Wahyu 11:3 - Allah Wene Hurumbik Keron

³ Eke it ap biren An nawene yig isaru­kon epmano lahap isahuk-o. Lahap isaruk aruhukmu it ap epmano sum ahe hahon supnig wilil, Allahen hurumbik fobik suhuon etno ininggik seri­bu dua ratus enam puluh fam wilil yig isaruk amuhup-o,” ulug yig nitisi-o.

Wahyu 11:3 ပူးပေါင်းရင်းမြစ်များ

Matius 11:21

“Hit Korasim Bet­saida ap du hinabua-o. An bilin sukfugangge­roho hit hinanggelegmen suruk atikikon etno o Tirus Sidonen suruk atlemen, amuk it aphe epmen dag surukon etno sohorep isehe ulug, sum ahe dahon wanteheg, eke ul inung­gulu­agma ombateheg selep-o.

Matius 18:16

Eke haren yig itukon epmano esanggo holtuk eleg halug, homini misig, biren og inaplug, homin dahon hobam umburukon etno ambeg alu-o. Eke wene Alkitab fam yig nisaruk wilil, ‘Ap misig aren baltuk wilil, obam denggeltuk hisalug, it biren henahanen-at demat ulug ukag-o,’ ulug Alkitab fam yig nisaruk halug, ariroho homini misig biren og inaplug homin dahon hobam umburukon etno ambeg alu-o.

Lukas 10:13

Eke fobik At Yesusen yig isaruk wilil, “Ae, hit Khorazim Betsaida ap du hinabua-o. An bilin sukfuganggeroho hit hinanggelegmen suruk atikikon epmano o Tirus Sidonen suruk atlemen, amuk it aphe epmen dag surukon epmano sohorep isehe ulug bukal amag ulug kunuk eheg, eke sum ahe dahon wanteheg, eke ul inungguluagma ombateheg selep-o.

Lukas 24:48

Ari halug, hit hinilanggen harikipseg fam, hurumbik etno demat seg atisi-o, ulug yig isil nuruk amuhup-o.

Yohanes 15:27

Ariroho yig hisaruk aruhu etno hag, hit An ninim bilin welatukukon etnowen inim-at An nawene etno yig isil lahup-o.

Yohanes 3:27

Yig ituk apagma, at Yohanes etnowen yig isaruk wilil, “At Allahen yi angge di angge og nisaruk eleg halug, it apheyen holao ari hai-o.

Kisah Para Rasul 1:8

Hinapelegsoho weregma, Roh Kudus oag werehon etno hinobam belabik waruhumu, hit An nawene-at yig isil nuruk amuhup-o. O Yerusalem, Yudea, Samaria inim, o kweanma obog yig isil nuruk amuhup-o,” ulug yig isebag.

Kisah Para Rasul 13:31

Eke it ininggik anggoloam At ebe haruso epmanowen kidia At awene etno it Israel aphe yig isaruk wereg-o.

Kisah Para Rasul 2:32

At Allahen Yesus it aphe warehon wereg ambeg epmanowen minduhupfirisi-o. Ariroho minduhupfirision etno niniluk wilil yig hisaruk ahe-o.

Kisah Para Rasul 3:15

At ap fanowon niniluk ninaptukon etno-at watikip-o. Watikibon oke, eke At Allahen it aphe warehon wereg ambehen iluksoho minduhupfirision etno hiniluk amag ulug yig hisaruk ahi-o.

1 Korintus 12:28

Eke At Allahen At udaki inanggelegma epmanowen aphe inebe minduhup isaruk wilil, bilin it wene yig isil nuruk amag ulug mondep isebahon epmano minduhup isebag. Eke fobik it Allah wene inindimuen walug yig isarukon epmano minduhup isebag. Eke fobik it wene yanggul isarukon epmano minduhup isebag. Eke fobik it aphe sukfugangge surukon epmano inim, eke it uk warehon fano inabukag ulug og isarukon epmano inim, eke it yalmag isarukon epmano inim, eke it aphe inaso werehon epmano inim, eke it inune akelehon urukon epmano inim obog-at minduhup isebag.

