Wahyu 13:2 - Allah Wene Hurumbik Keron

² Ariroho wilil, walo etno ebe wam harimau etno hahon, at iog wam beruang etno ha­hon, at ambilik wam singa hahon weregma harikik-o. Nil haruk atikikmu, at walo iblis etnowen walo suon etno ilitoho oag wereg amag ulug inggikmu imbirisi-o.

Wahyu 13:2 ပူးပေါင်းရင်းမြစ်များ

2 Timotius 4:17

Eke an nawene etno yig isaruk neyeheg At Ninowe ninim wilil noag werehep naharisimu, it ap Allah wene inapelehon epmano inil fam wene fano wene etno obog dindiloko yig isarikik-o. Yig isaruk atikikmu, wam singa elma dil inaptuk etno hag dil naptisi-o.

1 Petrus 5:8

Eke hinindi fanoroho yaha welamiek-o. At selion hinim healeg welahebon iblis etno wam eli neken sil nuruk wilil, ap misig indi kahalepfulug libilik-o, ulug heag hinabil nuruk-o.

Wahyu 12:13

Une etnowen uruk atisimu, eke at walo iblis etnowen kweanma belap nabik wahesa ari nambit-o, ulug ahla birisireg, hwe udag ende­tision etno mutlug larisi-o.

Wahyu 12:15

Lenggaliog ulug suruk atisi­mu, at walo elmen ik suon misig larukon etnowen hwe etno walug lawag ulug wilipfirisi-o.

Wahyu 12:9

At walo etno, inuk misig Iblis, eke inuk misig Setan soalehon etnowen it o kweanma aphe epmano enggal-at yig isarisi-o. Ariroho yig isaruk atision etno at omalaikat epmano inim o kweanma belap inabik waharusa-o.

Wahyu 13:12

Ariroho uruk wilil, walo bilinon etno ili­toho-at oag werehon suon-at welatisi-o. Ariroho welatisireg fam, it aphe o kweanma werehon epmano obog yig isaruk wilil, “At walo suon misig ungguluag aham­but werehon etno-at eberoko waruk amiek-o,” ulug yig isarisi-o.

Wahyu 13:4

Mutlug laruk atusareg, it obog epmano­wen uruk wilil, “At walo iblis etnowen eke walo suon etno oag weregsoho minduhupfirisi-o,” ulug iblis etno inuk suontepfuru­sa-o. Suontepfuruk atusareg, at walo suon etno farim uruk wi­lil, “Walo suon etno ap sa ilitoho weregma, sa inim wim abukon-o?” ulug uruk atusareg, inuk suon­tepfurusa-o.

Wahyu 16:10

At inuk suontepfeheg eleg-at weregma, eke fobik at malaikat misig larisireg, ahik oag fam honanggowon etno at walo suon etno horie uruk ambeg deloko belabik waharisi-o. Belabik waha­ruk atisimu, at walo suon horie uruk ambeg epmano obog hik atisi-o. Hik atuk atisimu, it aphe epmano ukmu oloken suruk wilil, inambilik anggen inayehen siroho ketereg wilil inele areg welatusa-o.

Wahyu 17:12

Eke misig ari, walo ayeg ungguluag famen wilibohon etno ilito­ho it inowesi nomaloen angge fobik welamuhubon etno wereg-o. Eke fobik it inebe nomaloen angge epmano waharuk amuhupseg, walo suon etno inim wilil, jam misig inim welamuhup-o.

Wahyu 19:20

Ariroho suruk atusa­ma, eke at walo suon etno inim, at nabi aphe inenggal wene uruk amag ulug sukfugangge suruk wilil, it aphe at walo aholal ini­lahoag fam werehon etnowen walo ebe ilitoho sehon etno obam sembahyang ukag ulug sirision etno inim hele waroko it inebe biren etano o hondok olokma hik isarusa-o.

Wahyu 2:13

hit at iblis wereg ambeg welahep etno An niluk-o. Eke bilin at Antipas An nawene fanoroho yig isarukon etno at iblis wereg ambeg epmanowen watuson oke, eke hit An nawene etno sohorep iseheg eleg fanoroho waruk wilil nobam ebetuk atikip-o.

Wahyu 20:2

Ariroho nilang­gen harikikseg weregma, eke fobik at malaikat etnowen walo amukon inuk misig Iblis, eke inuk misig Setan soalehon etno ebe inggik senetuk atisireg, seribu tahun welamag ulug hele waroko imbirisi-o.