Wahyu 14:14 - Allah Wene Hurumbik Keron

¹⁴ Nin eke hena huluon etno fam At misig aphe inahudag hahon etno horieg weregma, nilanggen harikik-o. At etno unggulasum emas fam sehon etno wanteg wilil, inggikmu karog maserohon enggat werehon etno seneg weregma harikik-o.

Wahyu 14:14 ပူးပေါင်းရင်းမြစ်များ

Matius 13:30

Gandum inim, hohol inim ilitoho suon-at wilip amag-o. Eke fobik anggen baluhuk etno sambit weregma, it baltukon etno yig isahuk-o, hiren gandum etno anggen baluog ulug bilin hohol du dag lisoko waruk amuhupseg, hondok yalukag ulug hele keraloko umburuk amuhup-o. Keraloko umburuk amuhupseg, gandum anggen fanowon etno baloko an weregma anggen umburuk ambeg epmano umbuhup-o,’ ulug at ap yabuk unde wereg etnowen anggimbu epmano yig isebahon etno,” At Yesusen yanggul isebag.

Matius 17:5

ulug awan yig ituk heheg, hena wikal neken lahaptukon etno sebe inapag.

Markus 4:29

Anggen yihikon wirik atuk halug, at ap etnowen balik lik-o, ulug karog enggat maserohon etno fam balik laruk-o,” ulug yig isebag.

Lukas 21:27

Ariroho suruk amuhupmu, An Allahen minduhup naharision etno hena famen ambik waharuk wilil, suon nalon werehon-at ambik waharukmu inilanggen neahup-o.

Ibrani 2:9

Isaruk ahe fuhon oke, At Yesus-at ninilanggen haruk ahe-o. Eke At ebe elamna-at it malaikat epmano inapma welamag ulug embebareg fam, At Allahen it yi aphe di aphe obog inabua isaruk heheg, At it inake waramag ulug sohorep isebahon oke, At ebe waratuk wilil yahan wapareg fam, kidia At ebe suon alon werehon-at wereg haruk ahe-o.

Wahyu 1:13

inanggelegma bulmu epmano at misig ebe ap hahon etno asum yaron iogmu wanteg wilil, amigmu aserlog emas fam sehon etno wanteg weregma harikik-o.

Wahyu 1:7

Eke fobik At ebe hena famen ambik waharukmu, it aphe obog inim, eke it ebe wapahon etno inim inilanggen haruk amuhupseg, it aphe o kweanma obohen ioba yabuhup-o, ulug ihi ari, an demat yig hisaruk ahi-o. Amin.

Wahyu 10:1

Eke fobik an nilanggen haruk heheg, at malaikat suon misig etno boholmen ambik waharisi-o. Ambik waharuk wilil, hena asum neken wanteheg, walobikal unggulasum neken wanteheg, olo­hore mo neken seg aheg, iog hondok ambulpul ilitoho seg aheg suruk wilil ambik waharisi-o.

Wahyu 11:17

“Ninikni Allah wa. Hat walhan hoag were­hon-at welahen-o. Amuk welahenag etno hag, fobikoho welaruhun at-o. Ari halug, Haren hoag werehon suontepatarikinteg fam, Inikni suon Raja-at welahen-o. Nit wa ulug yig hituk ahe-o.

Wahyu 19:12

Ariroho wilil, At ilanggen hondok ambulpul neken yibatuk atisi-o. Ariroho yibatuk wilil, unggula­sum anggo­lo-at wanteg welatisi-o. Eke At ebe ilahoag fam inuk At ake­leg-at ilukon etno holal baleg welatisi-o.

Wahyu 20:11

Eke fobik At misig horie uruk ambeg suon huluon etno fam horieg weregma nilanggen harikik-o. At etno olohotmen kwean inim, bohol inim inebe eleg atukmu, nilanggen harikik-o.

Wahyu 6:2

Nilanggen haruk neyeheg, at wam kuda huluon misig waharisi-o. Waharuk atisimu, at ap misig wam ambo­loag fam larukon etno sehen inggikmu weregma, unggulasum fano­won etno og itusa-o. Og ituk atusa­ma wim inim abuog ulug wilip atisi-o.