Wahyu 12:9 - Allah Wene Hurumbik Keron

⁹ At walo etno, inuk misig Iblis, eke inuk misig Setan soalehon etnowen it o kweanma aphe epmano enggal-at yig isarisi-o. Ariroho yig isaruk atision etno at omalaikat epmano inim o kweanma belap inabik waharusa-o.

Wahyu 12:9 ပူးပေါင်းရင်းမြစ်များ

Matius 13:39

Eke ap etno inim healeg wilil hohol i yapahon etno ari, at iblis ebe-at wereg-o. Weregma, fobik anggen balukon etno fanggog uhumu, it malaikat etnowen anggen baltukon etno hag, anggen baluhup-o.

Matius 24:24

Eke it ap werlekonen an Kristus-at-o, an nebe nabi ap Allah wene yig isaruk ahion at-o, ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano seheg, eke it sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o.

Matius 25:41

Ariroho yig isaruk aruhukseg, eke fobik it aphe ninggik harebag fil werehon epmano yig isaruk wilil, ‘Hit aphe wene homali neken hinobam werehon du, hinebe An wereg ambeg dumen wilip amiek-o. Wilip atuk atlihipseg, o hondok olokma at iblis ebe inim eke it at anggimbu epmano inim welamag ulug embebag ambeg epmano-at hinim welamuhuben aliek-o.

Matius 4:1

Eke fobik At Yesus etno iblisen indi kahalik wamag ulug At Roh Kudus etnowen walug o limu aphe eleg ambeg epmano le­bag.

Matius 4:10

ulug yig ituk apagma, eke At Yesusen yig ituk wilil, “Hat iblis hebe lag-o. Ninikni Allah-at sembahy­ang obam uruk am fano-o. Nit At akeleg-at andu­ananggeroho welam ari fano-o, ulug wene baleg ari wereg-o,” ulug yig ituk apag­ma,

Matius 4:5

Yig ituk apag­ma, at iblisen walug o Yerusalem etno­wen o Allah ibam o fulahi­mu min­duhupfeba­reg,

Matius 4:8

Yig ituk apagma, eke at iblisen dom yaron isin fam walug laha­bag.

Lukas 10:18

Yig ituk apagma, At Yesusen yig isaruk wilil, “Ari demat ehep-o. At setan ebe sehenyabog neken boholmen bule ambik waharukmu harikikseg fam, hit kidia hinesanggo holtuk amiek-o.

Lukas 13:16

Eke at hwe Abraham etamu du at setanen delapan belas tahun kumbi liloko seneg welatision oke, o hari Sabat fam hele hibiluk hai buruk ahep ano?” ulug yig isebag.

Lukas 22:3

Eke fobik At omini dua belas epmano misig inuk Yudas Iskariot soalfahon etno at setan indimu kuruk apagma,

Lukas 22:31

At Yesusen Petrus etno yig ituk wilil, “Simon wai, hesanggo holin-o. Eke ap misihen hulim anggen ahap fultuk etno hag, at iblis etno hit obog hinindi kahaliog ulug waruhu-o.

Lukas 8:12

Eke kwalema kililtil lebag etno hag, it aphe Allah wene inesanggo holtukon oke, eke wene eberoko waruk isalug inili wa nowen ulug, at iblis etno waharuk wilil, wene holtukon epmano inindimuen lisoko elegsoho umburuk-o.

Yohanes 12:31

Eke kidia it aphe kweanmon oag deloko imbisawon etno arat fanggog uruk-o. Ariroho fanggog uruk wilil, at iblis o kweanma duma inikni suon neken welapahon etno oag elehepfukon etno inim arat fanggog uruk-o.

Yohanes 14:30

Eke kidia hag, wene atog inim yig hisamin fug-o. At iblis, o kweanma duma inikni suon neken werehon etno arat waharuk-o. At ebe etno arat waharuk ari, aren An seberep nahaku fug-o.

Yohanes 16:11

Eke alem At Allahen inoag deloko imbisawon etno yanggul isahu ari, at iblis o kweanma inikni suon neken welatision etno arat oag deloko imbirisi-o ulug yanggul isahu-o.

