Wahyu 11:12 - Allah Wene Hurumbik Keron

¹² Inakol harusareg weregma, eke fobik boholmen une suon it ap biren Allah wene urukon epmano yig isaruk wilil, “Hit hag lahik maniek-o,” ulug yig isari­si-o. Yig isaruk atisimu, eke hena etnowen walug boholma imbisa laharukmu it inim healeg welatuson epmano inilanggen lahap isarusa-o.

Wahyu 11:12 ပူးပေါင်းရင်းမြစ်များ

Lukas 16:23

Salepfuruk apagma, ebe it aphe warehon wereg ambeg epmano wilil, olok anggolo haruk apag-o. Oloken suruk wilil, ilanggen lahap haruk apagma, o yatma neken at Lazarus etno Abraham inim weregma isebag-o.

Kisah Para Rasul 1:9

Yig isaruk apareg, fobik At ebe walug laharukmu it epmano inilanggen hebag. Inilanggen lahaboho weregma, fobik hena sal haruk apagma, At ebe laharukon inilanggen hebag fug.

1 Tesalonika 4:17

Minduhup isaruk aruhureg, eke o ari sambit nit ninilukon etno inim eke it minduhup isahuon etno inim, obog-at balurep nisaharuk aruhureg, og ninaplug hena fam lahakureg, boholmen At Ninowe etno ninim heahi war war uruk amuhukseg, nintul nantul At Ninowe etno ninim welamuhuk-o.

Wahyu 12:5

Ariroho weregma, eke at hwe etnowen amloho endetisireg, ahla buruk wilil, “Udag du sega seneg wi­lil, it yi aphe di aphe inowe welaruhu-o,” ulug ahla birisi-o. Ahla buruk atision oke, it ninen udag etno hambogsoho At Allah weregma imbik laharusa-o.

Wahyu 3:21

Eke it inoag weregsoho anduhunmu welamuhubon epmano An kidia Nikni ombandu bikit fil su­on-at welahi etno hag, it epmano og inaplug An nombandu fil welamag ulug suontoho imbi­sahuk-o.

Wahyu 4:1

Eke fobik ni og haruk wilil, boholma sok husig weregma harikik-o. Haruk wilil, bilin une misig binggon suon une neken yig nitision etno fobik inim yig nituk wilil, “Hat hebe duma lahik wapmihinmu, fobik suhuon etno yanggul hipmin-o,” ulug yig nituk atisimu, At Roh Kudus etno nindimu kirisi-o.