Wahyu 12:1 - Allah Wene Hurumbik Keron

¹ Eke fobik boholmen sukfugangge surukmu nil harikik-o. Nil harikikseg weregma, at hwe misig, asum mo neken wanteheg eke iog bikalem fam embeheg, eke soholoal dua belasen angge unggu­lasum neken wanteheg surukmu nilanggen harikik-o.

Wahyu 12:1 ပူးပေါင်းရင်းမြစ်များ

Matius 12:38

Eke fobik it Farisi ap nin inim, eke it wene unde nin inim At Yesus ambeg waharuk apareg, yig ituk wilil, “Ninowe yanggul nisarukon wai, Haren nit ninil fam sukfugangge misig simihin-o,” ulug yig ituk apagma,

Matius 24:30

Ariroho suruk heheg, An Allahen minduhup naharision etno waharuk ulug inahla bukag ulug boholmen sukfugangge misig etno suhu-o. Suruk aruhumu, it yi aphe di aphe kweanmon inungguluag obog-at ioba yatuk wilil, An Allahen minduhup naharision etno boholmen ambik waharukmu inilanggen neahup-o. Ariroho inilanggen neahup ari, An nebe suon nalon werehon-at hena famen ambik waharukmu inilanggen neahup-o.

Markus 13:25

eke soholoal boholmen ambik waheg, eke bohol alem aplohok seheg suhu-o.

Lukas 21:11

eke o yugul suon seheg, eke orom obok angge lahakeg surukon epmano inim, uk ahahe etno inim obog-at hinilanggen haruk wilil, boholmen sukfuganggeroho hinakol hawon misig surukmu hahup-o.

Lukas 21:25

At Yesusen yig isaruk wilil, “Eke fobik mo inim, bikalem inim, soholoal inimen sukfugangge elalintoho suruk aruhumu, eke it aphe kweanmon obohen ik suon etno lek hondo suruk wilil, sebel ninabuhureg, o kweanma dumen keroho ninusuhu-o, ulug inakolen anggolo suhup-o.

Yohanes 3:29

Eke hwe misig ahun etnowen-at uhwe holaruk-o. Eke at hwe etno ahun omini epmano inim dambuksoho wilil, at ahun etno une inesanggo holtug inahien haruk-o. Ari ilitoho at une etno nesanggo holtug nahien haruk ahi-o.

Kisah Para Rasul 2:19

Eke fobik boholma anduhunmuen sukfugangge suhuk-o. Eke kweanma apmen elalintoho suhuk-o. Mep inim, hondok inim, hondok sohole inim belabik waruhuk-o.

Roma 13:14

Eke At Ninowe Yesus Kristusen angge etno hinasehen hinasing neken wantalug wilil, hit hinebe kweanmon etnowen dahan fahan suk ulug hinahla bulug surukon etno hinesanggo holtug eleg ilitoho suk fug-o.

Roma 3:22

it apheyen inindi At Yesus Kristus obam ebetuk isalug, At Allahen it alem dahon inobam werehon epmano elehepfuruk-o. Eke it yi aphe di aphe obog At Kristus obam ebetuk isalug, At Allahen alem dahon etno ilitoho-at elehep isaruk-o. Ariroho suruk wilil, at misig alem dahon obam werehon epmano elehepfeheg, eke at misig sohorep iseheg suruk eleg-o.

2 Korintus 11:2

Eke At Allahen ahmu hisaruk etno hag, an ariroho-at nahmu hisaruk ahi-o. Eke hweap duhumon ap misig-at abug yig ituk etno hag, hit hinebe At Kristus-at og iruhuk ulug nahla buruk wilil, hinindi yabuk suruk ahi-o.

Galatia 3:27

Eke hit hinebe At Kristus hinim welamag ulug ikma belap hinaptusareg fam, At Kristus obabut fanowon etno holarikip-o.

Galatia 4:26

Eke o Yerusalem boholmon etno fanowon suon neken wilil, nit ninisina neken wereg-o.

Galatia 6:14

Eke an hag, At Ninowe Yesus Kristus e fam lenggaloko embebagma, nit ninake warapahon etno inuk-at suontepfuruk aruhuk-o. Eke at ebe ariroho an nake warapareg fam, yi angge di angge it ap kweanmonen surukon epmano elegsoho imbisaruk ahi-o. Eke it aphe kweanmonen an nebe inapeleg neken atisi-o.

Efesus 5:32

demat ulug yig nisaruk-o. Eke Alkitab fam yig nisarukon ari At Kristus udaki inim dambuksoho welamon etno farim yig nisaruk buruk ahi-o.

Wahyu 1:20

Eke soholoal inebe sabiren angge ninggik bikit filen seneg welahion epmano ari, it aphe jemaat sabiren angge epmano ap inaso werehon neken wereg-o. Eke eral umburuk ambeg emas fam sehon inebe sabiren angge werehon epmano it aphe jemaat sabiren angge epmano neken wereg-o,’ ulug wene herahowon etno bukaloko yig hirihi-o, ulug yig nitukmu nesanggo holtikik-o,” ulug holal balfag.

Wahyu 11:19

Uruk atusama, At Allah ibam o boholma etno sok husirisimu, undama werehon epmano selegma atisi-o. Nin eke sehenyabog inim, inune inim, bohol une inim, o yugul inim, osit haplanggen inim waharisi-o.

Wahyu 12:3

Nilanggen haruk heheg, eke fobik walo sabilik hahon misig suon etno olohore mebon wahari­si-o. Waharuk wilil, ungguluag sabiren angge werehon etno, ayeg ungguluag famen lahabehon epmano nomaloen angge welatisi-o. Ariro­ho wilil, ungguluag obog epmano fam unggulasum wanteg wilil wahari­si-o.

Wahyu 15:1

Eke fobik boholma nilanggen lahap haruk atikikmu, it malaikat inebe sabiren angge inasine werehon epmano weregma nilanggen isarikik-o. Nilanggen isarikikon ari, At Allahen aphe war inabukon etno atog neken-at war inabuog ulug surusa-o.

Wahyu 21:14

Ariroho baleg weregma, o etno andorli helep dua bela­sen angge etno fam it At Wam Domba Udag etnowen omini mondep isebahon epmano ini­nuk dua belas holal baleg weregma harikik-o.

Wahyu 21:23

Eke o etno mo eleg heheg, At Allahen-at seleg og isarisi-o. Eke o etno bikalem eleg he­heg, At Wam Domba Udag etnowen-at seleg og isarisi-o.