Wahyu 1:11 - Allah Wene Hurumbik Keron

¹¹ Holtikik­seg weregma, une urukon etnowen yig nituk wilil, ‘Hat hilanggen hamihinon etno buku fam holal balmihinteg, it aphe jemaat o Asia epmano lahap isahun-o. It aphe jemaat ininuk ari, Efesus-o, Smirna-o, Pergamus-o, Tiatira-o, Sardis-o, Filadelfi­a-o, Laodikia-o, o epma holal baloko lahap isahun-o. Lahap isahun ulug yig hirihion etno, An yi angge di angge alem inim, enggabuk inim unde wereg etnowen-at yig hirihi-o,’ ulug yig nitukmu nesanggo holtikik-o.

Wahyu 1:11 ပူးပေါင်းရင်းမြစ်များ

Kisah Para Rasul 16:14

Ninim wene urukukon etno at misig inuk Lidia, ibam Tiatiraon etno at ebe sum huluon fanowon at ambeg onggo baltukon welatisi. Eke at hwe etno Allah wene warukon oke, At Allahen fikfag esanggo warepfirisimu, at Paulusen irision etno indimu eberoko warisi.

Kisah Para Rasul 18:24

Eke fobik it Yahudi ap misig inuk Apolos, o Aleksandriaen endag apahon etno o Efesus waharisi. Eke at ebe une wene fam baltuk wilil, Alkitab yi wene di wene obog ilukmu,

Kisah Para Rasul 20:17

Eke fobik at Paulus o Miletus epmanowen it Efesus ap inaso werehon epmano nambeg wamag-o ulug inayonggo lahap isarisimu,

1 Korintus 15:32

Eke it aben surukon epmano hag an o Efesus epmen wam singa neken ayegsohon etno ninim war war uruk soag etno fam fanoma umbuhu buruk ahep ano? It waratukon epmano minduhup isahu fug ulug ninahla bolomen, niren sono hao waramuhuk fam ninahik ninaharom naruk amuk-o, ulug ariroho-at olo-o.

1 Korintus 16:8

Eke an kidia o hari Pentakosta fam o Efesus duma welaruhuk-o.

Efesus 1:1

An Paulus, At Allah ahla buruk apareg, At Yesus Kristus awene yig isil lawag ulug mondep nahabahon etnowen, hit Allah udaki o Efesus epmen At Yesus Kristus obam ebetuk wilil At awene eberoko waruk ahebon epmano holal du bal hisihi-o.

Kolose 2:1

Eke yabuk ari suruk wilil, hit Kolose ap inim, eke it Laodikia ap inim, eke it ap nin an nebe inilanggen nearusa fuhon inim obog-at hinake an narug fanoroho suruk wilil, yabuk sat anggolo suruk atikik etno yig hisamin-o. Hit obog hinindi oag weregsoho welamag ulug, hat misihen nindi eheg, eke hat misihen nindi eheg uruk wilil, hinindi hunduhuk welamag ulug,

1 Timotius 1:3

Nomin-o, an bilin o Makedonia liog ulug yig hitikik etno ilitoho, kidia o Efesus welamag ulug yig hituk ahi-o. Eke o epma it aphe ninen inenggal wene yig isaruk halug, haren winimug isaruk amuk-o.

Wahyu 1:17

Nilanggen haruk atikikseg, an nebe ware­hon neken At iogmu bule ambirikik-o. Amburuk atikikmu, At ing­gik bikit fil nebe seberoho nombaharisireg, yig nituk wilil, ‘Hat hakol ha fug-o. An alem inim enggabuk inim unde werehon An at-o.

Wahyu 1:19

Eke yi angge di angge kidia werehon epmano inim, eke fobik seg amuhubon epmano inim haren hilanggen haruk ahenon etno holal fam imbimihin-o.

Wahyu 1:2

Belabik waharuk apareg, yig ituk apagma, at Yohanesen ilanggen hebahon etno aphe obog iniluk amag ulug buku du fam wene holal embe­bag-o. Ari halug, At Allahen ebahon inim, eke At Yesus Kristu­sen wene demat urukon ebahon etno inim, obog-at buku du fam weregma,

Wahyu 1:20

Eke soholoal inebe sabiren angge ninggik bikit filen seneg welahion epmano ari, it aphe jemaat sabiren angge epmano ap inaso werehon neken wereg-o. Eke eral umburuk ambeg emas fam sehon inebe sabiren angge werehon epmano it aphe jemaat sabiren angge epmano neken wereg-o,’ ulug wene herahowon etno bukaloko yig hirihi-o, ulug yig nitukmu nesanggo holtikik-o,” ulug holal balfag.

