Wahyu 13:11 - Allah Wene Hurumbik Keron

¹¹ Eke fobik walo misig kweanmen lahik waharukmu ni­langgen harikik-o. Nilanggen haruk heheg, at walo etno wam kambing ayeg ungguluagmen laha­behon etno ilitoho ayeg biren ungguluagmen lahabeg wilil, une suon-at irisi-o.

Wahyu 13:11 ပူးပေါင်းရင်းမြစ်များ

Matius 7:15

Eke At Yesusen yig isaruk wilil, “It ap wene demat uruk elehon etno hinambeg waharukim yaharoho welamiek-o. It etno inasum selemon wam domba ahap neken wantehon oke, eke inindi undama oloyangge etnowen suruk hag aphe yuhun-at ayeg libil inaptuk-o.

Roma 16:18

Eke it epmano hag At Ninowe Kristus eyabuk sukon etno suruk eleg wilil, yi angge di angge og isawon etno-at heahil sil nuruk-o. Eke ariroho sil nuruk ari, inune fanoroho uruk wilil, inune esoho fanoroho eheg suruk etno fam it aphe inobabut fanowon etno inenggal-at yig isaruk-o.

2 Tesalonika 2:4

Eke at ap dahon waruhuon etnowen it aphe Allah obam ebetukon epmano seberoho imbiseheg, eke du At Allah ulug urukon etno sohorep iseheg suruk wilil, an-at suon welahi-o ulug uruk aruhureg, eke At Allah ibamen minatuk wilil Allah nebe an-at welahi-o, ulug yig hisahu-o.

Wahyu 11:7

Minduhup isarisimu, eke iren At Allahen hurumbik suhuon etno aphe obog yig isarusa-o. Yig isaruk atusa­ma, eke fobik kwean kahaleg ambeg epmanowen walo etno lahik waharisireg, inim wim aptusa-o. Inim wim aptuk atusama, at walo etnowen war inaptisi-o.

Wahyu 12:17

Ik etno amburuk atisimu, at walo etnowen hwe etno obam asine haruk wilil, at udaki etno obog war inabiug ulug larisi-o. At hwe etno udaki ari, it Allahen wene duroho suruk amuk eke duroho suruk am fug ulug ebahon etno inesanggo holtuk wilil, Yesusen yig isebahon etno eberoko warukon welatusa-o.

Wahyu 13:1

Eke fobik walo suon misig ik laut ikmen lahik waharuk­mu nil harikik-o. An nilanggen haruk heheg, walo etno ayeg unggu­luagmen lahabehon nomaloen angge etno inim, eke ungguluag sabiren angge werehon etno inim, eke ungguluag sabiren angge etno fam inuk dahon holal balehon inim welatisi-o.

Wahyu 13:17

Eke hit walo suon epmano inuk holal hininggikmu, eke hinilahoag fam elehon halug yi angge di angge onggo it nin og iseheg, eke inonggareg hunseheg suruk amuhup fug-o,” ulug at walo etnowen it aphe obog epmano yig isarisi-o.

Wahyu 13:4

Mutlug laruk atusareg, it obog epmano­wen uruk wilil, “At walo iblis etnowen eke walo suon etno oag weregsoho minduhupfirisi-o,” ulug iblis etno inuk suontepfuru­sa-o. Suontepfuruk atusareg, at walo suon etno farim uruk wi­lil, “Walo suon etno ap sa ilitoho weregma, sa inim wim abukon-o?” ulug uruk atusareg, inuk suon­tepfurusa-o.

Wahyu 16:13

Firig atuk atisimu, it iblis inolohore dahon yahiye hahon etno at misig walo iblis elmen wilip aheg, eke at misig walo elmen wilip aheg, eke at misig at nabi enggal urukon etno elmen wilip aheg surukmu isa­rikik-o.

Wahyu 17:6

Eke nin at hwe etnowen At Allah udaki inim, eke At Yesus une waru­kon epmano inim anggolo war inaptisireg inamep at inggikmu weregma harikik-o. Ariroho weregma haruk atikikseg, nakol hari­kik-o. Nakol haruk neyeheg, at malaikat etnowen yig nituk wi­lil,

Wahyu 17:8

Walo ebe hehe­non ari, bilin iluk welatisireg, waratisi-o. Waratision oke, kwean kahaleg ambehen lahik waha­ruk arikonma, fobik mondog warepfikon-o. Eke it aphe o kweanmon buku iniluk welamon etno fam ininuk holal baleg elehon etnowen walo suon etno ebe inil hukonteg, inakol hukon-o. Inakol hukon ari, walo suon etno bilin iluk welatisireg, eke fobik waratisi­on etno iluk ahareg warikon etno fam inakol hukon-o.