Wahyu 10:1 - Allah Wene Hurumbik Keron

¹ Eke fobik an nilanggen haruk heheg, at malaikat suon misig etno boholmen ambik waharisi-o. Ambik waharuk wilil, hena asum neken wanteheg, walobikal unggulasum neken wanteheg, olo­hore mo neken seg aheg, iog hondok ambulpul ilitoho seg aheg suruk wilil ambik waharisi-o.

Wahyu 10:1 ပူးပေါင်းရင်းမြစ်များ

Matius 17:2

Laharuk apareg, epmano inim wilil, At olohore akeleg neken seg apag. Akeleg neken seg atuk apareg, At asum obog apinag suruk wilil, At olohore etno mo yatukon etno ilitoho hulu apag.

Lukas 21:27

Ariroho suruk amuhupmu, An Allahen minduhup naharision etno hena famen ambik waharuk wilil, suon nalon werehon-at ambik waharukmu inilanggen neahup-o.

Kisah Para Rasul 26:13

Eke o ilingge bul kwalema waharukmu, boholmen o seleg misig mo il yatukon etno ilitoho fug oke, o seleg akelehon neken at, it an ninim waharukukon epmano obog ninobam belabik waharukmu harukuk-o. Ariroho belabik waharukmu haruk atukukseg,

Wahyu 1:7

Eke fobik At ebe hena famen ambik waharukmu, it aphe obog inim, eke it ebe wapahon etno inim inilanggen haruk amuhupseg, it aphe o kweanma obohen ioba yabuhup-o, ulug ihi ari, an demat yig hisaruk ahi-o. Amin.

Wahyu 18:1

Eke fobik malaikat misig boholmen ambik waharukmu, ni­lang­gen harikik-o. Ambik waharisireg, ebe suon wilil, at apinag etno kweanma obog yangguk atisi-o.

Wahyu 18:21

Ariroho uruk atusama, eke at malaikat suon misihen helep suon misig hambogsoho waruk atisireg, ik laut ikma hik isarisi-o. Hik isaruk atisireg uruk wilil, “Kidia helep du hik isihi etno hag, fobik o Babel suon etno noag weregsoho hik isaruk apminmu, inilanggen eleg hahup-o.

Wahyu 20:1

Eke fobik at malaikat misihen kwean kahaleg ambeg sok hobog inim, hele bisuemanggenon etno inim inggikmu seneg wilil, boholmen ambik waharukmu nilanggen harikik-o.

Wahyu 4:3

At horieg welatision etno olohore helep fanowon neken libil labal suruk atisi-o. Ariroho surukmu, At horie uruk ambeg etno walobikal neken mase sirisi-o.

Wahyu 5:2

Haruk atikikseg, eke fobik it malaikat inowe misig etnowen une suon uruk wilil, “Holal baleg hele homahowon du ap sen oag weregsoho hele hibiloko umbuk-o?” ulug uruk atisimu,

Wahyu 8:13

Hik atuk atisimu, eke fobik sue mayo misig boholmen dahag suruk wilil, lenggaltukmu nilanggen harikik-o. Nilanggen haruk atikikmu, at sue etnowen une suon uruk wilil, “It aphe obog inabua-o. It malaikat hena­han epmanowen inambinggon etano uneap suruk isalug, it aphe kweanma werehon epmano oloken suruk wilil, inakol anggolo hahup-o,” ulug irisi-o.