Wahyu 1:18 - Allah Wene Hurumbik Keron

¹⁸ An nebe bilin nowapahon oke, niluk atuk seyahon An at-o. An niluk nitog mondog-at welaruhuk-o. Eke waratukon alem etno Anden napma umburuk seyareg fam, o it ap warehon wereg ambeg unde etno An at-o.

Wahyu 1:18 ပူးပေါင်းရင်းမြစ်များ

Matius 11:23

Eke hit Kaper­naum aphe du hinabua-o. Hit boholma lahakuk ulug uruk ahep ano? Fobik o hondok olokma-at hinombi­sahaku-o. Eke hit hinanggelegmen sukfugangge sirikikon epmano o Sodom epma inim selemen, o ari mialeg eleg o yoho du oho faleg-at welat­lep-o.

Matius 16:19

Ariroho weregma, At Allah wereg ambeg sok hobog neken og hituk ahi-o ari, hat kweanmen winimug yig isahun halug, boholmen winimug yig isahu-o. Eke hat kweanma fano yig isahun halug ari, fobik boholmen fano yig isahu-o,” ulug yig epag.

Lukas 24:5

Minatuk apagma, it hweap etanowen inilanggen isaruk apareg, inakolen inolohore kweanma wanduk uruk apagma, eke it ap etanowen yig isaruk wilil, “Hit ap ebe ilukon etno it warehon wereg ambeg heaharuk ahep du keroho ulug suruk ahep-o?

Yohanes 11:25

Eke it yi aphe di aphe An nobam ebetuk isalug, inebe waramuhubon oke, iniluk amuhup-o.

Yohanes 14:19

Eke An nebe etno dot welatlug, it aphe kweanmon epmanowen neahup fug oke, hit hag hinilanggen neahup-o. Eke An niluk welaruhuk etno hag, hit ariroho-at hiniluk welamuhup-o.

Roma 6:9

Eke At Kristus etno it aphe warehon wereg ambehen iluksoho minduhupfebareg fam, fobik wararuhu fug ulug niniluk at-o. Eke alem waratukon etnowen At Kristus etno seberoho umbuhu fug-o.

2 Korintus 13:4

Eke At ebe oag elehon neken e fam lenggaloko embebagma warapahon oke, At Allahen oag werehon etno-at og epagma, ebe iluk wereg-o. Eke nit At Kristus ninim wilil, At il fam ninoag elehon-at oke, eke fobik hit hineyabuk suruk nisalug, At Allahen oag werehon etno og nisaruk aruhumu, At Kristus ninim niniluk-at welamuhuk-o.

Galatia 2:20

Eke an nebe At Kristus ninim e fam lenggaloko ninombisahabagma, waratuk soag oke, an niluk welahi ari, an nebe eleg-o, At Kristus etno-at nindimu iluk wereg-o. Eke kidia niluk welahi ari, At Allah Amloho-at obam ebetuk wilil niluk welahi-o. Eke At Allah Amloho nobam indi hunduhuk welapag etno fam, an nake-at warapag-o. Eke At Allah ninabua nisaruk wilil ninili wawon etno ebe werlekon neken imbisaruk ahi fug-o.

Kolose 3:3

Eke hit hinindi dahon At Kristus inuk fam sohorep isarikip halug, At Kristus hinim wilil, Allah apma-at welahep-o.

Ibrani 1:3

Ariroho wal hebag ari, At Allah boholma suon wereg etno hag, At Amloho ilitoho-at wereg-o. Eke At Allah indi ebetuk etno hag, At Amloho ariroho-at ebetuk-o. Ariroho ebetuk wilil, At une oag werehon etno fam o kweanma duma aso wereg-o. Eke Aren nit o kweanma dumen suruk atukukon epmano ho ninaptuk apareg, Allah suon boholma werehon etno inggik bikit fil horie ik lahabag-o.

Ibrani 12:2

Ariroho suruk wilil, nit ninindi demat ulug ebetuk amuhuken At Yesus ninolohot fil lebahon etno-at ninilanggen fikfag wenaharuk amuk-o. Eke At etno An e fam lenggaloko nowabuhup ulug akolen bok apag fug-o. Eke At etno An fobik nahien anggolo hahuk-o, ulug ahla buruk wilil, e fam lenggaloko waramon etno ari hai ulug ahla ebebuk sohorep isalug fanowon unug epahon etno holaruk apareg, At Allah horieg wereg ambeg inggik bikit fil horieg wereg-o.

