Wahyu 17:14 - Allah Wene Hurumbik Keron

¹⁴ Ariroho suhubon-at oke, fobik At Wam Domba Udag etno inim wim abuhup-o. Wim abuhubon oke, eke At Wam Domba Udag etno it yi aphe di aphe obog Inowe suon welaruhu ari fam, At udaki heako imbisarision epmano inimen walo suon etno osi inim mondog war inaptuk amuhup-o,” ulug yig nitisi-o.

Wahyu 17:14 ပူးပေါင်းရင်းမြစ်များ

Matius 22:14

Yig isaruk apareg, eke fobik yig isaruk wilil, “It inebe anggolo-at inayonggo lebahon oke, inebe we dorat fuloko imbisebag-o,” ulug yig isebag.

Matius 25:40

Yig nituk amuhupmu, An Hinowe etnowen yig isaruk wilil, ‘Hit fanoroho sirikip ulug yig hisihi ari, hiren it ap An nosi doron epmano fikfag inabua suruk atikip ari fam, An-at nabua suruk atikip ulug demat yig hisihi-o,’ ulug yig isahuk-o.

Matius 28:18

Sembahyang uruk apagma, At Yesus etno it wereg ambeg horogsoho waharuk apareg, yig isaruk wilil, “An nebe etno suon wilil o boholma inim kweanma inim obog-at unde welamag ulug minduhup naharisi-o.

Yohanes 15:16

Eke An nebe hiren imig naptikip fug-o. Hit hag anggen fanowon itog mondog welamon yihikeg, eke o ahik ya da epmano yig isil laheg suruk amag ulug Anden imig hinaptikik-o. Eke hit An ninuk fam At Nikni etno ambeg ariroho simihin ulug kino yig ituk hisalug, Aren suhu at-o.

Roma 1:6

Mondep nisahik wapag etno hag, hit ariroho At Yesus Kristus udaki amuhuben ulug hinayonggo embebahon etno, At Allahen hit indi hunduhuk wereg-o.

Roma 8:30

Eke it aphe inebe At Allahen bilin fuloko imbisebahon epmano wol inapag-o. Wol inaptuk apareg, ninim fanoroho welamuog ulug alem dahon inobam werehon etno elehep isebag-o. Ariroho suruk apareg, fobik ninim suon-at welamuhuk ulug hurumbik yig isebag-o.

Roma 8:37

Eke At nit ninebe indi hunduhuk wereg heheg, alem misihen heal ninabuhu fug ulug demat niniluk welahe-o.

1 Korintus 15:24

Eke At Kristus etnowen it inenggal wene yig isarukon obog inim, eke it inowesi neken werehon epmano inim eke it inoag werehon epmano inim it obog inoag elehep isaruk aruhureg, Aren At Allah akeleg-at inuk suon-at welamag ulug og iruhu-o.

1 Timotius 6:15

Eke At Yesus Kristus wamon etno fanggog ukag ulug At Ninikni Allah suon etnowen uhu-o. Eke At Allah it ap suon Inikni-at wereg-o, eke o kweanma inowesi inowe-at wereg-o.

2 Timotius 2:4

Eke ap misig anggimbu ari, at iknien yig itukon etno-at ilitoho sik ulug ahla buruk wilil, yi yabuk di yabuk werlekon sohorep isaruk-o.

1 Petrus 2:9

It epmano wataruson oke, eke hit hag fuloko hinombisarision epmano, At Allah udaki-at welahep-o. Ap misig inuk fam hinungguluag soal hinaptisi fug-o. Hit Allah udaki epmano o hikmu epmanowen wol hisarisimu, o selegma wilil, At Allahen elalintoho sirision etno yig isil lawag ulug wol hisarisi-o.

Wahyu 1:5

Eke At Yesus Kristus wene demat urukon etno yig niseheg, eke it ap o ahik ya da suon epmano Inowe suon welaheg, eke Amloho manggia neken it warehon imbisaruk ambehen iluksoho minduhupfebahon etno ahien hinobam umburuk-o. Eke At Yesus etno nit ninebe indi hunduhuk wilil, ninake waratuk apa­reg, niren dag suruk aheon epmano ninobam ninapelegsoho Aren apma ninombisahabag-o.

Wahyu 11:7

Minduhup isarisimu, eke iren At Allahen hurumbik suhuon etno aphe obog yig isarusa-o. Yig isaruk atusa­ma, eke fobik kwean kahaleg ambeg epmanowen walo etno lahik waharisireg, inim wim aptusa-o. Inim wim aptuk atusama, at walo etnowen war inaptisi-o.

Wahyu 16:14

Ariroho suruk isarikikon etno, it inebe henahan wilil, sukfugangge suog ulug it aphe kweanmon inowesi suon inambeg epmano larusa-o. Laruk atusareg, eke it epmanowen it inowesi suon epmano wene wim sukag ulug At Allahen inoag delu­hu ambeg epmano wonggal inabuog ulug surusa-o.

Wahyu 2:10

Ari halug, iren yi angge di angge dahon hinobam umbuog ulug suruk isalug, hinakol isa fug-o. Eke hit nin at iblis etnowen hinindi kahaliug ulug aphe dahon imbi­saruk ambeg epmano kolap hisahureg inggik nomaloen angge fam dahon etno hinobam umbuhuon oke, eleg aruhu-o. Eke hit hag, waram ninakol eleg-o, ulug uruk hisalug, hiniluk welamon etno og hisahuk-o.

Wahyu 2:13

hit at iblis wereg ambeg welahep etno An niluk-o. Eke bilin at Antipas An nawene fanoroho yig isarukon etno at iblis wereg ambeg epmanowen watuson oke, eke hit An nawene etno sohorep iseheg eleg fanoroho waruk wilil nobam ebetuk atikip-o.

Wahyu 3:21

Eke it inoag weregsoho anduhunmu welamuhubon epmano An kidia Nikni ombandu bikit fil su­on-at welahi etno hag, it epmano og inaplug An nombandu fil welamag ulug suontoho imbi­sahuk-o.