Wahyu 14:13 - Allah Wene Hurumbik Keron

¹³ Uruk atisimu, eke fobik boholmen une misig uruk wilil, “It At Ninowe eyabuk suruk atlug war amuhubon epmano fobik inahien hahup-o,” ulug at une etnowen yig nituk atisimu, eke At Roh Kudus etnowen uruk wilil, “Demat-o, it Allah yabuk fanoroho suruson halug, onggo og isaruk aruhumu, fanoroho wilil, kelsaruk amuhup-o,” ulug yig nitukmu, nesanggo holtikik-o.

Wahyu 14:13 ပူးပေါင်းရင်းမြစ်များ

Matius 3:17

Ilang­gen haruk apagma, eke bohol­men une yig ituk wilil, “An Namloho nindi hun­duhuk atma, nindi nahien hihi-o,” ulug yig epag.

Lukas 16:25

at Abraham etnowen yig ituk wilil, ‘Namloho-o, hat hiluk wilil, yi angge di angge fanowon epmano obog seneg wereg heyeheg, at Lazarus yi angge di angge dahon obam welatisi etno hag, kidia hat o hondok olokma wereg heyeheg, at Lazarus duma wilil, ahientoho ninim welahe ari hindi eberin-o.

Lukas 16:9

Yig isaruk apareg, eke fobik inim yig isaruk wilil, “It inaharek anggolo werehon epmano hinomi amagsoho ariroho suruk amiek ulug An demat yig hisaruk ahi-o. Eke fobik yi angge di angge kweanmon epmano obog sohorep isalug, hinibam boholma welamuhup ambeg epmano ninim welamuk ulug yig hisahu-o.

Roma 14:8

Eke ninebe waratuk ahe epmano At Ninoweyen oag del ninabukag ulug-at waratuk ahe-o. Ari halug, niniluk welaheon inim, waratuk aheon inim, At Ninowe etnowen angge-at welahe-o.

1 Korintus 15:18

Eke it Kristus inuk ebetuk wilil waratuson epmano ari o dagma-at wereg ulug ninahla bolo-o.

1 Korintus 15:20

Eke kidia, At Kristus it warehon wereg ambeg epmano inanggelegmen bilin arat minduhupfebag-o.

1 Korintus 15:58

Eke ari halug, nomini hit nindi hunduhukon wai. Hit epma hinindi oag weregsoho-at welamuk-o. Eke At Ninowe inuk suon etno eyabuk suruk wilil, o nintul nantul fanoroho suruk amuk-o. Eke hit yabuk sat anggolo suruk ahep ari, At Ninowe suon etno inuk fam eleg aruhu fug etno hit hiniluk-o.

2 Korintus 5:8

Eke ari halug, ninindi oag weregsoho-at wilil, nit ninebe ninibam duma neken welaheon epmano sohorep isalug, At Ninowe ibam epmano ninim welam ninindien suruk aheon oke,

Filipi 2:17

Eke an neyabuk atog neken hit hinake Allah wene yig hisaruk atikikon epmano At Allah il fam eberoko waruk ahep-o. Eke fobik atog neken an namep etno hit hinake del atuk halug ari fano at-o. Ariroho suruk aruhukseg, nahien hahuk-o.

1 Tesalonika 4:14

Eke niren, At Yesus waratuk apareg, fobik iluksoho minapag, ulug ninindi ebetuk ahe etno hag, it At Yesus obam ebetuk wilil, waratuson etno fobik At Allahen Yesus inim og inaplug waruhu-o, ulug ninindi ebetuk ahe-o.

1 Tesalonika 4:16

Eke aren duroho suhu-o, at malaikat inowe etnowen une suon uruk aruhumu, eke Allah ambinggon etno une uruk heheg, At Ninowe etno ambik waruhu-o. Ambik waharuk aruhureg, it At Kristus obam ebetuk wilil waratuson etno bilin iniluksoho minduhup isahu-o.

1 Tesalonika 5:10

Eke nit ninilukon inim, it waratuson inim At ninim niniluk welamag ulug nit ninake warapag-o.

1 Timotius 5:24

Eke it ap ninen dag surukon epmano bilin bukal atuk halug, oag delukon etno arat wereg-o. Eke it ap ninen dag surukon epmano fobik-at bukal aruhu-o.

1 Timotius 5:25

Ari ilitoho it ap ninen fano surukon epmano selegma-at wereg-o; eke it ninen fano surukon epmano kidia heraho neken wereg oke, fobik selegma aruhu-o.

