Wahyu 16:10 - Allah Wene Hurumbik Keron

¹⁰ At inuk suontepfeheg eleg-at weregma, eke fobik at malaikat misig larisireg, ahik oag fam honanggowon etno at walo suon etno horie uruk ambeg deloko belabik waharisi-o. Belabik waha­ruk atisimu, at walo suon horie uruk ambeg epmano obog hik atisi-o. Hik atuk atisimu, it aphe epmano ukmu oloken suruk wilil, inambilik anggen inayehen siroho ketereg wilil inele areg welatusa-o.

Wahyu 16:10 ပူးပေါင်းရင်းမြစ်များ

Matius 13:42

o hondok olokma ioba yatuk wilil inayeg kilit matuk ambeg epma imbisahup-o.

Matius 13:50

it inobabut dag surukon epmano o hondok olokma imbisaruk amuhupmu, epmen ioba yatuk wilil, inayeg kilit matuk amuhup-o,” ulug At Yesusen yig isebag.

Matius 22:13

Ariroho weregma, at inowe suon etnowen it anggimbu epmano yig isaruk wilil, ‘Ap ari inggik iog hele waroko ebe selema o hik ambeg epma wilipfiek-o. It inebe o epmen ioba yatuk wilil, inayeg kilit matuk amuhup-o,’ ” ulug at inowe etnowen yig isebahon etno At Yesusen yig isebag.

Matius 24:51

Waharuk aruhureg, at ikni etnowen it ap inenggal urukon epmano oag deloko selema imbisaruk etno hag, anggimbu dahon etno oag deloko warepfik waruhu-o, warepfik waharuk aruhumu, at etno oloken ioba yatuk wilil, ayeg kilit matuk aruhu-o,” ulug yig isebag.

Matius 8:12

It epmano boholma welamuhup-at oke, eke it nin At Allah weregma inim welatlebon oke At obam ebetuk eleg etno fam o hikmu epmano hik isaruk aruhumu, epmen ioba yareheg, inayeg kilit mareheg suruk wilil welamuhup-o,” ulug yig isebag.

Lukas 13:28

Eke fobik it Abraham, Ishak, Yakub inim, eke it nabi ap obog inim At Allah ibam weregma hinilanggen isaruk amuhupseg, nit at selema welahe-o, ulug ioba yatuk wilil hinayeg kilit matuk amuhup-o.

1 Petrus 2:17

Eke it hinomini hinim, yi aphe di aphe obog-at hinim hinindi hunduhuk welamiek-o. At Allah anggimbu wilil, at hinowe apma welamiek-o.

Wahyu 11:10

Sohorep isaruk atusama, eke it aphe o kweanmon obohen, ap biren etano o kweanma aphe war ninaptuk atuson epmano war atusa ari ninahien-o, ulug urusa-o. Ariroho uruk atusareg, esoho naruk wilil, yi angge di angge epmano at misihen omin og ere­heg, at misihen omin og ereheg surusa-o.

Wahyu 11:2

Eke o Allah ibam o silama epmano wal hao sohorep isamihin-o. Eke it selema Allah wene inapelehon epmanowen o Yeru­salem bikalem empat puluh dua wilil mialtil lahubon etno o Allah ibam o sila­ma epmano og isarusareg fam, o silama etno wal hao sohorep isami­hin-o.

Wahyu 11:8

War inaptuk atisimu, it inebe warohon epmano o ahik sumu Ninowe e salib fam waroko embebag ambeg epmano kwalema yinggig welatusa-o. Yinggig welatusa ambeg etno inuk Sodom, eke inuk misig Mesir epmano ilitoho neken-at soaleg welatisi-o.

Wahyu 17:17

Eke At Allahen ahla burukon etno ilitoho suruk amag ulug seko imbisarisireg fam, iren inindi misig wilil ilitoho-at suruk amuhupseg, at walo suon etno ang­gimbu wilil, it inowesi suon welamon etno at walo inggikmu umbuhup-o.

Wahyu 17:9

Eke misig ari yanggul hip­min-o. Walo ungguluag sabiren angge ari, bunu sabiren anggen at hwe etno horieg werehon etno ilitoho wereg-o. Eke misig ari, it inowesi inebe sabiren angge etno ilitoho wereg-o;

Wahyu 18:2

Yangguk atisimu, at ma­lai­kat etnowen une suon uruk wilil, “Babel suon etno bule ambe­hek­ma, it iblis etno inim, it inahurangge dahon epmano inim, o Babel olunmu epmano wereg-o. Eke yi sue di sue obog dahon epmano wereg-o.

Wahyu 18:21

Ariroho uruk atusama, eke at malaikat suon misihen helep suon misig hambogsoho waruk atisireg, ik laut ikma hik isarisi-o. Hik isaruk atisireg uruk wilil, “Kidia helep du hik isihi etno hag, fobik o Babel suon etno noag weregsoho hik isaruk apminmu, inilanggen eleg hahup-o.

Wahyu 18:23

Eke eral fisaho etno epma welaruhu fug at-o. Eke o Babel epmen aben hwe holahup fug at-o. Eke it nin o Babel epmen onggo hundutuk wilil, inaharek anggolo holaruson oke, it yi aphe di aphe obog inenggal-at yig isaruk atu­sa-o,” ulug at ma­laikat etnowen irisi-o.

Wahyu 8:12

Waratuk atusama, eke at malaikat misihen ambinggon uneap siri­si-o. Uneap suruk ati­simu, mo inim, bikalem soholoal inim femag fil kahaloko elehep­furuk atisimu, o seleg atukon etno minggiroko eleg atisi-o. Ariroho eleg atuk atisimu, ilingge minggiroko, hubanggo minggi­roko hik atisi-o.

Wahyu 9:2

Ahuli la­ruk atisireg suon kahal atuk atisimu, soholoal etno kwean apma ambirisi-o. Amburuk atisimu, ombolim, sahno naruk wilil hubu laharuk etno hag, hondok hubu suon etno laharuk wilil, mo il yatukon etno hik atisi-o.