Wahyu 11:19 - Allah Wene Hurumbik Keron

¹⁹ Uruk atusama, At Allah ibam o boholma etno sok husirisimu, undama werehon epmano selegma atisi-o. Nin eke sehenyabog inim, inune inim, bohol une inim, o yugul inim, osit haplanggen inim waharisi-o.

Wahyu 11:19 ပူးပေါင်းရင်းမြစ်များ

Wahyu 11:13

Lahap isarusama, eke fobik hetnogsoho o yugul suon suruk wilil, aphe inibam o ahik sumu werehon epmano anggolo miale­heg, aphe inebe tujuh ribu war inabeheg sirisi-o. Ariroho suruk atisimu, eke it aphe iniluk welatuson epmanowen inakolen elekelek suruk wilil, Allah boholma werehon etno inuk suontepfuruk atu­sa-o.

Wahyu 11:15

Eke fobik at malaikat sabiron etno ambinggon une suon irisimu, o boholmen inune amitmit uruk wilil, “It aphe kweanma inungguluag dombog Inikni aruhuon etno, At Allah inim, eke Amloho Kristus inimen ombatarusa-o. At Inowe suon Raja itog mondog-at welaruhu-o,” ulug urusa-o.

Wahyu 12:1

Eke fobik boholmen sukfugangge surukmu nil harikik-o. Nil harikikseg weregma, at hwe misig, asum mo neken wanteheg eke iog bikalem fam embeheg, eke soholoal dua belasen angge unggu­lasum neken wanteheg surukmu nilanggen harikik-o.

Wahyu 16:1

Eke fobik une suon o Allah ibam epmen it malaikat inebe sabiren angge epmano yig isaruk wilil, “At Allahen aphe kweanmon war inabukag ulug hinahik oag sabiren angge fam honanggowon epmano deloko belabik watlihip-o,” ulug yig isarisi-o.

Wahyu 16:18

Uruk atisimu, sehenyabog inim, eke yi une di une inim, o serlemban une inim, o yugul suon etno inim obog-at sirisi-o. Ariroho sirision ari, aphe inebe bilin wal hebag etno sambit suon ariroho sirisi fug-o.

Wahyu 16:21

Eleg atusama, eke fobik boholmen osit haplanggen helep suon ilitoho aphe inobam belabik waharisi-o. Ariroho belabik waharuk atisi­mu, it aphe epmano oloken suruk atusareg, Allah yig ituk wilil, “Hat osit haplanggen helep suon neken ninobam belabik wahen du hai-o,” ulug ariroho yig itusa-o.

Wahyu 19:11

Eke fobik boholma sok husig weregma nilanggen lahap haruk atikik­mu, wam kuda huluon misig waharisi-o. Waharukmu, wam etno amboloag fam ap misig waharisi-o. At ap waharision etno inuk Demat urukon soaleg welatisi-o. Inuk Demat soalehon etnowen aphe fano­roho-at inoag deloko imbisaruk wilil, yuhun-at o dagma imbisa­ruk atisi fug-o.

Wahyu 4:1

Eke fobik ni og haruk wilil, boholma sok husig weregma harikik-o. Haruk wilil, bilin une misig binggon suon une neken yig nitision etno fobik inim yig nituk wilil, “Hat hebe duma lahik wapmihinmu, fobik suhuon etno yanggul hipmin-o,” ulug yig nituk atisimu, At Roh Kudus etno nindimu kirisi-o.

Wahyu 4:5

Eke At misig etno horie uruk ambeg ho­rogsoho etanowen sehenyabog yibareheg, eke yi une di une eheg, eke serlemban suon subuleheg surukmu nilanggen harikik-o. Eke misig, At etno horie uruk ambeg etanowen At Allahen Ahurangge inebe sabiren angge etno eral neken fisaho weregma isarikik-o.

Wahyu 7:15

Are­repfuruk atusareg, it etno At Allah horie uruk ambeg olohot­ma minduhuk wilil, nintul nantul At ibam eyabuk suruk-o. Eke At horieg werehon etno inim wilil, inili waruk aruhu-o.

Wahyu 8:5

Laharuk atisimu, at malaikat etnowen ik oag kemenyan welatision etno waruk atisireg, hondok aro Allah ake umburuk ambeg yalepfirision etno ik oag fam imbirisi-o. Umburuk atisireg, ik oag etno inim leko kweanma hik harisi-o. Hik haruk atisimu, kweanmen o serlemban inim, sehenyabog inim, o yugul inim sirisi-o.

Wahyu 8:7

Suruk atusama, at malaikat misig etno ambinggon uneap sirisi-o. Uneap suruk atisimu, osit haplanggen arikon etno inim, hondok ang­gen inim, mep inim obog-at dambuksoho kweanma belabik waharisi-o. Belabik waharuk atisimu, kweanmen o ahik biren sohorep isalug, misig hondoken obog narisi-o. Naruk wilil, e inim biren soho­rep iseheg, misig nenggeg sirisi-o. Suruk wilil, isinggangge obog narisi-o.