Wahyu 1:11

Holtikik­seg weregma, une urukon etnowen yig nituk wilil, ‘Hat hilanggen hamihinon etno buku fam holal balmihinteg, it aphe jemaat o Asia epmano lahap isahun-o. It aphe jemaat ininuk ari, Efesus-o, Smirna-o, Pergamus-o, Tiatira-o, Sardis-o, Filadelfi­a-o, Laodikia-o, o epma holal baloko lahap isahun-o. Lahap isahun ulug yig hirihion etno, An yi angge di angge alem inim, enggabuk inim unde wereg etnowen-at yig hirihi-o,’ ulug yig nitukmu nesanggo holtikik-o.

Wahyu 10:4

Uruk atisimu, serlemban etnowen irision etno an holal imbiug ulug suruk atikikmu, eke boholmen une misig yig nituk wilil, “Serlemban une ehekon ari holal imbimihin fug-o, heraho-at welamag-o,” ulug yig nitisi-o.

Wahyu 11:15

Eke fobik at malaikat sabiron etno ambinggon une suon irisimu, o boholmen inune amitmit uruk wilil, “It aphe kweanma inungguluag dombog Inikni aruhuon etno, At Allah inim, eke Amloho Kristus inimen ombatarusa-o. At Inowe suon Raja itog mondog-at welaruhu-o,” ulug urusa-o.

Wahyu 11:19

Uruk atusama, At Allah ibam o boholma etno sok husirisimu, undama werehon epmano selegma atisi-o. Nin eke sehenyabog inim, inune inim, bohol une inim, o yugul inim, osit haplanggen inim waharisi-o.

Wahyu 16:17

Balu inaptuk atusama, eke fobik at malaikat misig etnowen ahik oag fam honanggowon etno yuhun-at deloko belabik waha­risi-o. Belabik waharuk atisimu, eke o Allah ibam horie uruk ambeg etnowen une suon misig uruk wilil, “Kidia atog etno arat suruk-o,” ulug ariroho irisi-o.

Wahyu 19:9

Ariroho uruk atusama, eke fobik at malaikat etnowen yig nituk wilil, “Duroho holal imbimihin-o. It At Wam Domba Udag etno inim esoho etno naruk amuhubon halug, inahien anggolo hahup-o,” ulug uruk atisireg, eke fobik yig nituk wilil, “At Allahen demat ehekma, yig hirihi,” ulug yig nitisi-o.

Wahyu 2:1

Eke fobik an yig nituk wilil, “At it jemaat o Efesus aphe inaso werehon etno og emag ulug holal duroho imbimihin-o: Eke At Ninowe etno soholo­al sabiren angge inggik bikit filen senetuk wilil, eral fisako umburuk ambeg emas fam sehon inebe sabiren angge epmano inanggelegma bulmu werehon etnowen yig hisaruk wilil,

Wahyu 2:7

Eke hine­sanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o. Eke it inoag weregsoho anduhunmu welamuhubon halug, At Allah eyabukmu e iniluk welamon etno anggen nawag ulug minduhup isahuk-o,” ulug yig nitisi-o.

Wahyu 20:6

It nin ari bilin minaheg eleg wereg iseheg, eke it bilin minatuson epmano inindien suruk wilil, inahien anggolo harusa-o. Ariroho inahien haruk atusareg, birenam waratusa fug-o. Eke it etnowen uruk wilil, “Birenam waramuhuk fug-o,” ulug uruk atusareg, At Allah Amloho Kristus etno inim inanggimbu wilil, seribu tahun fam inebe suon welatusa-o.

Wahyu 21:5

Holtuk atikikseg, eke At horie uruk ambeg horieg werehon etnowen yig nituk wilil, “Anden yi angge di angge obog-at ketoho imbisaruk ahi-o. An wene motoho yig hirihion du demat halug, holal imbin-o,” ulug yig nitisireg,

Wahyu 22:17

Uruk atisimu, At Roh Kudus etno inim, eke At Allah udaki epmano inimen, “Hat Yesus dulum manu-o,” ulug urusa-o. Iren urusa etno hag, hit hinesanggo holtuk ahebon halug hinim-at, “Dulum manu-o,” ulug uruk amuk-o. Eke hit ik ilukon etno obok haruk ahebon halug, manu-o. Hinindi ebetlug ik ilukon etno werlek-at holao fano at-o.

Wahyu 6:11

Og isaruk atusareg, yig isaruk wilil, “Hit war hinapag epmano hag hinomini nin awan war inabukon etno aso wilil, sat kelsaruk amuhup-o,” ulug yig isarusa-o.