Wahyu 12:10 - Allah Wene Hurumbik Keron

¹⁰ Belap inabik waharuk atusama, eke fobik boholmen une suon urukmu holtikik-o. Nesanggo holeg weregma, une etnowen uruk wilil, “At Allahen aphe inili wawon epmano kidia fanggog ehek-o. Eke At Allah inim, At Amloho Kristus etno inim suon ahesa-o. Suon ahesareg fam, At Allah olohotma ninomini nintul nantul inambolma dahaltukon epmano boholmen hik isehesa-o.

Wahyu 12:10 ပူးပေါင်းရင်းမြစ်များ

Matius 26:64

eke At Yesus etnowen yig ituk wilil, “Hat ehen ari, demat ehen-o. Eke misig du yig hisamin-o. O yoho du famen An Allahen minduhup naharision etno fobik At oag mondog werehon etno inggik bikit fil horieg welaruhukseg, hena famen ambik waharukmu hinilanggen yet neahup-o,” ulug yig isebag.

Matius 28:18

Sembahyang uruk apagma, At Yesus etno it wereg ambeg horogsoho waharuk apareg, yig isaruk wilil, “An nebe etno suon wilil o boholma inim kweanma inim obog-at unde welamag ulug minduhup naharisi-o.

Matius 6:10

Hat weregmen sukon etno fanggogsepfin-o. Hat hahla buruk ahenon etno boholma inim, kweanma inim suruk aruhun-o.

Lukas 11:2

“Hiren sembahyang duroho uruk amuhup-o, ‘Ninikni, it apheyen Hat hinuk akeleg neken uruk amuhup-o. Eke Hat weregmen sukon etno fanggog sepfin-o.

Lukas 22:31

At Yesusen Petrus etno yig ituk wilil, “Simon wai, hesanggo holin-o. Eke ap misihen hulim anggen ahap fultuk etno hag, at iblis etno hit obog hinindi kahaliog ulug waruhu-o.

1 Korintus 5:4

Ari halug, hit hinebe wonggalepfulug an nindi hit hinim welahep ihion etno inim-at, eke Ninowe Yesus inuk suon oag werehon etno inim-at hit hinim welahep halug,

2 Korintus 12:9

At Allahen yig nituk wilil, “An nahmu hearuk ahion etno-at wereg-o, eke An noag weregsoho suruk ahion etno, hat hebe hoag elegsoho wereg healug suruk ahi-o,” ulug ariroho yig nitisireg fam, an noag elehon welahi-o, ulug suontepatawon ari nahien haruk ahi-o. Eke an nebe ariroho welahi ari, At Kristus oag werehon etno-at og nemag ulug welahi-o.

Titus 2:3

Eke it hweap inanggohon ari ari­roho-at it Allah wene warukon ilitoho wilil inakol weregsoho welamag ulug yig isaruk amin-o. It hweap inune mirlog urukon etno inim, eke ambusu nenek surukon donggogsoho narukon etno inim, hweap arion welam hai-o. Eke ariroho suk fano ulug yanggul isarukon et­no-at welamag-o.

1 Petrus 5:8

Eke hinindi fanoroho yaha welamiek-o. At selion hinim healeg welahebon iblis etno wam eli neken sil nuruk wilil, ap misig indi kahalepfulug libilik-o, ulug heag hinabil nuruk-o.

Wahyu 11:15

Eke fobik at malaikat sabiron etno ambinggon une suon irisimu, o boholmen inune amitmit uruk wilil, “It aphe kweanma inungguluag dombog Inikni aruhuon etno, At Allah inim, eke Amloho Kristus inimen ombatarusa-o. At Inowe suon Raja itog mondog-at welaruhu-o,” ulug urusa-o.

Wahyu 2:26

Eke it inoag weregsoho anduhunmu neken welamuhubon epmanowen Anden yig isaruk seyahon etno mondog ilitoho suruk isalug, An Niknien suon noag weregsoho welamon og nepag etno hag og isahuk-o.

Wahyu 7:10

Seneg wilil, di misig urusa-o, di etno uruk wilil, “At Ninikni Allah etno inim, eke At Wam Domba Udag etno inimen ninili webag-o,” ulug di etno urusa-o.