Wahyu 13:7 - Allah Wene Hurumbik Keron

⁷ Umbu­ruk atisireg it Allah udaki inim, eke it o ahik ya da inune yion dion urukon inim war in­abiug ulug sirisi-o.

Wahyu 13:7 ပူးပေါင်းရင်းမြစ်များ

Lukas 4:6

Hat yi angge di angge inaharek obog unug hirihion epmano og hipmin-o. Yi angge di angge obog an-at og nepareg fam, anden ap misig fuloko imbihion etno og ipmin-o.

Yohanes 19:11

Yig ituk apagma, At Yesusen yig ituk wilil, “Hat ariroho unde welahi ehen ari, At Allahen unde welamag ulug minduhup hahalep fugmen, An nebe ariroho sep nahukon etno unde welatlen fug-o. Ari halug at dahan fahan suruk ahenon oke, it ap An nebe sen nabukag ulug og hituson epmano dag anggolo-at surusa-o,” ulug yig epag.

Wahyu 10:11

Sig atuk atisimu, nin eke fobik iren yig nituk wilil, “It yi aphe di aphe inungguluag dombog inune yion dion urukon inowesi yi ap di ap werehon epmano At Allahen duroho imbisahu ulug hurum­bik wene etno misihim inim yig isahun-o,” ulug yig nitisi-o.

Wahyu 11:18

Eke it aphe o ahik ya da inungguluag dombog inasine haruk atusama, eke kidia Hat hasine isaruk ahen-o. It waratuson epmano oag del inabukon etno arat fanggog ehek-o. Hat hanggimbu epmano, it nabi ap epmano inim, it inindi fanowon epmano inim, it Hat hobam ebe­tukon epmano inim, inebe doron suon inim onggo fanowon og isawon etno arat fanggog ehek-o. Eke it kweanma duma dahapsebahon epmano elehap inabuhunon etno arat fanggog ehek-o,” ulug urusa-o.

Wahyu 11:7

Minduhup isarisimu, eke iren At Allahen hurumbik suhuon etno aphe obog yig isarusa-o. Yig isaruk atusa­ma, eke fobik kwean kahaleg ambeg epmanowen walo etno lahik waharisireg, inim wim aptusa-o. Inim wim aptuk atusama, at walo etnowen war inaptisi-o.

Wahyu 12:17

Ik etno amburuk atisimu, at walo etnowen hwe etno obam asine haruk wilil, at udaki etno obog war inabiug ulug larisi-o. At hwe etno udaki ari, it Allahen wene duroho suruk amuk eke duroho suruk am fug ulug ebahon etno inesanggo holtuk wilil, Yesusen yig isebahon etno eberoko warukon welatusa-o.

Wahyu 17:15

Yig nituk atisireg, eke fobik at malaikat etnowen yig nituk wilil, “Ik anggenma o ahik suon inibam anggolo faleg hehe­non etno ari, it o ahik ya da inungguluag dombog, inune yion dion urukon epmano ilitoho-at wereg-o.

Wahyu 5:9

Ininggikmu senetuk atusareg, di keron misig uruk wilil, “Hat hag holal baleg etno walug, hele homahowon etno yumbuk suk hoag wereg-o. Hat hebe howatuk apagma, aphe inake waratuk senareg fam, o ahik ya da inune inakeleg sik urukon inim, inungguluag dombog yi aphe di aphe obog inim At Allah og umon in­onggo baliog ulug amburuk senag-o.