Wahyu 14:6 - Allah Wene Hurumbik Keron

⁶ Eke fobik at malaikat misig boholma anduhunmu leng­galtug larukmu, nilanggen harikik-o. Nilanggen lahap haruk atikikmu, at malaikat etnowen it o ahik ya da inune yion dion obog-at urukon epmano wene fano wene etno une oag weregsoho yig isa­ruk wilil,

Wahyu 14:6 ပူးပေါင်းရင်းမြစ်များ

Matius 10:27

Anden kidia o hikmu neken wilil yig hisaruk ahion etno hiren selegma-at yig isa­hup-o. Eke nit ninahlen yig hisarukmu holtuk ahebon etno o isin fam selegma epmen yig isahup-o.

Markus 16:15

Winimug yig isaruk apareg, eke fobik yig isaruk wilil, “Hit o kweanma o ahik ya da epmano laruk amuhupseg, it yi aphe di aphe epmano obog-at wene fano wene etno yig isil nuruk amuk-o.

Roma 16:25

Ari fam, nit obohen At Allah inuk-at suontepfuruk amuk-o. Eke wene fano wene yig hisaruk ahion etno inim, eke At Yesus Kristus awene etno inim, eke wene o amuk herako neken welapahon oke, kidia selegma bukaloko yig nisarukon etno inim obog-at hiren demat-o ulug hinindi ebebukag ulug At Allahen hinindi oag werehon etno og hisiog ulug oag weregsoho suruk-o.

Kolose 1:23

Eke wene fano wene etno waruk wilil, yahuk korlag suruk eleg hisalug, fobik fano hinabuhuon etno og hisahu, ulug hurumbik etno yig hisarusa. Eke an Paulus wene fano wene etno anggimbu neken wilil, yig isil larikik-o. Eke it ninen o ahik ya da yig isil laruk-o.

2 Tesalonika 2:16

Eke At Ninowe Yesus Kristus etno inim, eke At Ninikni Allah indi hunduhuken ninabua nisaruk wilil, niniluk welamon etno inim, eke fano ninabuhu-o, ulug ninindi ebetuk aheon etno inim og nisarision etnowen, hinindi yonggon hinabeheg, eke hinune inim, hineyabuk inim fanoroho suruk amag ulug hinoag werehep hisahakeg sukag ulug yig hisihi-o.

Ibrani 13:20

At Allahen Ninowe Yesus etno it aphe warehon wereg ambeg epmanowen iluksoho minduhupfebag-o. Eke At Yesus etno udaki inake warapag ari, it aphe At Allah inim fano dambuksoho welamon etno oag weregsoho embebag-o. Ariroho umburuk apareg, At ebe etno anggom domba inaso wilil, Inowe suon-at wereg-o.

1 Petrus 1:25

Amburuk oke, eke At Ninikni Allah wene etno hag iluk mondog welaruhu-o,” ulug wene holal embebahon etno weregma, wene fano wene ulug yig hisarusa-o.

Wahyu 10:11

Sig atuk atisimu, nin eke fobik iren yig nituk wilil, “It yi aphe di aphe inungguluag dombog inune yion dion urukon inowesi yi ap di ap werehon epmano At Allahen duroho imbisahu ulug hurum­bik wene etno misihim inim yig isahun-o,” ulug yig nitisi-o.

Wahyu 10:7

Eke at malaikat sabiron etnowen ambinggon uneap suruk arikonma, At Allahen At anggimbu, it nabi ap amuk hurumbik yig isebag etno hag Aren sukon herako welatision etno kidia ilitoho sikon-o,” ulug at malaikat etnowen irisi-o.

Wahyu 13:7

Umbu­ruk atisireg it Allah udaki inim, eke it o ahik ya da inune yion dion urukon inim war in­abiug ulug sirisi-o.

Wahyu 3:10

Eke hit Anden yig hisaruk seag etno ilitoho hinindi oag weregsoho welatikipseg fam, fobik it aphe o kweanma werehon obog inaren bal inabiug ulug dahon etno o ahik ya da obog in­obam umbu­ruk aruhumu, Anden hinili wahuk-o.

Wahyu 5:9

Ininggikmu senetuk atusareg, di keron misig uruk wilil, “Hat hag holal baleg etno walug, hele homahowon etno yumbuk suk hoag wereg-o. Hat hebe howatuk apagma, aphe inake waratuk senareg fam, o ahik ya da inune inakeleg sik urukon inim, inungguluag dombog yi aphe di aphe obog inim At Allah og umon in­onggo baliog ulug amburuk senag-o.

Wahyu 8:13

Hik atuk atisimu, eke fobik sue mayo misig boholmen dahag suruk wilil, lenggaltukmu nilanggen harikik-o. Nilanggen haruk atikikmu, at sue etnowen une suon uruk wilil, “It aphe obog inabua-o. It malaikat hena­han epmanowen inambinggon etano uneap suruk isalug, it aphe kweanma werehon epmano oloken suruk wilil, inakol anggolo hahup-o,” ulug irisi-o.