Wahyu 19:16 - Allah Wene Hurumbik Keron

¹⁶ Ariro­ho ahla birisireg, Ap du yi aphe di aphe inowesi epmano Inowe suon-at wereg-o ulug asum fam eke iog fam inim holal baleg welatisi-o.

Wahyu 19:16 ပူးပေါင်းရင်းမြစ်များ

Matius 25:40

Yig nituk amuhupmu, An Hinowe etnowen yig isaruk wilil, ‘Hit fanoroho sirikip ulug yig hisihi ari, hiren it ap An nosi doron epmano fikfag inabua suruk atikip ari fam, An-at nabua suruk atikip ulug demat yig hisihi-o,’ ulug yig isahuk-o.

1 Timotius 6:15

Eke At Yesus Kristus wamon etno fanggog ukag ulug At Ninikni Allah suon etnowen uhu-o. Eke At Allah it ap suon Inikni-at wereg-o, eke o kweanma inowesi inowe-at wereg-o.

Wahyu 1:5

Eke At Yesus Kristus wene demat urukon etno yig niseheg, eke it ap o ahik ya da suon epmano Inowe suon welaheg, eke Amloho manggia neken it warehon imbisaruk ambehen iluksoho minduhupfebahon etno ahien hinobam umburuk-o. Eke At Yesus etno nit ninebe indi hunduhuk wilil, ninake waratuk apa­reg, niren dag suruk aheon epmano ninobam ninapelegsoho Aren apma ninombisahabag-o.

Wahyu 17:14

Ariroho suhubon-at oke, fobik At Wam Domba Udag etno inim wim abuhup-o. Wim abuhubon oke, eke At Wam Domba Udag etno it yi aphe di aphe obog Inowe suon welaruhu ari fam, At udaki heako imbisarision epmano inimen walo suon etno osi inim mondog war inaptuk amuhup-o,” ulug yig nitisi-o.

Wahyu 2:17

Eke hine­sanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o. Eke it inoag weregsoho anduhunmu welamuhubon halug, orom manna herahoma werehon epmano og isahuk-o. Og isaruk aruhukseg, obam seberoho helep huluon etno fam ininuk keron etno inakeleg sik iniluk amag ulug wene holal baloko og isahuk-o,” ulug yig nitisi-o.