Wahyu 19:12 - Allah Wene Hurumbik Keron

¹² Ariroho wilil, At ilanggen hondok ambulpul neken yibatuk atisi-o. Ariroho yibatuk wilil, unggula­sum anggo­lo-at wanteg welatisi-o. Eke At ebe ilahoag fam inuk At ake­leg-at ilukon etno holal baleg welatisi-o.

Wahyu 19:12 ပူးပေါင်းရင်းမြစ်များ

Matius 11:27

Hat Niknien An yi angge di angge obog og nitikinteg fam, Haren-at An Hamloho nebe hiluk-o. Eke An Hamlohoen-at Hat Nikni hebe niluk-o. Eke An Hamloho etnowen it nin yig isarukmu, it etnowen-at Hat hebe iniluk atuk-o,” ulug ebag.

Matius 21:5

“It aphe o Sion werehon epmano At Hinowe etno kidia hinambeg waharuk ulug yig isimuk-o. Eke At ebe indi seberoho wilil, fano mondog werehon etno wam keledai udag etno amboloag fam laruk-o, ulug hurumbik ebahon demat seg atisi-o ulug inahla bukag,” ulug ariro­ho yig isebag.

Matius 28:18

Sembahyang uruk apagma, At Yesus etno it wereg ambeg horogsoho waharuk apareg, yig isaruk wilil, “An nebe etno suon wilil o boholma inim kweanma inim obog-at unde welamag ulug minduhup naharisi-o.

Lukas 10:22

Hat Niknien An yi angge di angge obog og nitikinteg fam, Haren An Hamloho hebe hiluk-o. Eke An hamlohoen Hat Nikni hebe niluk-o. Eke An Hamloho etnowen yig isarukmu Hat hebe iniluk atuk-o,” ulug uruk apag.

Yohanes 17:11

Eke An nebe etno o kweanma duma sohorep isalug, kidia Hat hambeg wariog ulug suruk ahi-o. Eke it nudaki epmano hag o kweanma duma-at welamuhup-o. It inebe duma welamuhup ari fam, Haren An bilin nindi oag werehep naharikin etno hag, it ariroho-at Hat hinuk fam inindi oag werehep isin-o Nikni. Hat hebe etno suon-at welahen-o. Eke nit Hat ninim ninindi misig-at welahe etno hag, it inindi misig-at welamag ulug og isimin-o.

Yohanes 17:12

Eke An nebe bilin it ninim wilil, Haren An nindi oag werehep naharikin etno hag, Anden Hat hinuk fam inindi oag werehep isarikik-o. Eke it inebe Haren og nitikinon epmano An inaso wereg neyeheg, misig eleg atisi fug-o. Eke misig eleg atisi ari, bilin wene baleg fam ariroho eleg aruhu-o, ulug ebahon etno demat ebag ulug inahla bukag ulug eleg atisi-o.

Efesus 1:21

Ariroho walug laharuk apagma, At Kristus etno etlema wilil, yi ap di ap suon inim, eke yi ap di ap inoag werehon inim, eke yi angge di angge inuk suon kidia werehon epmano inim, eke fobik welamuhubon epmano inim obog-at At apma wereg isalug, At Inowe suon wereg-o.

Ibrani 2:9

Isaruk ahe fuhon oke, At Yesus-at ninilanggen haruk ahe-o. Eke At ebe elamna-at it malaikat epmano inapma welamag ulug embebareg fam, At Allahen it yi aphe di aphe obog inabua isaruk heheg, At it inake waramag ulug sohorep isebahon oke, At ebe waratuk wilil yahan wapareg fam, kidia At ebe suon alon werehon-at wereg haruk ahe-o.

Wahyu 1:14

Ariroho weregma harikikseg, eke At ebe iruk etno huluon wilil, ilanggen hondok am­bulpul neken yibatuk weregma harikik-o.

Wahyu 12:3

Nilanggen haruk heheg, eke fobik walo sabilik hahon misig suon etno olohore mebon wahari­si-o. Waharuk wilil, ungguluag sabiren angge werehon etno, ayeg ungguluag famen lahabehon epmano nomaloen angge welatisi-o. Ariro­ho wilil, ungguluag obog epmano fam unggulasum wanteg wilil wahari­si-o.

Wahyu 13:1

Eke fobik walo suon misig ik laut ikmen lahik waharuk­mu nil harikik-o. An nilanggen haruk heheg, walo etno ayeg unggu­luagmen lahabehon nomaloen angge etno inim, eke ungguluag sabiren angge werehon etno inim, eke ungguluag sabiren angge etno fam inuk dahon holal balehon inim welatisi-o.

Wahyu 19:16

Ariro­ho ahla birisireg, Ap du yi aphe di aphe inowesi epmano Inowe suon-at wereg-o ulug asum fam eke iog fam inim holal baleg welatisi-o.

Wahyu 3:12

Eke it inoag weregsoho anduhunmu neken welamuhubon halug, At Allah weregma o wut oag neken minduhup isahukmu, wilip amuhup fug-o. Eke At Nikni Allah inuk inim, eke o Yerusalem keron At Allahen boholmen belabik waruhu­on etno inuk inim inilahoag fam holal umbuhuk-o. Eke it ininuk keron soal inabuhukon etno inim-at inilahoag fam holal umbu­huk-o.

Wahyu 6:2

Nilanggen haruk neyeheg, at wam kuda huluon misig waharisi-o. Waharuk atisimu, at ap misig wam ambo­loag fam larukon etno sehen inggikmu weregma, unggulasum fano­won etno og itusa-o. Og ituk atusa­ma wim inim abuog ulug wilip atisi-o.