Ibrani 7:16

Eke At ap Allah unde minapahon ari, it apheyen wene duroho suruk amuk eke duroho suruk am fug ulug uruk etno fam minapag fug-o. Eke At ebe iluk itog mondog wilil oag weregsoho wereg etno fam, Allah unde apag-o.

Ibrani 7:25

Eke At ebe etno itog mondog wilil, kidia inim, fobik inim, it aphe inili wiog ulug og inaplug At Allah ambeg imbisa laheg, eke inake At Allah obam kino yig ereheg suruk wilil, ebe mondog iluk welaruhu-o.

Wahyu 10:6

at etnowen uruk wilil, “At Allah itog mondog wereg-o. Eke Aren bilin bohol inim, eke boholma werehon epmano inim, eke kwean inim, eke kweanma werehon epmano inim, eke ik inim, eke ikma werehon epmano inim obog wal heba­hon epmano inuk fam yig hisaruk ahi-o. Aren sukon etno kidia fanggog ehek-o.

Wahyu 15:7

Ariroho weregma, it inebe empat iniluk werehon epmano at misihen it malaikat inahik oag seneg weregma, At Allah itog mondog werehon etnowen aphe war inabukon ulug ambusu sihon etno deltisi-o.

Wahyu 2:8

Eke fobik an yig nituk wilil, “At it jemaat o Smirna aphe inaso werehon etno og emag ulug holal duroho imbimihin-o: At bilin alem neken, eng­gabuk neken wilil warapareg iluk apahon etnowen yig hisaruk wilil, dahon hinobam umburuk etno niluk-o.

Wahyu 20:13

Eke it ik laut ikma wara­pag ambeg epmanowen selegma imbisarukmu harikik-o. Eke it wara­pag ambeg epmanowen selegma imbisarukmu harikik-o. Eke it obo­hen suruk apahon epmano fam oag del inaptukmu harikik-o.

Wahyu 20:14

Haruk atikikseg weregma, waratukon alem etno inim, eke it warehon wereg ambeg welamon alem etno inim hondok olokma hik isa­rukmu harikik-o. Ariroho haruk neyeheg, birenam wara­tukon etno inobam umburukmu harikik-o.

Wahyu 3:7

Eke fobik an yig nituk wilil, “At it jemaat o Filadelfia aphe inaso werehon etno og emag ulug holal duroho imbimihin-o: At in­dien demat ulug surukon etnowen yig hisaruk wilil, Anden sok latuk ahion etno aben husuk hai-o. Eke Anden sok husuruk ahion etno it aben labuk hai-o. Ariroho suruk ahi ari, sok hobog bilin at Dauden seneg welapahon etno Anden seneg welahi-o.

Wahyu 4:9

Eke it inebe empat iniluk werehon epmanowen At horie uruk ambeg etno fam wilil, itog mondog werehon etno wa ulug inuk suontep­furuk iseheg,

Wahyu 5:14

eke it inebe empat iniluk werehon etanowen, “Amin, demat-o,” ulug urusa-o. Uruk atusama, it penatua inebe dua­puluh empat epmano inolohore wanduksoho sembahyang uruk atusa-o. Urukmu an nesanggo holtikikseg, obog holal ari imbirikik-o.

Wahyu 6:8

wam kuda iruk olohore dahon etno waharisi-o. Waharuk atisimu, at ap misig wam amboloag fam larukon etno inuk Waratukon ulug soaleg welatisi-o. Ariroho soaleg weregma, eke at ap misig it aphe warehon imbisaruk ambeg unde werehon etno ombolim waharisi-o. Waharuk atisireg, it biren epmanowen o kweanma o ahik henahan sohorepfiseheg, eke misig karog fam war inabeheg, eke orom obok angge inobam embeheg, eke uk olokon inobam embeheg, eke bak onggama werehon epmano elehep iseheg suruk amag ulug lahap isaru­sa-o.

Wahyu 9:1

Ariroho uruk atisimu, eke at malaikat misihen ambinggon uneap sirisi-o. Uneap suruk atisimu, nilanggen lahaboho wereg neyeheg, soholoal misig boholmen kweanma bule ambik waharuk atisimu, kwean etno kahal ariog ulug ahuli larisi-o.