Yohanes 8:44

Eke hit hinikni at setan udaki wilil, hiniknien duroho siek ulug ahla burukon-at ilitoho suruk ahep-o. Eke at setan ari, o amuken-at ap watukon neken welapag-o. Eke at setan etno indimu wene demat urukon etno elehen aren demat ulug uruk eleg-o. Eke aren enggal wene yig hisaruk ari, at obam dombog-at uruk-o. Eke at etno wene enggal-at uruk wilil, yi wene di wene enggal-at urukon etno ikni neken wereg-o.

Kisah Para Rasul 26:18

Eke haren it aphe o hikmu neken werehon epmano inebe selegmaroho imbisaruk wilil, iniluk inabukag ulug minduhup hahakireg fam, it inebe at iblis apma werehon epmano sohorep isalug, At Allah apma imbisahun-o. Ariroho suruk aruhunmu, it aphe obohen An ninuk eberoko waruk wilil, iren dag suruk atuson epmano sohorep isalug, At Allahen fuloko imbisebareg fam, At udaki-at welamuhup-o,’ ulug At Yesusen yig nitisi-o,” ulug eke at Paulusen yig isarisi.

Kisah Para Rasul 5:3

Og isa laruk apagma, at Petrus etnowen yig ituk wilil, “Ananias wai, hat keroho ulug iblis hindimu kehekma, At Roh Kudus etno ambolma dahalehen-o? Eke hahuang og hituson etno obog-at og hisaruk ahi, ulug yig nisehenon oke, nin minggiroko herahapatehen-o.

Roma 16:18

Eke it epmano hag At Ninowe Kristus eyabuk sukon etno suruk eleg wilil, yi angge di angge og isawon etno-at heahil sil nuruk-o. Eke ariroho sil nuruk ari, inune fanoroho uruk wilil, inune esoho fanoroho eheg suruk etno fam it aphe inobabut fanowon etno inenggal-at yig isaruk-o.

Roma 16:20

Eke At Allah nit dambuk ninaptukon etnowen at iblis etno hiniog hendan bisalukag ulug dulum-at hinapma umbuhu-o. Eke At Ninowe Yesus etnowen hinabua hisaruk wilil hinim welamag ulug yig hisihi-o.

2 Korintus 11:14

Eke iren ariroho suruk isalug, hiren demat suruk ulug fog inaptuk am fug-o. Eke at iblis etno fobik o seleg malaikat ilitoho welariog ulug obabut akelehon neken suruk-o.

2 Korintus 11:3

Eke bilin at walo etnowen hwe Hawa enggal-at yig ituk wilil indi kahalfag etno hag, hit ariroho hinindi ebetuk ahebon epmano hinapeleg atlug At Kristus mutlug motoho lawon etno sohorep isao ari an nakol-o.

2 Korintus 12:7

Eke an yi angge di angge elalintoho surukmu haruk seyahon epmano fam suontepata nowen ulug, e alog enggaron etno fam watawag ulug uk suon neken nobam nombaharisi-o. Ariroho nobam nombaharisireg fam, at iblis o malaikaren inusuruk etno hag inggik samurlinggilig nowatuk wilil, an nebe suontepata nowen ulug uk etnowen dorontep naharuk-o.

2 Korintus 2:11

Eke at iblis etnowen seberep nisahuk nowen ulug, at ap etnowen dag sirision etno sohorep isalug, obam apelegsoho napma imbirikik-o. Eke at iblisen ariroho sik ulug ahla burukon etno niniluk-at-o.

2 Korintus 4:4

Eke it ariroho urukon epmano-at o kweanma duma inowe dahon etnowen o hikmu neken imbisaruk halug, iren wene fano wene du demat ulug inindi ebetuk eleg-o. Eke wene fano wene arien At Kristus Allah olohore ilitoho werehon etno-at suon wereg ulug yig nisaruk ari, o seleg neken wereg-o. Eke o seleg etno it aphe demat ulug ebetuk elehon epmanowen inilanggen ha nowen ulug at setanen o hikmu neken imbisaruk-o.

