Wahyu 14:17 - Allah Wene Hurumbik Keron

¹⁷ Eke fobik at malaikat misig boholma o Allah ibam werehon etno wilik waharuk atisireg, karog enggat maserohon etno inim-at seneg weregma harikik-o.

Wahyu 14:17 ပူးပေါင်းရင်းမြစ်များ

Wahyu 11:19

Uruk atusama, At Allah ibam o boholma etno sok husirisimu, undama werehon epmano selegma atisi-o. Nin eke sehenyabog inim, inune inim, bohol une inim, o yugul inim, osit haplanggen inim waharisi-o.

Wahyu 14:16

Yig ituk atisimu, eke At hena fam horieg werehon etnowen At enggarog maserohon etno belabik waharisimu, o kweanma duma werehon etno bal atukmu nilanggen harikik-o.

Wahyu 14:18

Haruk ati­kikmu, eke fobik at malaikat misig Allah ake umburuk ambeg hondok unde werehon etno waharisi-o. Waharuk atisireg, aren at malaikat karog enggat maserohon senehon etno une suon yig ituk wilil, “Hat hengga­rog enggat maserohon ari fam o kweanma e anggur anggen horle atuson epmano balik ambin-o,” ulug yig itisi-o.

Wahyu 16:1

Eke fobik une suon o Allah ibam epmen it malaikat inebe sabiren angge epmano yig isaruk wilil, “At Allahen aphe kweanmon war inabukag ulug hinahik oag sabiren angge fam honanggowon epmano deloko belabik watlihip-o,” ulug yig isarisi-o.

Wahyu 16:17

Balu inaptuk atusama, eke fobik at malaikat misig etnowen ahik oag fam honanggowon etno yuhun-at deloko belabik waha­risi-o. Belabik waharuk atisimu, eke o Allah ibam horie uruk ambeg etnowen une suon misig uruk wilil, “Kidia atog etno arat suruk-o,” ulug ariroho irisi-o.