Wahyu 12:7 - Allah Wene Hurumbik Keron

⁷ Hite laruk atisimu, eke fobik at Mikhael omalaikat epmano inimen at walo omalaikat etno inim wim aptusa-o.

Wahyu 12:7 ပူးပေါင်းရင်းမြစ်များ

Matius 13:41

fobik At Allah Amloho etno waharuk aruhureg, Aren at omalaikat belabik waruhu-o. Belabik waharuk aruhumu, it etnowen o kweanma duma it dag surukon epmano inim, it apheyen dag suruk amag ulug yig isarukon etno inim obog-at baluroho og inaplug,

Matius 16:27

Eke An Allah Amloho etno nomalaikat ninim Nikni suon wereg etno ilitoho fobik waruhukseg, it yi aphe di aphe epmanowen suruk atuson onggo ilitoho og isahuk-o.

Matius 24:31

Inilanggen nearukmu, binggon suon etno une uruk heheg, Anden nomalaikat epmano o ahik ya da lahap isahuk-o. Lahap isaruk aruhukmu, it Allah udaki o ahik ya da fuloko imbisebahon epmano kweanmon inim, boholmon inim obog-at wonggal inabuhup-o,” ulug yig isebag.

Matius 25:41

Ariroho yig isaruk aruhukseg, eke fobik it aphe ninggik harebag fil werehon epmano yig isaruk wilil, ‘Hit aphe wene homali neken hinobam werehon du, hinebe An wereg ambeg dumen wilip amiek-o. Wilip atuk atlihipseg, o hondok olokma at iblis ebe inim eke it at anggimbu epmano inim welamag ulug embebag ambeg epmano-at hinim welamuhuben aliek-o.

Matius 26:53

Eke An kidia Niknien nili wawag ulug ayonggo embelemen, Aren it malaikat inebe dua belas ribu etnowen wendat nabukag ulug lahap isa watlep etno hat hapelehen suruk ahen ano?

2 Korintus 12:7

Eke an yi angge di angge elalintoho surukmu haruk seyahon epmano fam suontepata nowen ulug, e alog enggaron etno fam watawag ulug uk suon neken nobam nombaharisi-o. Ariroho nobam nombaharisireg fam, at iblis o malaikaren inusuruk etno hag inggik samurlinggilig nowatuk wilil, an nebe suontepata nowen ulug uk etnowen dorontep naharuk-o.

Efesus 6:12

Eke nit wim aptuk ahe etno aphe ninim aptuk ahe fug-o. Eke at setan etno inim, eke at omini inoag werehon boholmon epmano inim, eke it inowesi dahon o hikmu werehon epmano inim, it obog-at ninim wim aptuk ahe-o.

2 Tesalonika 1:7

Eke o fanoma ninombisahiog ulug wereg heheg, At Ninowe Yesus boholmen omalaikat oag werehon epmano inim ambik wamuhup-o.

Ibrani 2:10

Eke At Allah yi angge di angge obog wal haruk apareg aso werehon etnowen At Yesus inuk suontepfiog ulug, At bilin aphe inake waramag-o, ulug ahla bebag ari, At onggarehen fano-at ahla bebag-o. Ariroho ahla bebag ari, At Yesus udaki obog inim suontep isiog ulug-at ariroho ahla bebag-o. Ari halug, At Yesusen-at og ninaplug ninili wawon etno og nisaruk-o.

2 Petrus 2:4

Eke o amuk it malaikat dahon epmano At Allah sohorep isalug, inakeleg lebahon etno At Allahen fobik oag del inabuhuken ulug hele waroko o dagma imbisebag-o.

Yudas 1:9

Amuk it malaikat inowe Mikhael etnowen iblis inim winimug aptuk wilil, “At Musa ebe warehon an og nimin-o,” ulug yig epahon oke, eke at iblis obam denggeliog ulug ambilik butuk yig ituk apag fureg, at iblis etno yig ituk wilil, “At Allahen howaruhu-o,” ulug yig epag.

Wahyu 12:8

Wim aptuk atusareg, eke at walo etno inap­marepfurusareg, it epmanowen uruk wilil, “At walo omalaikat inim boholma welam ari hai-o,” ulug uruk atusareg, eke walo etno senoko hik isarusa-o.

Wahyu 12:9

At walo etno, inuk misig Iblis, eke inuk misig Setan soalehon etnowen it o kweanma aphe epmano enggal-at yig isarisi-o. Ariroho yig isaruk atision etno at omalaikat epmano inim o kweanma belap inabik waharusa-o.

Wahyu 13:7

Umbu­ruk atisireg it Allah udaki inim, eke it o ahik ya da inune yion dion urukon inim war in­abiug ulug sirisi-o.

Wahyu 20:2

Ariroho nilang­gen harikikseg weregma, eke fobik at malaikat etnowen walo amukon inuk misig Iblis, eke inuk misig Setan soalehon etno ebe inggik senetuk atisireg, seribu tahun welamag ulug hele waroko imbirisi-o.