Wahyu 16:15 - Allah Wene Hurumbik Keron

¹⁵ Eke hit hine­san­ggo fanoroho holtuk amiek-o. Ap inalomnangge her­aharukon hera­ko waharuk etno hag, hetnogsoho waruhuk-o. Eke it aphe nohoruk elehon inasum yaharoho werehon etno inahien suhup-o. Ariroho suhup ari fam, fobik ineabie wilil selemen inengga­li hahup fug-o.

Wahyu 16:15 ပူးပေါင်းရင်းမြစ်များ

Matius 25:13

ulug At Yesusen yig isaruk apareg, eke fobik yig isaruk wilil, “Eke hit o ari fam waruhu, eke mo eta fam waruhu ulug hinapeleg halug, fikfag aso welamuk-o,” ulug yig isebag.

Matius 26:41

Ari halug, hit dag sukag ulug hinindimu kahalik wam nowen hinilanggen yaharoho wilil sembahyang-at uruk amuk-o. Eke hinindimuen du suk fano ulug buruk ahebon oke, hininggik fam sukon etno hinahlahi atuk-o,” ulug yig isaruk apareg,

Markus 14:38

eke fobik yig isaruk wilil, “Hit dag sukag ulug hinindimu kahalik wam nowen hinilanggen yaharoho wilil, sembahyang-at uruk amuk-o. Eke hinindimuen du suk fano ulug buruk ahebon oke, hininggik fam sukon etno hinahlahi atuk-o,” ulug yig isaruk apareg,

Lukas 21:36

Eke yi angge di angge suruk heheg, hinilioko hinoag weregsoho welamuhupseg, An Allahen minduhup naharision nambeg epmen fanoroho minamuhuben, hinindi aso wilil, nintul nantul sembahyang uruk amiek-o,” ulug yig isebag.

Kisah Para Rasul 20:31

Ariroho suruk isalug, an tahun henahan wilil nintul nantul ioba yatuk wilil, hit obog yanggul hisaruk atikikon epmano fanoroho hinindi ebetuk amuk-o.

2 Korintus 5:3

Eke ninibam boholmon epmano arat og nisaruk halug, ninebe elehon neken welamuhuk fug-o.

1 Tesalonika 5:4

Eke ariroho suhu oke, eke hit o hikmu neken welahep fug-o nomini. Eke at ap o aso werehon etno it inalomnangge herahuog ulug kurukim ilanggen yaharoho wereg etno hag, hit yuhun-at weregma, at etno sambit waruhu halug, hinahut lahu fug-o.

1 Tesalonika 5:6

Eke it ap nohorukon etno ilitoho nohoruk am fug-o. Nit noho kunkan seheg eleg wilil aso fanoroho welamuk-o.

1 Petrus 4:7

Nin eke wene misig du yig hisamin-o. Yi angge di angge ketoho imbisawon epmano horog fanggog uhu halug, sembahyang mondog uruk wilil welamuhuken ulug, hinobabut surukon epmano fanoroho yaha welamuk-o.

2 Petrus 3:10

Eke ap inalomnangge wuog ulug herag herag waharuk etno hag, At Ninowe Yesus hetnogsoho waruhu-o. Waharuk aruhumu, bohol etno une suon uruk wilil, eleg aruhu-o. Eke mo inim, bikalem inim, soholoal inim, yi angge di angge kweanma werehon epmano inim hondoken naruk wilil, eleg aruhu-o.

Wahyu 22:7

Yig nituk atisimu, eke At Yesusen uruk wilil, “Hit hinesanggo fanoroho holtuk amiek-o. An fobik wamon etno horog fanggog ehek-o. Anden holal baleg du fam hurumbik yig hisarikikon etno inesanggo holtukon halug, inahien hahup-o,” ulug irisi-o.

Wahyu 3:11

Eke An nebe hag, horog fanggog ik wariug ulug suruk ahi-o. Eke hit Anden og hisahukon etno aben diloko hola nowen ulug, fikfag eberoko waruk wilil seneriek-o.

Wahyu 3:18

Ari halug, hiren suruk amag ulug yig hisamin-o, hina­harek epmano wereg amag ulug emas olohore fanowon etno onggo bal simiek-o. Eke hinebe hineabie-at wilil hinenggali haruk ahebon etno eleg amag ulug hinasum huluon onggo bal salug wan simiek-o. Eke hinilanggen buhon ari fenggen amag ulug, minyak ambusu etno onggo bal salug are simiek-o.