Wahyu 11:2 - Allah Wene Hurumbik Keron

² Eke o Allah ibam o silama epmano wal hao sohorep isamihin-o. Eke it selema Allah wene inapelehon epmanowen o Yeru­salem bikalem empat puluh dua wilil mialtil lahubon etno o Allah ibam o sila­ma epmano og isarusareg fam, o silama etno wal hao sohorep isami­hin-o.

Wahyu 11:2 ပူးပေါင်းရင်းမြစ်များ

Matius 27:53

Minatuk apareg, o wikele welapag ambeg etno sohorep isebag. Eke fobik At Yesus etno it warehon wereg ambeg epmanowen arat iluk atlug minatuk apagma, it etno o Yerusalem o Allah ibam akeleg-at faleg ambeg etno kebag. Kuruk apagma, it aphe nin obohen inilanggen isebag.

Matius 4:5

Yig ituk apag­ma, at iblisen walug o Yerusalem etno­wen o Allah ibam o fulahi­mu min­duhupfeba­reg,

Matius 5:13

Eke fobik At Yesusen yig isaruk wilil, “Hit o kweanma saho olokon neken welahebon oke, eke saho ari olok eleg atuk halug, keroho fol aru­hu-o? Saho olok elehon ari sele­ma wilip isalug aphe iniohen hondorepfuk fano-o.

Lukas 21:24

Mialoko umburuk amuhupseg, it nin karog fam inuseheg, eke it nin hele waroko o ahik ya da lahap iseheg suhup-o. Eke o mialukon etno awan arat suruk eleg iseheg, it aphe selema Allah wene inapelehon epmanowen o Yerusalem iniog hendan fil haruk amuhup-o,” ulug yig isebag.

Ibrani 10:29

Ari halug, at ap misihen At Allah Amloho etno ambit heheg, eke At Yesus amep fam aphe inindi dahon horep isalug At Allah inim dambulukon etno hai ulug seberoho embeheg, eke At Roh Kudus ninabua nisarukon etno abug baleheg surukon halug, onggo mondog-at wabukag ulug oag deloko umbukon etno hinindi ebetuk amuk-o.

Wahyu 11:11

Suruk atusareg, ininggik tiga setengah weregma, At Allahen iniluk inaptu­kon ele ahahe etno inobam fu haruk atisimu minatusa-o. It biren epmano minatusama, eke it aphe obohen inilanggen isaruk atusareg, inakol anggolo haru­sa-o.

Wahyu 11:3

Eke it ap biren An nawene yig isaru­kon epmano lahap isahuk-o. Lahap isaruk aruhukmu it ap epmano sum ahe hahon supnig wilil, Allahen hurumbik fobik suhuon etno ininggik seri­bu dua ratus enam puluh fam wilil yig isaruk amuhup-o,” ulug yig nitisi-o.

Wahyu 12:6

Imbik laharuk atusama, hwe etno inggik seribu dua ratus enam puluh fam welamag ulug At Allahen ibam misig dig dug seko imbirisimu, at hwe etno o limu aphe eleg ambeg epmano hite larisi-o.

Wahyu 21:10

Ariroho yig nituk atisimu, At Roh Kudus malaikat etnowen og naplug, dom yaron isin fam nombahik laharisi-o. Nombahik laharuk atisireg, o Yerusalem keron etno At Allah boholmen belabik waharukmu yanggul nitisi-o.

Wahyu 21:2

Nilanggen harikikon etno, o Yerusalem suon keron etno At Allah boholmen belabik waharukmu harikik-o. Ari hwe duhum fanowon etno hag, o Yerusalem keron etno belabik waharuk­mu nilanggen harikik-o.

Wahyu 22:19

Eke at misihen hurumbik wene holal du fam wereg heheg, wene misig heraharuk halug, ap etno o suon keron kuruk atlug e ilu­kon anggen na nowen ulug At Allahen buku iniluk welamon etno fam inuk lolepfuhu-o.