Wahyu 19:15 - Allah Wene Hurumbik Keron

¹⁵ Waharuk atusama, At etno elmen karog engga­ron misig wilik waharuk atisimu, etno fam it yi aphe di aphe inungguluag dombog apmarep isiug ulug sirisi-o. Ariroho suruk atisireg, ahla buruk wilil, “Sega fam napmarep isa­ruk aruhukseg, e anggur anggen bisaltuk ambeg epmanowen At Allah inuk fam bisaltuk aruhuk-o,” ulug ahla birisi-o.

Wahyu 19:15 ပူးပေါင်းရင်းမြစ်များ

2 Tesalonika 2:8

Eke at ap dahon etno arat waharuk aruhumu, At Ninowe suon Yesus etno oag weregsoho waharuk aruhureg, At ele ahahe oag werehon etno fam ap dahon etno warepfuhu-o.

Wahyu 1:16

Eke soholoal sabiren angge inggik bikit filen senere­heg eke elmen karog enggat femag femag werehon wilipfeheg suruk wilil, At olohore mo yatukon etno ilitoho abikag surukmu ni­langgen harikik-o.

Wahyu 12:5

Ariroho weregma, eke at hwe etnowen amloho endetisireg, ahla buruk wilil, “Udag du sega seneg wi­lil, it yi aphe di aphe inowe welaruhu-o,” ulug ahla birisi-o. Ahla buruk atision oke, it ninen udag etno hambogsoho At Allah weregma imbik laharusa-o.

Wahyu 14:10

eke ininggikmu, eke inilahoagma walo aholal werehon etno inim, At Allahen asineroho dahon etno inobam umbuhu-o. Eke it malaikat epmano inim, eke At Wam Domba Udag etno inim inolohotmen it obog dag suruson epmano o hondok olokma welamuhup-o.

Wahyu 19:21

Hik isaruk atusa­ma, eke at wam kuda amboloag fam larukon elmen karog wilik wahari­sion etno fam inosi obog war inaptisimu, it sue obog epmanowen it warehon ininu epmano inahumsoho narusa-o.

Wahyu 2:12

Eke fobik an yig nituk wilil, “At it jemaat o Pergamus aphe inaso werehon etno og emag ulug holal duroho imbimihin-o: At karog enggat femag femag werehon senetukon etnowen yig hisaruk wilil,

Wahyu 2:16

Ari halug, hiren dag suruk ahebon epmano sohorep isaruk amuk-o. Eke sohorep isaruk eleg hisalug, hinambeg waharuk aruhukseg, karog nambilikmu werehon etno fam it aphe epmano war inabuhuk-o.

Wahyu 2:27

Og isaruk aruhukmu, it etno o kweanma it yi aphe di aphe obog inowesi suon wilil, sohorluk kwean kabog fam sehon epmano sega fam halog suruk etno hag, iren yikangge war inaptuk amag ulug min­duhup isahuk-o.