Wahyu 17:5 - Allah Wene Hurumbik Keron

⁵ Eke nin hwe etno ilahoag fam inuk herahowon holal baleg weregma harikik-o, inuk ari Babel suon, it inilag warukon etno inim, it kweanmen dag surukon epmano inim inisina du at-o ulug holal baleg etno weregma harikik-o.

Wahyu 17:5 ပူးပေါင်းရင်းမြစ်များ

Filipi 3:19

Eke it epmano fobik o dagma lahup-o. Eke it inikni suon neken inahum-at wereg-o. Eke it yi angge di angge inenggali haon epmano fam suontepataruk-o. Eke it yi angge di angge kweanmon epmano-at inahla buruk-o.

2 Tesalonika 2:7

Eke aren angge alem dahon etno kidia herako neken wereg oke, eke at misihen bok amin yig ituk-o. Eke at bok amin yig itukon etno fobik eleg aruhumu, at ap dahon etno selegma aruhu-o.

Wahyu 1:20

Eke soholoal inebe sabiren angge ninggik bikit filen seneg welahion epmano ari, it aphe jemaat sabiren angge epmano ap inaso werehon neken wereg-o. Eke eral umburuk ambeg emas fam sehon inebe sabiren angge werehon epmano it aphe jemaat sabiren angge epmano neken wereg-o,’ ulug wene herahowon etno bukaloko yig hirihi-o, ulug yig nitukmu nesanggo holtikik-o,” ulug holal balfag.

Wahyu 11:8

War inaptuk atisimu, it inebe warohon epmano o ahik sumu Ninowe e salib fam waroko embebag ambeg epmano kwalema yinggig welatusa-o. Yinggig welatusa ambeg etno inuk Sodom, eke inuk misig Mesir epmano ilitoho neken-at soaleg welatisi-o.

Wahyu 14:8

Ariroho uruk atisireg weregma, ombolim fobik malaikat misig waharuk atisireg, yig isaruk wilil, “O Babel suon aren aphe dag suhuben ulug ambusu nawag ulug og isarision etno satnogsoho ambehek-o,” ulug irisi-o.

Wahyu 16:19

Suruk heheg, eke fobik o ahik sumu etno kwean ele kahaltisi-o; eke o ahik ya da aphe inibam epmano obog-at mialtil larisi-o. Ariroho mialtil larisi ari, At Allahen it Babel aphe epmanowen dag suruson epmano indi ebetuk wilil, it aphe epma werehon war inabiug ulug ariro­ho mialtil larisi-o.

Wahyu 17:1

Eke fobik it malaikat inahik oag olokon senetuson etno misig nambeg waharisireg, yig nituk wilil, “Ma-o. Ik anggenma o ahik suon inibam anggolo falehon etno yanggul hipmin-o. Eke o ahik suon ari, aphe o kweanmon obog inilag warukon neken welatision etno dahon obam umburukmu anden yanggul hipmin-o.

Wahyu 17:2

Eke at o ahik suon etnowen it o kweanma inowesi suon etno inilag waruk heheg, it aphe kweanmon ambusu dahon etno narusareg fam, obog-at nenek neken surusa-o,” ulug yig nitisi-o.

Wahyu 17:7

“Hakol ari keroho ulug haruk ahen-o?” ulug yig nituk ati­sireg, nin dahagsoho yig nituk wilil, “At hwe etno inim, walo suon yaruko walug larukon etno inim, wene undama ebe du weregma yig hipmin-o.

Wahyu 18:2

Yangguk atisimu, at ma­lai­kat etnowen une suon uruk wilil, “Babel suon etno bule ambe­hek­ma, it iblis etno inim, it inahurangge dahon epmano inim, o Babel olunmu epmano wereg-o. Eke yi sue di sue obog dahon epmano wereg-o.

Wahyu 18:21

Ariroho uruk atusama, eke at malaikat suon misihen helep suon misig hambogsoho waruk atisireg, ik laut ikma hik isarisi-o. Hik isaruk atisireg uruk wilil, “Kidia helep du hik isihi etno hag, fobik o Babel suon etno noag weregsoho hik isaruk apminmu, inilanggen eleg hahup-o.

Wahyu 19:2

Eke Aren demat aphe inoag deloko imbisaruk-o. Eke o suon Babel kweanmen yi dag di dag suruk atision etno mialoko embehek-o. Eke at anggimbu war inap­tisi halug, At Allahen mialoko embehek-o,” ulug uruk atusareg,

Wahyu 7:3

“It Allah anggimbu etno niren du Allahen angge-at ulug awan inilahoag fam holal umburuk eleg niseheg, hiren o kweanma inim, ikma inim onggama inim dahapsuk fug-o,” ulug yig isari­si-o.