2 Korintus 13:1

Ari halug, eke kidia an ninggik henahanam bik hisa wariog ulug suruk ahi-o. Eke it ap biren henahanen alem ari wereg ulug uruk isalug, demat ulug ninahla buruk ahe-o, ulug holal baleg etno fam yig nisaruk-o.

Efesus 4:11

Eke wene yi angge di angge epmano og isarisi ulug wereg ari, At Kristusen it nin At Allah wene yig isil lawag ulug mondep isarukon etno inim, eke it nin Allah wene hurumbik yig isarukon epmano inim, eke it nin wene fano wene yig isil larukon epmano inim, eke it nin Allah udaki inaso wilil yanggul isarukon epmano inim og isaruk wilil minduhup isarisi-o.

Wahyu 1:5

Eke At Yesus Kristus wene demat urukon etno yig niseheg, eke it ap o ahik ya da suon epmano Inowe suon welaheg, eke Amloho manggia neken it warehon imbisaruk ambehen iluksoho minduhupfebahon etno ahien hinobam umburuk-o. Eke At Yesus etno nit ninebe indi hunduhuk wilil, ninake waratuk apa­reg, niren dag suruk aheon epmano ninobam ninapelegsoho Aren apma ninombisahabag-o.

Wahyu 11:2

Eke o Allah ibam o silama epmano wal hao sohorep isamihin-o. Eke it selema Allah wene inapelehon epmanowen o Yeru­salem bikalem empat puluh dua wilil mialtil lahubon etno o Allah ibam o sila­ma epmano og isarusareg fam, o silama etno wal hao sohorep isami­hin-o.

Wahyu 11:6

Eke it epmanowen Allah wene yig isaruk heheg, osit ambik wamon etno eleg amag ulug bohol sok labukag ulug minduhup isarisi-o. Eke misig ari, ik eleruk funaltukon etno il mep sahalukag ulug minduhup isarisi-o. Eke misig ari, o kweanma inindien bulug war inabukag ulug minduhup isarisi-o.

Wahyu 12:6

Imbik laharuk atusama, hwe etno inggik seribu dua ratus enam puluh fam welamag ulug At Allahen ibam misig dig dug seko imbirisimu, at hwe etno o limu aphe eleg ambeg epmano hite larisi-o.

Wahyu 13:5

Suontep­furuk atusama, at walo suon etno bikalem empat puluh dua wilil, une dahon eheg, ahlahiroho seheg suruk atisi-o.

Wahyu 19:10

Ariroho yig nituk atisimu, eke anden nut wanduksoho wilil, malaikat etno obam sembahyang iug ulug sirikikmu, eke aren yig nituk wilil, “Eleg-o. Eke an hag hat inim, eke hat homini inim, eke it obog At Yesusen yig isebahon demat ulug eberoko warukon epmano inim, nit obog At Allah anggimbu-at welahe-o. Ari halug, haren At Allah obam-at sembahyang imihin-o,” ulug yig nitisi-o. Ariro­ho yig nitisi ari, At Yesusen yig isebahon etno demat ulug eberoko webag etno fam, it nabi aben Allah wene yig isebag-o.

Wahyu 20:4

At iblis hele wareg weregma, it aphe anggolo horie uruk ambeg epmano weregma isarikik-o. Nilanggen isarikikon epmano inebe suon welamag ulug minduhup isarusa-o. Minduhup isarusareg weregma, eke it aphe Allah wene inim, eke At Yesusen yanggul isebahon etno inim aphe yig isebareg fam war inapahon epmano inahurangge inim weregma isarikik-o. Ariroho weregma nilanggen isarikikon epmano walo suon ebe etno inim, eke ebe ilitoho sehon etno inim inobam sembahyang eheg eleg wilil, walo suon inuk inilaho­ag fam ininggik fam holal baleg eleg welatuson etno At Kristus inim wilil, inebe seribu tahun fam suon-at welatusa-o.