Wahyu 13:16 - Allah Wene Hurumbik Keron

¹⁶ Min­duhupfuruk atisimu, at walo etnowen it yi aphe di aphe inim, eke it inaharek werehon inim, eke it inaharek elehon inim, eke it ap suon epmano inim, eke it inanggimbu epmano inim obog-at yig isaruk wilil, “Hit obog walo suon epmano inuk hininggik bikit ­fil inim, eke hinilahoag fam inim holal umburuk amiek-o.

Wahyu 13:16 ပူးပေါင်းရင်းမြစ်များ

Kisah Para Rasul 26:22

Ariroho suruson oke, eke At Allahen nili oko ninim weregma, o yoho du fam hit suon inim, doron inim, obog-at nawene yig hisaruk ahi-o. Eke anden yig hisaruk ahion etno hag, it nabi ap inim, eke at Musa inimen hurumbik yig nisaruk wilil,

1 Korintus 12:13

Eke At Allahen nit obog-at Roh Kudus misig etno Kristus ebe misig-at amag ulug belap nisa wapag. Eke it Yahudi ap inim, eke it Yunani ap inim, eke it aphe inanggimbu epmano inim, eke it unde werehon epmano inim, obog ninebe misig-at amag ulug ikma belap ninapag. Eke nit obog At Roh Kudusen ambusu etno misig-at og nisebagma, naruk ahe-o.

Galatia 3:28

Eke ari halug, it Yahudi ap inim, eke it bilin Allah wene inapeleg welatuson epmano inim, eke it ap inanggimbu, iniknisi epmano inim, eke ap inim, hweap inim, it dahan fahan wereg eleg-o. Eke hit At Kristus Yesus hinim misig-at welahep etno fam obog ilitoho-at welahep-o.

Galatia 6:17

Eke an ap misihen enggal wene uruk halug, an nindi seneni anggolo ebebukag ulug fobik ariroho suk fug-o. Eke an At Yesus Kristus awene yig isarukmu, nowatusareg fam, At Yesus anggimbu ulug nobene nahambut wereg-o.

Efesus 6:8

Eke At Allahen it inanggimbu inim eke it iniknisi inim yabuk fanoroho suruk isalug, onggo fanowon og isahu-o.

Kolose 3:11

Inobabut ketoho imbisarukon etno, it ap bilin Allah wene inapeleg welatuson inim, eke it Yahudi ap inim, it iniyunggul ambilik balehon etno inim, eke baleg elehon inim, it Barbar ap epmano inim, eke it Skit ap epmano inim, ari it aphe inune ninilukon epmano inim, eke inune ninapelehon epmano inim, eke ap suon inim, eke ap kimbu inim, it obog-at Kristus inim wilil, inebe misig-at inindi hunduhuk wereg-o.

2 Timotius 3:8

Eke o amuk it Yanes Yambres etanowen at Musaen ebahon etno ninambit-o ulug seberepfebag etno hag, kidia it ap inindi elehon epmano wene demat urukon etno inapeleg wilil, wene etno ninambit-o ulug seberepfuruk-o.

Wahyu 11:18

Eke it aphe o ahik ya da inungguluag dombog inasine haruk atusama, eke kidia Hat hasine isaruk ahen-o. It waratuson epmano oag del inabukon etno arat fanggog ehek-o. Hat hanggimbu epmano, it nabi ap epmano inim, it inindi fanowon epmano inim, it Hat hobam ebe­tukon epmano inim, inebe doron suon inim onggo fanowon og isawon etno arat fanggog ehek-o. Eke it kweanma duma dahapsebahon epmano elehap inabuhunon etno arat fanggog ehek-o,” ulug urusa-o.

Wahyu 15:2

Ariroho suruk atusama, eke fobik ik laut ikma, hondok ambulpul inim eke ik inim dahagsoho weregma isarikik-o. Nilanggen isaruk atikikseg, eke fobik it aphe walo iblis inim, eke walo ilitoho ebe suruson epmano inim, eke at misig aholal enam ratus enam puluh enam werehon etno inim ininuk warusa fuhon epmano ik ayegma epmano minduhuk weregma isarikik-o. Nilanggen isaruk heheg, At Allahen inambinggon gitar hahon etno og isarisi-o.

Wahyu 19:18

Eke it inowesi suon epmano inim, it wim surukon epmano inim, it wam kuda inebe epmano inim, eke it ap kuda amboloag fam larukon epmano inim, it yi aphe di aphe, inowesi inanggimbu epmano inim waramukon­ma, ininu nalihip-o,” ulug at malaikat etnowen it sue epmano yig isarisi-o.

Wahyu 19:20

Ariroho suruk atusa­ma, eke at walo suon etno inim, at nabi aphe inenggal wene uruk amag ulug sukfugangge suruk wilil, it aphe at walo aholal ini­lahoag fam werehon etnowen walo ebe ilitoho sehon etno obam sembahyang ukag ulug sirision etno inim hele waroko it inebe biren etano o hondok olokma hik isarusa-o.

Wahyu 19:5

Eke fobik At horie uruk ambeg epmanowen une misig uruk wilil, “Hit Allah anggimbu epmano inim, eke hit yi aphe di aphe At une waruk ahebon obohen At Allah inuk-at suontepfuruk amiek-o,” ulug uruk atisimu,

Wahyu 20:12

Haruk atikikseg weregma, eke it bilin war apahon inim, kidia waratukon inim, inanggohon inim, udag doron inim At Allah olo­hotma minduhuk weregma isarikik-o. Minduhuk weregma inaholal baleg etno bukal atisi-o. It aphe iniluk welamuhubon inaholal baleg etno inim-at bukal atisi-o. Eke it warapahon epmanowen yi angge di angge sebahon epmano inaholal baleg ilanggen kolap heheg oag del inaptukmu nilanggen harikik-o.

Wahyu 20:4

At iblis hele wareg weregma, it aphe anggolo horie uruk ambeg epmano weregma isarikik-o. Nilanggen isarikikon epmano inebe suon welamag ulug minduhup isarusa-o. Minduhup isarusareg weregma, eke it aphe Allah wene inim, eke At Yesusen yanggul isebahon etno inim aphe yig isebareg fam war inapahon epmano inahurangge inim weregma isarikik-o. Ariroho weregma nilanggen isarikikon epmano walo suon ebe etno inim, eke ebe ilitoho sehon etno inim inobam sembahyang eheg eleg wilil, walo suon inuk inilaho­ag fam ininggik fam holal baleg eleg welatuson etno At Kristus inim wilil, inebe seribu tahun fam suon-at welatusa-o.

Wahyu 6:15

Ariroho seg atuk atisimu, it o kweanma inowesi suon epmano inim, it sehen senehon inowesi epmano inim, eke it inaharek were­hon epmano inim, eke it inoag werehon epmano inim, eke it yi aphe di aphe obog inim, eke it iniknisi inanggimbu epmano inim obog-at o wikelma heraharik laheg, dom alma heraharik laheg suruk atusareg,

Wahyu 7:3

“It Allah anggimbu etno niren du Allahen angge-at ulug awan inilahoag fam holal umburuk eleg niseheg, hiren o kweanma inim, ikma inim onggama inim dahapsuk fug-o,” ulug yig isari­si-o.