Wahyu 13:15 - Allah Wene Hurumbik Keron

¹⁵ Suruk atusama, at walo etnowen walo suon neken ebe ilitoho suruson etno obam fu haruk wilil, ilukap siog ulug sirisi-o. Ariroho suruk atisimu, at walo suon neken ebe ilitoho suruson etnowen une uruk wilil, it aphe at inuk suon­tep­furuk elehon halug, war inabu­kag ulug minduhupfirisi-o.

Wahyu 13:15 ပူးပေါင်းရင်းမြစ်များ

Yakobus 2:26

Eke ap misig ebe wereg oke, ahut eleg halug, warehon neken wereg etno hag, eke ap misig Allah wene warukon oke, wene atog ilitoho suruk eleg halug, warehon neken wereg-o.

Wahyu 13:1

Eke fobik walo suon misig ik laut ikmen lahik waharuk­mu nil harikik-o. An nilanggen haruk heheg, walo etno ayeg unggu­luagmen lahabehon nomaloen angge etno inim, eke ungguluag sabiren angge werehon etno inim, eke ungguluag sabiren angge etno fam inuk dahon holal balehon inim welatisi-o.

Wahyu 13:12

Ariroho uruk wilil, walo bilinon etno ili­toho-at oag werehon suon-at welatisi-o. Ariroho welatisireg fam, it aphe o kweanma werehon epmano obog yig isaruk wilil, “At walo suon misig ungguluag aham­but werehon etno-at eberoko waruk amiek-o,” ulug yig isarisi-o.

Wahyu 13:14

Belabik waharuk atisireg, at walo bilinon etno inim wilil, sukfugangge suon etno suruk ati­sireg, it aphe obog at enggal-at yig isari­si-o. Ariroho eng­gal-at yig isaruk atisireg, eke fobik it aphe kweanmon epmano obog-at yig isaruk wilil, “Walo suon ungguluag karog fam baloko warepfebahon etno oke, iluk werehon etno inuk suontepfukag ulug ebe misig ilitoho siek-o,” ulug yig isaruk atisimu etno ilitoho-at surusa-o.

Wahyu 14:11

Epma weregma, it hondok inaruk aruhuon epmano ambulpul nintul nantul laharuk aruhu-o. Ariroho suruk heheg, it dag suruson epmano misihim kelsahup fug-o,” ulug at malaikat etnowen irisi-o.

Wahyu 14:9

Ariroho uruk atisireg weregma, it malaikat biren inombolim fobik at misig waharuk atisireg, une suon uruk wilil, “It obog walo suon epmano ebe ilitoho suruk wilil suontepfuruson etno inim,

Wahyu 16:2

Yig isaruk atisimu, eke at malaikat misig etno larisireg, ahik oag fam honanggowon etno kweanma deloko bela­bik waharisi-o. Belabik waharuk atisimu, it aphe obog walo iblis etno inuk inilahoag fam holal werehon halug inobam ukmu anggolo atisimu, oloken surusa-o.

Wahyu 16:5

Ariroho ik il dag atisimu, at malaikat ik unde werehon etnowen uruk wilil, “Nikni hitog mondog welahenon duen aphe ariroho dahon etno inobam umburuk ahen ari fano suruk ahen-o.

Wahyu 17:14

Ariroho suhubon-at oke, fobik At Wam Domba Udag etno inim wim abuhup-o. Wim abuhubon oke, eke At Wam Domba Udag etno it yi aphe di aphe obog Inowe suon welaruhu ari fam, At udaki heako imbisarision epmano inimen walo suon etno osi inim mondog war inaptuk amuhup-o,” ulug yig nitisi-o.

Wahyu 17:17

Eke At Allahen ahla burukon etno ilitoho suruk amag ulug seko imbisarisireg fam, iren inindi misig wilil ilitoho-at suruk amuhupseg, at walo suon etno ang­gimbu wilil, it inowesi suon welamon etno at walo inggikmu umbuhup-o.

Wahyu 17:6

Eke nin at hwe etnowen At Allah udaki inim, eke At Yesus une waru­kon epmano inim anggolo war inaptisireg inamep at inggikmu weregma harikik-o. Ariroho weregma haruk atikikseg, nakol hari­kik-o. Nakol haruk neyeheg, at malaikat etnowen yig nituk wi­lil,

Wahyu 18:20

Ariroho uruk atuson oke, eke hat bohol inim, hit At Allah udaki inim, eke hit mondep hisahabahon etno inim, eke hit nabi ap Allah wene yig isaruk ahebon etno inim, hit obog hinahien haruk amiek-o. Eke o Babel etno mialtuk wi­lil, “aren dahon hinobam hinombisaharision etno onggo At Allahen oag deloko dahon etno obam embehek-o. Ari halug, hit hinahien haruk amiek-o,” ulug uruk atusa-o.

Wahyu 18:24

Ariroho uruk atisi­mu, eke it nabi ap inim, it Allah udaki inim, eke it yi aphe di aphe kweanmen war inaptuson epmano inim, o Babel etnowen war inaptu­sa halug, At Allahen o etno mialoko imbirisi-o.

Wahyu 19:20

Ariroho suruk atusa­ma, eke at walo suon etno inim, at nabi aphe inenggal wene uruk amag ulug sukfugangge suruk wilil, it aphe at walo aholal ini­lahoag fam werehon etnowen walo ebe ilitoho sehon etno obam sembahyang ukag ulug sirision etno inim hele waroko it inebe biren etano o hondok olokma hik isarusa-o.

Wahyu 20:4

At iblis hele wareg weregma, it aphe anggolo horie uruk ambeg epmano weregma isarikik-o. Nilanggen isarikikon epmano inebe suon welamag ulug minduhup isarusa-o. Minduhup isarusareg weregma, eke it aphe Allah wene inim, eke At Yesusen yanggul isebahon etno inim aphe yig isebareg fam war inapahon epmano inahurangge inim weregma isarikik-o. Ariroho weregma nilanggen isarikikon epmano walo suon ebe etno inim, eke ebe ilitoho sehon etno inim inobam sembahyang eheg eleg wilil, walo suon inuk inilaho­ag fam ininggik fam holal baleg eleg welatuson etno At Kristus inim wilil, inebe seribu tahun fam suon-at welatusa-o.