Wahyu 16:14 - Allah Wene Hurumbik Keron

¹⁴ Ariroho suruk isarikikon etno, it inebe henahan wilil, sukfugangge suog ulug it aphe kweanmon inowesi suon inambeg epmano larusa-o. Laruk atusareg, eke it epmanowen it inowesi suon epmano wene wim sukag ulug At Allahen inoag delu­hu ambeg epmano wonggal inabuog ulug surusa-o.

Wahyu 16:14 ပူးပေါင်းရင်းမြစ်များ

Matius 24:14

Eke it yi aphe di aphe obohen inesanggo holukag ulug, At Allah weregmen sukon wene fano wene etno o ahik ya da obog-at yig isil lahup-o. Yig isil laruk amuhupmu, o atog arat aruhu-o,” ulug yig isebag.

Matius 24:24

Eke it ap werlekonen an Kristus-at-o, an nebe nabi ap Allah wene yig isaruk ahion at-o, ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano seheg, eke it sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o.

Markus 13:22

It ap werlekonen, ‘An Kristus at-o. An Allah wene yig isaruk ahion at-o,’ ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano at seheg, eke sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o ariroho suhup ari, hit hinindi fanoroho yaha welamuk-o.

Lukas 2:1

Nin eke ap suon misig inuk Kaisar Agustus etnowen aphe obog ininuk holal fam umbulug inebe wane inabukag ulug wene yig isebag.

Yohanes 8:44

Eke hit hinikni at setan udaki wilil, hiniknien duroho siek ulug ahla burukon-at ilitoho suruk ahep-o. Eke at setan ari, o amuken-at ap watukon neken welapag-o. Eke at setan etno indimu wene demat urukon etno elehen aren demat ulug uruk eleg-o. Eke aren enggal wene yig hisaruk ari, at obam dombog-at uruk-o. Eke at etno wene enggal-at uruk wilil, yi wene di wene enggal-at urukon etno ikni neken wereg-o.

Roma 1:8

Nomini-o, an wene misig du yig hisik-o. It o ahik ya da epmanowen it Roma aphe Allah wene fanoroho waruk-o, ulug il nuruk isalug, an At Yesus Kristus inuk fam Ninikni Allah wa ulug yig ituk ahi-o.

2 Tesalonika 2:9

Eke at ap dahon etno waharuk wilil, at setanen oag werehon etno og itukmu, elalintoho enggal-at sukfugangge neken suhu-o.

1 Timotius 4:1

At Roh Kudusen duroho ulug bukaloko yig nisaruk-o, eke fobik it ap ninen Allah wene demat urukon etno seberoho umbulug, it setanen inenggal wene urukon etno yanggul isaruk amuhup-o.

Yakobus 3:15

Eke ariroho surukon ari, alem boholmen waharuk eleg-o; kweanmen-at wereg atuk ari, at setanen suruk epmano hag suruk-o.

1 Yohanes 5:19

Yi angge di angge kweanmon at setan etnowen sen inaptukon-at oke, eke nit halug, ninebe Allahen angge-at welahe ari, demat ulug niniluk atuk-o.

Wahyu 12:9

At walo etno, inuk misig Iblis, eke inuk misig Setan soalehon etnowen it o kweanma aphe epmano enggal-at yig isarisi-o. Ariroho yig isaruk atision etno at omalaikat epmano inim o kweanma belap inabik waharusa-o.

Wahyu 13:3

Inggikmu umburuk atisimu, at walo suon etno ungguluag misig-at wapahon oke, fano apareg ahambut weregma harikik-o. Ariroho haruk atikikmu, eke it aphe kweanmon obog epmanowen wi ulug fog suruk atusareg, walo suon etno mutlug larusa-o.

Wahyu 16:16

Wonggal inabuog ulug suruk atusama, eke o misig it Yahudi ap inune fam Harmagedon soalehon epma it inowesi suon etno balu inaptusa-o.

Wahyu 16:7

eke At Allah ake umbu­ruk ambeg epmanowen une misig uruk wilil, “Nikni Allah suon wa. Haren aphe inoag del inaptuk ahen du, fano-at suruk ahen-o,” ulug urukmu nesanggo holtikik-o.

Wahyu 17:14

Ariroho suhubon-at oke, fobik At Wam Domba Udag etno inim wim abuhup-o. Wim abuhubon oke, eke At Wam Domba Udag etno it yi aphe di aphe obog Inowe suon welaruhu ari fam, At udaki heako imbisarision epmano inimen walo suon etno osi inim mondog war inaptuk amuhup-o,” ulug yig nitisi-o.

Wahyu 20:8

at ebe o ahik ya da epmano inim, o Gog Magog epmano inim enggal wene yig isil larisi-o. Ariroho yig isil laruk atisireg, wim suog ulug at iblisen inebe anggolo balu inaptisireg,

Wahyu 3:10

Eke hit Anden yig hisaruk seag etno ilitoho hinindi oag weregsoho welatikipseg fam, fobik it aphe o kweanma werehon obog inaren bal inabiug ulug dahon etno o ahik ya da obog in­obam umbu­ruk aruhumu, Anden hinili wahuk-o.

Wahyu 6:17

Iren dahon ninobam umbukon etno horog fanggog ehekseg fam, it ari bok amag ulug ap sen yig isikon-o?” ulug urukmu nesanggo holtikik-o.