Wahyu 15:4 - Allah Wene Hurumbik Keron

⁴ Eke Hat akol hearuk elehon misig wereg ano? Eke Hat hinuk suontepfuruk elehon misig wereg ano? Hat hebe suon hoag werehon-at welahen-o. Eke it yi aphe di aphe inungguluag dombohen Hat fanowon suruk ahenon etno inilanggen hearuk atusareg fam, Hat hambeg waharuk amuhupseg, Hat holohotmen hinuk fam sembahyang uhup-o,” ulug di etno urusa-o.

Wahyu 15:4 ပူးပေါင်းရင်းမြစ်များ

Roma 15:9

eke it ap bilin Allah wene inapeleg welatuson epmanowen At Allahen ninabua nisarisi etno wa ulug inahla buruk wilil inuk suontepfukag ulug seheg suruk apag-o. Eke alem ari fam Alkitab wene holal baleg etnowen yig nisaruk wilil,

1 Petrus 1:16

Eke wene ari Alkitab fam holal du weregma, “An nakeleg fanoroho welahi etno hag, hit ariroho-at fanoroho welamuk,” ulug holal etno hiniluk-o.

Wahyu 11:15

Eke fobik at malaikat sabiron etno ambinggon une suon irisimu, o boholmen inune amitmit uruk wilil, “It aphe kweanma inungguluag dombog Inikni aruhuon etno, At Allah inim, eke Amloho Kristus inimen ombatarusa-o. At Inowe suon Raja itog mondog-at welaruhu-o,” ulug urusa-o.

Wahyu 14:7

“Hit At Allah hinakoltoho wilil, At inuk-at suontep­furuk amiek-o. Kidia Aren aphe inaren balukon etno horog fang­gog ehek-o. Ari halug, At Allahen bohol inim, kwean inim, ik inim obog-at wal hebahon epmano olohotma wilil, hinut wanduk­soho sembahyang uruk amiek-o,” ulug at malaikat etnowen irisi-o.

Wahyu 16:5

Ariroho ik il dag atisimu, at malaikat ik unde werehon etnowen uruk wilil, “Nikni hitog mondog welahenon duen aphe ariroho dahon etno inobam umburuk ahen ari fano suruk ahen-o.

Wahyu 16:7

eke At Allah ake umbu­ruk ambeg epmanowen une misig uruk wilil, “Nikni Allah suon wa. Haren aphe inoag del inaptuk ahen du, fano-at suruk ahen-o,” ulug urukmu nesanggo holtikik-o.

Wahyu 19:2

Eke Aren demat aphe inoag deloko imbisaruk-o. Eke o suon Babel kweanmen yi dag di dag suruk atision etno mialoko embehek-o. Eke at anggimbu war inap­tisi halug, At Allahen mialoko embehek-o,” ulug uruk atusareg,

Wahyu 19:8

Eke it At udaki epmano yi angge di angge fanoroho surusa ulug inasum huluon-at wantehesa,” ulug urusa-o.

Wahyu 3:7

Eke fobik an yig nituk wilil, “At it jemaat o Filadelfia aphe inaso werehon etno og emag ulug holal duroho imbimihin-o: At in­dien demat ulug surukon etnowen yig hisaruk wilil, Anden sok latuk ahion etno aben husuk hai-o. Eke Anden sok husuruk ahion etno it aben labuk hai-o. Ariroho suruk ahi ari, sok hobog bilin at Dauden seneg welapahon etno Anden seneg welahi-o.

Wahyu 4:8

Eke it inebe empat iniluk werehon epmano sue ilitoho inaherabul enggalimen angge weregma, femag femag anduhunmu apma inilanggen wereg harikik-o. Eke it epmanowen ilikia hupmu di uruk wilil, “At Ninikni Allah suon alon wereg-o. At ebe etno bilin welapag, kidia wereg, fobik welaruhuon at-o,” ulug di urusa-o.

Wahyu 6:10

Isaruk atikik­mu, it epmanowen inune suon yig ituk wilil, “Ninikni suon hoag werehon du wai. It aphe o kweanmen war inaptuk apahon epmano oke iren surukon etno inaren baloko o dagma imbisahun-o?” ulug uruk atusama, it obog inasum huluon og isarusa-o.