Wahyu 1:19 - Allah Wene Hurumbik Keron

¹⁹ Eke yi angge di angge kidia werehon epmano inim, eke fobik seg amuhubon epmano inim haren hilanggen haruk ahenon etno holal fam imbimihin-o.

Wahyu 1:19 ပူးပေါင်းရင်းမြစ်များ

Wahyu 1:1

Wahyu wene du fam At Yesus Kristus etnowen bukaloko yig epahon etno wereg-o. Ariroho embebag ari, fobik suhuon wene etno it Allah anggimbu obog iniluk amag ulug, At Allahen Yesus Kristus yig ituk apagma, At Kristus etnowen anggimbu Yohanes etno yig emag ulug omalaikat misig ambeg belabik wapag-o.

Wahyu 1:11

Holtikik­seg weregma, une urukon etnowen yig nituk wilil, ‘Hat hilanggen hamihinon etno buku fam holal balmihinteg, it aphe jemaat o Asia epmano lahap isahun-o. It aphe jemaat ininuk ari, Efesus-o, Smirna-o, Pergamus-o, Tiatira-o, Sardis-o, Filadelfi­a-o, Laodikia-o, o epma holal baloko lahap isahun-o. Lahap isahun ulug yig hirihion etno, An yi angge di angge alem inim, enggabuk inim unde wereg etnowen-at yig hirihi-o,’ ulug yig nitukmu nesanggo holtikik-o.

Wahyu 1:12

Holtuk atikikseg, at sa une yig nituk ulug nilanggen haminen nahla buruk wilil, nolohore dahagsoho yet harikik. Yet haruk atikik, eral fisako umburuk ambeg emas fam sehon inebe sabiren angge epmano weregma,

Wahyu 10:4

Uruk atisimu, serlemban etnowen irision etno an holal imbiug ulug suruk atikikmu, eke boholmen une misig yig nituk wilil, “Serlemban une ehekon ari holal imbimihin fug-o, heraho-at welamag-o,” ulug yig nitisi-o.

Wahyu 19:9

Ariroho uruk atusama, eke fobik at malaikat etnowen yig nituk wilil, “Duroho holal imbimihin-o. It At Wam Domba Udag etno inim esoho etno naruk amuhubon halug, inahien anggolo hahup-o,” ulug uruk atisireg, eke fobik yig nituk wilil, “At Allahen demat ehekma, yig hirihi,” ulug yig nitisi-o.