig an nune fam urunanggeroho yig hisamin-o. It ap epmano hag Kristus anggimbu-at wereg buruk ahep ano? Eke an hag At Kristus anggimbu wilil it obog inowe neken welahi-o. Eke it epmano hag yabuk dorat suruk iseheg oke, an hag narug fanoroho yabuk anggolo sirikik-o. It inebe aphe dahon kolap isaruk ambeg epmano ininggik misihim neken-at kolap isaruson oke, an hag ninggik anggoloam-at kolap naharusa-o. Eke it hag yikangge dorat war inaptuson oke, an hag anggolo neken war naptusa-o. Eke it hag waramag ulug dorat suruson oke, an hag waramag ulug anggolo-at surusa-o.

2 Korintus 4:1

Eke At Allahen At eyabuk suruk amag ulug minduhup nisaharisireg fam, ninoag elegsoho suruk ahe fug-o.

2 Korintus 4:16

Eke ari halug, nit ninoag elegsoho orog-at neken suruk ahe fug-o. Eke ninebe ninahap epmano ninanggog atuk wilil sabal atuk aheon oke, ninindi undamon etno nintul nantul keron-at wereg-o.

2 Korintus 5:9

eke ninibam duma weregma ano, eke At ninim weregma ano, At etno ahien hawag ulug suruk ahe-o.

2 Korintus 6:5

Eke it ninen yikangge war ninabeheg, eke aphe dahon imbisaruk ambeg epmano kolap nisahakeg, eke muko wilip nisahakeg suruk-o. Eke nit hag, nohuk sohorep isalug, eke yabuk sat anggolo seheg, eke yi angge di angge nenggeg eleg suruk ahe-o.

Galatia 6:2

Eke yi angge di angge angginon hinobam werehon epmano hit hit yalmag yalmag suruk amuk-o. Ariroho suruk wilil, bilin At Kristusen yig hisebahon etno ilitoho suruk amuhup-o.

Galatia 6:9

Eke ari halug, fanoroho sukon etno orog-at suruk am fug-o. Eke nintul nantul fanoroho suruk nisalug, fobik o ari sambit anggen fanowon etno-at bal sahuk-o.

Filipi 2:16

eke ariroho nahien haruk wilil, an o kweanmen yabuk sat anggolo suruk wilil werlek-at suruk atikik fug-o, ulug nahla buhuk-o.

Filipi 4:3

Eke hat nomin ninim Allah yabuk suruk atukukon etnowen it hweap biren eta yalmag inabin-o. Eke it hweap epmano inim, eke at Klemens inim, eke it nomini nin ninim Allah yabuk surukukon epmano iniluk welamag ulug At Allahen holal imbirision etno hit obog-at wene fano wene etno yig isil lawag ulug ninim yabuk sat anggolo surukuk-o.

Kolose 1:11

Eke At Allah oag wereg halug, hit hinoag weregsoho welamuk-o. Eke it ninen hit seberep hisahuog ulug waharuk amuhupmu, hit hinahla bugsoho wilil, minduhuk welamuhup-o.

1 Tesalonika 1:3

Eke hiren wene eberoko waruk wilil, ilitoho suruk ahebon etno inim, eke hinindi hunduhuk wilil, yabuk anggoloroho suruk ahebon epmano inim, eke At Ninowe Yesus Kristusen fano ninabuhu-o ulug fanoroho hinindi ebetuk ahebon etno inim obog-at nintul nantul At Ninikni Allah il fam ninindi ebetuk ahe-o, nomini.

1 Tesalonika 2:9

Eke hit hineyabuk sat anggolo suruk atukukon etno hinindi ebetuk ahep-o. Eke wene fanowon At Allahen yig nisarukon etno yig hisaruk wilil, hiren uang onggo og nisa nowen ulug ilikia hupmu nininggiken yabuk suruk atukuk-o.

1 Tesalonika 5:12

Nomini-o, eke it ap hineyabuk seheg, eke hit hinindi aso welaheg, eke hinesanggo wareheg suruk amag ulug At Allahen heako minduhup isarision epmano hiniknisi neken it inune hinesanggo holtuk amuk-o.

2 Tesalonika 3:13

Eke hit hag, yi angge di angge epmano fanoroho suruk ahep etno hag, hinambit heheg eleg ilitoho-at suruk amuk-o.

