Wahyu 17:2 - Allah Wene Hurumbik Keron

² Eke at o ahik suon etnowen it o kweanma inowesi suon etno inilag waruk heheg, it aphe kweanmon ambusu dahon etno narusareg fam, obog-at nenek neken surusa-o,” ulug yig nitisi-o.

Wahyu 17:2 ပူးပေါင်းရင်းမြစ်များ

Yohanes 2:10

yig ituk wilil, “It aphe ninen inomini e anggur ambusu induk fanowon etno bilin og isarukmu, naruk atlug it epmano inil fulug suruk isalug, e anggur ambusu induk dahon etno fobik og isaruk oke, haren e anggur ambusu induk fanowon du fobik-at og isaruk ahen-o,” ulug yig epag.

Wahyu 14:8

Ariroho uruk atisireg weregma, ombolim fobik malaikat misig waharuk atisireg, yig isaruk wilil, “O Babel suon aren aphe dag suhuben ulug ambusu nawag ulug og isarision etno satnogsoho ambehek-o,” ulug irisi-o.

Wahyu 17:13

Ariroho welamuhupseg, eke fobik it obog etno ilitoho-at suog ulug inebe suon oag werehon wela­mon etno at walo inggikmu umbuhup-o.

Wahyu 17:17

Eke At Allahen ahla burukon etno ilitoho suruk amag ulug seko imbisarisireg fam, iren inindi misig wilil ilitoho-at suruk amuhupseg, at walo suon etno ang­gimbu wilil, it inowesi suon welamon etno at walo inggikmu umbuhup-o.

Wahyu 17:5

Eke nin hwe etno ilahoag fam inuk herahowon holal baleg weregma harikik-o, inuk ari Babel suon, it inilag warukon etno inim, it kweanmen dag surukon epmano inim inisina du at-o ulug holal baleg etno weregma harikik-o.

Wahyu 17:8

Walo ebe hehe­non ari, bilin iluk welatisireg, waratisi-o. Waratision oke, kwean kahaleg ambehen lahik waha­ruk arikonma, fobik mondog warepfikon-o. Eke it aphe o kweanmon buku iniluk welamon etno fam ininuk holal baleg elehon etnowen walo suon etno ebe inil hukonteg, inakol hukon-o. Inakol hukon ari, walo suon etno bilin iluk welatisireg, eke fobik waratisi­on etno iluk ahareg warikon etno fam inakol hukon-o.

Wahyu 18:23

Eke eral fisaho etno epma welaruhu fug at-o. Eke o Babel epmen aben hwe holahup fug at-o. Eke it nin o Babel epmen onggo hundutuk wilil, inaharek anggolo holaruson oke, it yi aphe di aphe obog inenggal-at yig isaruk atu­sa-o,” ulug at ma­laikat etnowen irisi-o.

Wahyu 18:3

Eke it kweanmon inowesi suon epma­no inim, it inaharek anggolo amag ulug onggo hundutukon epmano obog-at inilag warisi halug, bule ambehek-o,” ulug at malaikat etnowen irisi-o.

Wahyu 18:9

Ariroho uruk ati­simu, eke it aphe kweanma inowesi suon inim dag suruson etno o Babel hondoken narukmu inilanggen harusareg, ioba anggolo yatu­sa-o.

Wahyu 2:22

Ari halug, at hwe ebe inim, eke it ap inim wanggik suruson epmano inim inebe muko wilip isalug dahon etno inobam umbuhuk-o. Eke it ap epmanowen inim dag suruson etno soho­rep isaruk wilil, ioba yatuk eleg isalug, kidia dahon epmano inobam umbuhuk-o.

Wahyu 3:10

Eke hit Anden yig hisaruk seag etno ilitoho hinindi oag weregsoho welatikipseg fam, fobik it aphe o kweanma werehon obog inaren bal inabiug ulug dahon etno o ahik ya da obog in­obam umbu­ruk aruhumu, Anden hinili wahuk-o.

Wahyu 9:21

Ariroho ebetuk wilil, it aphe epmanowen ap war inabeheg, eke usa seheg, eke wanggik seheg, eke inalomnangge herahakeg surukon epmano sohorep isarusa fug-o.