Efesus 4:14

Eke udag doron neken welaheon epmano ari o filfilen ik lek hondo suruk etno hag, it ap inenggal urukon epmanowen wene yamintal neken yig nisarukmu, nit ariroho ninindi lek hondo suruk nisalug, niren dahan fahan ninindi ebebukag ulug yamintal-at yig nisaruk-o. Eke iren yamintal-at yig nisarukmu, udag doron neken ninesanggo holtuk aheon etno sohorep isahuk-o.

2 Tesalonika 2:3

Eke it aphe obohen Allah wene ninambit ulug uruk iseheg, at ap dahon etno o dagma umbukon etno awan waharuk eleg heheg, At Ninowe etno dulum waruhu fug-o.

1 Timotius 2:14

Eke at iblisen Adam indimu kahalik wapagma, dag sebag fug-o. At hwe etno hag iblisen indimu kahalik wapagma, At Allahen yig isebahon, etno inapeleg atlug dag sebag-o.

2 Timotius 3:13

Eke it dag surukon etno inim, eke it inenggal urukon etno inim, dag mondog suruk wilil welamuhup-o; ariroho wilil, iren aphe inindi kahalik waheg, eke it apheyen it inindi kahalik laheg suruk amuhup-o.

Ibrani 2:14

Eke At etnowen it du An nudaki at-o, ulug ebag ari, nit aphe kweanmon duma farim-at ebag halug, At Yesus etno nit ilitoho-at endag atuk apareg, it kweanmon ilitoho-at welapag. Ariroho wilil, At ebe warapag etno fam, at iblis bilin it aphe waratukon unde wereg welapahon etno oag elegsoho umburuk apareg,

1 Petrus 5:8

Eke hinindi fanoroho yaha welamiek-o. At selion hinim healeg welahebon iblis etno wam eli neken sil nuruk wilil, ap misig indi kahalepfulug libilik-o, ulug heag hinabil nuruk-o.

1 Yohanes 5:19

Yi angge di angge kweanmon at setan etnowen sen inaptukon-at oke, eke nit halug, ninebe Allahen angge-at welahe ari, demat ulug niniluk atuk-o.

Yudas 1:9

Amuk it malaikat inowe Mikhael etnowen iblis inim winimug aptuk wilil, “At Musa ebe warehon an og nimin-o,” ulug yig epahon oke, eke at iblis obam denggeliog ulug ambilik butuk yig ituk apag fureg, at iblis etno yig ituk wilil, “At Allahen howaruhu-o,” ulug yig epag.

Wahyu 12:12

Ari halug, hit boholma welahebon hinahien suruk amiek-o. Eke hit kweanma, ikma welahe­bon epma hinabua-o. At iblis etno hinambeg ambehekseg fam, ahla buruk wilil, Allahen war nabukon etno fanggog ehek hihi-o, ulug asine anggolo hehek-o,” ulug une etnowen irisi-o.

Wahyu 12:3

Nilanggen haruk heheg, eke fobik walo sabilik hahon misig suon etno olohore mebon wahari­si-o. Waharuk wilil, ungguluag sabiren angge werehon etno, ayeg ungguluag famen lahabehon epmano nomaloen angge welatisi-o. Ariro­ho wilil, ungguluag obog epmano fam unggulasum wanteg wilil wahari­si-o.

Wahyu 12:7

Hite laruk atisimu, eke fobik at Mikhael omalaikat epmano inimen at walo omalaikat etno inim wim aptusa-o.

Wahyu 12:8

Wim aptuk atusareg, eke at walo etno inap­marepfurusareg, it epmanowen uruk wilil, “At walo omalaikat inim boholma welam ari hai-o,” ulug uruk atusareg, eke walo etno senoko hik isarusa-o.

Wahyu 13:14

Belabik waharuk atisireg, at walo bilinon etno inim wilil, sukfugangge suon etno suruk ati­sireg, it aphe obog at enggal-at yig isari­si-o. Ariroho eng­gal-at yig isaruk atisireg, eke fobik it aphe kweanmon epmano obog-at yig isaruk wilil, “Walo suon ungguluag karog fam baloko warepfebahon etno oke, iluk werehon etno inuk suontepfukag ulug ebe misig ilitoho siek-o,” ulug yig isaruk atisimu etno ilitoho-at surusa-o.