2 Tesalonika 3:5

Eke hit hinindi At Allah hinim hunduhuk welamon etno inim, eke At Kristusen hinindi oag werehep hisahukon etno inim obog-at At Allahen og hisawag ulug yig hisehe-o.

2 Tesalonika 3:8

Eke at ap misihen yi angge di angge og nisarukmu, niren onggo eleg yuhun-at holarukuk fug-o. Eke ariroho holarukuk fureg, yabuk sat anggolo suruk atukuk-o. Eke ilikia hupmu yabuk suruk atukuk ari, hat misihen nit ninabuen yi angge di angge og nisa nowen ulug suruk atukuk-o.

1 Timotius 4:10

Eke At Allah iluk werehon etnowen it aphe obog inim, eke nit At udaki inim ninili warukon etnowen fanowon etno og nisahu-o, ulug At obam ninindi ebetuk wilil, sat anggolo neken yabuk suruk ahe-o.

1 Timotius 5:17

Eke it ap Allah wene yig isarukon epmano hag, aphe inindi aso fanoroho wereg isalug, ininuk suontepfuruk amuk-o. Eke it Allah wene yanggul isarukon epmano yabuk fanoroho suruk isalug, Allah ake umburukon epmano anggoloroho og isaruk amuk-o, ulug wene ariroho yig hisihi ari, Alkitab famen yig nisaruk wilil, “Wam sapi iog fam wiyagfut anggen loltil nurukmu, ambilik hele wabuk fug-o,” eke “It ap yabuk surukon epmano onggo ilitoho og isa fano-o,” ulug yig nisaruk-o.

Ibrani 10:36

Eke At Allahen og hisahuk ulug ebahon etno huluog ulug hiren At ahla burukon etno suruk amuk-o, ulug hinahla buruk wilil hinindi seberoho-at welamuk-o.

Ibrani 12:1

Eke nit hag, it aphe inindimu demat ulug ebetuk apahon epmanowen yig nisaruk isalug, ninonggarehen ninonggalem halepateheg, eke alem dag sukag ulug ninobam waharukon epmano elehepfeheg, eke ninonggalem yanggul nisebahon epmano ninahlahiroho laheg suruk amuk-o.

Ibrani 13:13

Eke At ebe etno lehet selema fil wereg ari fam, nit ninebe epmano At ambeg wilip atlug ninim ninenggali haruk amuk-o.

Ibrani 6:10

Eke At Allahen dahan fahan suruk eleg-o. Ari halug, hit yabuk fanowon suruk atikibon etno inim, eke At Allah hinindi hunduhuk wilil hinomini At Kristus awene warukon epmano inabuen yi angge di angge nintul nantul og isaruk atikibon epmano inim obog-at apeleg aruhu fug-o.

Ibrani 6:12

Eke hit hinaboraliroho suhup halug, nit ninambit-o. Eke it ap nin, inindimu fanoroho ebetuk wilil, dahon etno inobam umburuk iseheg yuhun-at wereg isalug, At Allahen og hisaruk-o ulug abug ebahon etno holuog ulug wereg etno hag, hit ariroho-at welamag ulug yig hisehe-o.

Ibrani 6:15

Yig ituk apagma, at Abraham etno indi seberoho wilil, og umon etno aso weregma, At Allahen abug yig epahon etno arat og epag-o.

2 Petrus 1:6

niniluk amon etno holahukseg, fobik ninobabut fanowon etno holahuk-o, ninobabut fanowon etno holahukseg, ninindi bugsoho welamon etno holahuk-o, ninindi bugsoho welamon etno holahukseg, fobik ninindi fanowon etno holahuk-o,

Wahyu 1:9

At Yohanes etnowen wene holal umburuk wilil, “An hinomin Yohanes etno alem Allah wene inim, eke At Yesus Kristus inuk etno inim yig isil larikikseg fam, ik anggenma inuk Patmos etno lahap naharusama welatikik-o. Eke hit dahon hinobam umburuk etno hag, an dahon nobam umburusa-o. Ari halug, At Allah weregma welamu­hukon inim eke At Yesus Kristus inuk fam wene demat urukon etno inim hit ninim dambuksoho waruk ahe-o.

Wahyu 3:10

Eke hit Anden yig hisaruk seag etno ilitoho hinindi oag weregsoho welatikipseg fam, fobik it aphe o kweanma werehon obog inaren bal inabiug ulug dahon etno o ahik ya da obog in­obam umbu­ruk aruhumu, Anden hinili wahuk-o.