Wahyu 16:14

Ariroho suruk isarikikon etno, it inebe henahan wilil, sukfugangge suog ulug it aphe kweanmon inowesi suon inambeg epmano larusa-o. Laruk atusareg, eke it epmanowen it inowesi suon epmano wene wim sukag ulug At Allahen inoag delu­hu ambeg epmano wonggal inabuog ulug surusa-o.

Wahyu 18:2

Yangguk atisimu, at ma­lai­kat etnowen une suon uruk wilil, “Babel suon etno bule ambe­hek­ma, it iblis etno inim, it inahurangge dahon epmano inim, o Babel olunmu epmano wereg-o. Eke yi sue di sue obog dahon epmano wereg-o.

Wahyu 18:23

Eke eral fisaho etno epma welaruhu fug at-o. Eke o Babel epmen aben hwe holahup fug at-o. Eke it nin o Babel epmen onggo hundutuk wilil, inaharek anggolo holaruson oke, it yi aphe di aphe obog inenggal-at yig isaruk atu­sa-o,” ulug at ma­laikat etnowen irisi-o.

Wahyu 19:20

Ariroho suruk atusa­ma, eke at walo suon etno inim, at nabi aphe inenggal wene uruk amag ulug sukfugangge suruk wilil, it aphe at walo aholal ini­lahoag fam werehon etnowen walo ebe ilitoho sehon etno obam sembahyang ukag ulug sirision etno inim hele waroko it inebe biren etano o hondok olokma hik isarusa-o.

Wahyu 2:13

hit at iblis wereg ambeg welahep etno An niluk-o. Eke bilin at Antipas An nawene fanoroho yig isarukon etno at iblis wereg ambeg epmanowen watuson oke, eke hit An nawene etno sohorep iseheg eleg fanoroho waruk wilil nobam ebetuk atikip-o.

Wahyu 2:24

Eke hit aphe nin Tiatiraon halug, dag wene etno hinesanggo holtuk eleg wilil, At iblisen wene heako ebahon etno warikip fug-o. Weheg eleg welatikip ari fam Anden angginon epmano hinobam umbuhuk fug-o.

Wahyu 2:9

Eke kweanmen hina­harek dorat wilil, boholmen hinaharek anggolo welahep etno niluk-o. Eke it nin iblis udaki wilil oke, nit Yahudi ap wela­he-o, ulug inenggal-at yig hisarusareg, inune dahon hinobam umburusa etno niluk-o.

Wahyu 20:10

Ariroho war inaptuk atisi­reg, at iblis enggal wene urukon etno o hondok olokma hik hari­si-o. Hik haruk atisimu, at iblis etno inim, at walo suon etno inim, at nabi enggal wene yig isarukon etno inim o hondok olok­ma weregma, it etano nintul nantul hondoken inaruk aruhu-o.

Wahyu 20:8

at ebe o ahik ya da epmano inim, o Gog Magog epmano inim enggal wene yig isil larisi-o. Ariroho yig isil laruk atisireg, wim suog ulug at iblisen inebe anggolo balu inaptisireg,

Wahyu 3:9

Eke it iblis udaki epmanowen nit Yahudi ap-at ulug inenggal-at urukon etno, Anden hinolohotma imbisahukmu, inolohore wandukso­ho wereg iseheg, suontep hisahakup-o. Suontep hisaharuk wilil, hit hinebe An ninim nindi hunduhuk welahion epmano iniluk aru­hu-o.

Wahyu 9:1

Ariroho uruk atisimu, eke at malaikat misihen ambinggon uneap sirisi-o. Uneap suruk atisimu, nilanggen lahaboho wereg neyeheg, soholoal misig boholmen kweanma bule ambik waharuk atisimu, kwean etno kahal ariog ulug ahuli larisi-o.

Wahyu 9:20

Waratuk atusama, eke it nin iniluk welatuson epmanowen du Allah ilitoho ulug ininggi­ken haloko umburuson etno sohorep isarusa fug-o. Sohorep iseheg eleg wilil, iblis iren angge emas, perak inim, eke helep e inim fam halehon etno inilanggen wereg oke, yet isaruk elehon, ine­sanggo wereg oke holtuk elehon, iniog wereg oke laruk elehon epmano-at obam inindi ebetusa-o.