Wahyu 1:4

At Yohanes etnowen it aphe o Asia jemaat sabiren angge etno inaholal umburuk wilil, “Nomini-o, At Allah walhan itog mondog werehon etno inim, eke At Allah olohotma ahurangge inebe sabiren angge werehon etno inimen hit fano welamuhuben ulug inahien hinobam umburuk-o.

Wahyu 1:8

Eke At Ninikni suon Allah etnowen uruk wilil, ‘An nebe alem neken enggabuk neken an-at welahi-o,’ ulug yig nisaruk ari, At bilin welapahon etno inim, kidia werehon etno inim, fobik welaruhuon etno inim At ebe misig-at wilil yig nisaruk-o,” ulug at Yohanes etnowen holal embebag.

Wahyu 10:4

Uruk atisimu, serlemban etnowen irision etno an holal imbiug ulug suruk atikikmu, eke boholmen une misig yig nituk wilil, “Serlemban une ehekon ari holal imbimihin fug-o, heraho-at welamag-o,” ulug yig nitisi-o.

Wahyu 14:13

Uruk atisimu, eke fobik boholmen une misig uruk wilil, “It At Ninowe eyabuk suruk atlug war amuhubon epmano fobik inahien hahup-o,” ulug at une etnowen yig nituk atisimu, eke At Roh Kudus etnowen uruk wilil, “Demat-o, it Allah yabuk fanoroho suruson halug, onggo og isaruk aruhumu, fanoroho wilil, kelsaruk amuhup-o,” ulug yig nitukmu, nesanggo holtikik-o.

Wahyu 19:9

Ariroho uruk atusama, eke fobik at malaikat etnowen yig nituk wilil, “Duroho holal imbimihin-o. It At Wam Domba Udag etno inim esoho etno naruk amuhubon halug, inahien anggolo hahup-o,” ulug uruk atisireg, eke fobik yig nituk wilil, “At Allahen demat ehekma, yig hirihi,” ulug yig nitisi-o.

Wahyu 2:1

Eke fobik an yig nituk wilil, “At it jemaat o Efesus aphe inaso werehon etno og emag ulug holal duroho imbimihin-o: Eke At Ninowe etno soholo­al sabiren angge inggik bikit filen senetuk wilil, eral fisako umburuk ambeg emas fam sehon inebe sabiren angge epmano inanggelegma bulmu werehon etnowen yig hisaruk wilil,

Wahyu 2:12

Eke fobik an yig nituk wilil, “At it jemaat o Pergamus aphe inaso werehon etno og emag ulug holal duroho imbimihin-o: At karog enggat femag femag werehon senetukon etnowen yig hisaruk wilil,

Wahyu 2:18

Eke fobik an yig nituk wilil, “At it jemaat o Tiatira aphe inaso werehon etno og emag ulug holal duroho imbimihin-o: At Allah Amloho ilanggen hondok ambulpul neken yibatuk wilil, eke iog fam abikag surukon etnowen yig hisaruk wilil,

Wahyu 2:24

Eke hit aphe nin Tiatiraon halug, dag wene etno hinesanggo holtuk eleg wilil, At iblisen wene heako ebahon etno warikip fug-o. Weheg eleg welatikip ari fam Anden angginon epmano hinobam umbuhuk fug-o.

Wahyu 2:8

Eke fobik an yig nituk wilil, “At it jemaat o Smirna aphe inaso werehon etno og emag ulug holal duroho imbimihin-o: At bilin alem neken, eng­gabuk neken wilil warapareg iluk apahon etnowen yig hisaruk wilil, dahon hinobam umburuk etno niluk-o.

Wahyu 21:5

Holtuk atikikseg, eke At horie uruk ambeg horieg werehon etnowen yig nituk wilil, “Anden yi angge di angge obog-at ketoho imbisaruk ahi-o. An wene motoho yig hirihion du demat halug, holal imbin-o,” ulug yig nitisireg,

Wahyu 22:10

Ariroho yig nituk atisireg, eke fobik yig nituk wilil, “Hurumbik holal baleg du fam imbirikinon etno herahoma umbuk fug-o. Hurumbik suhuon etno fanggog ehek-o.

Wahyu 22:16

An Yesusen yi angge di angge aphe jemaat Allah wene urukon epmano yig isiug ulug nomalaikat etno belabik waharikik-o. Eke An nebe etno at Daud etamu wilil, soholoal wap etno ilitoho-at welahi-o,” ulug irisi-o.

Wahyu 3:1

Eke fobik an yig nituk wilil, “At it jemaat o Sardis aphe inaso werehon etno og emag ulug holal duroho imbimihin-o: At Allah weregma Allah ahurangge inebe sabiren angge epmano inim, eke soholoal inebe sabiren angge epmano inim senetukon etnowen yig hisaruk wilil, hiren suruk ahebon epmano An niluk-o. Eke misig, hit hinebe wareg wilil oke, nit niniluk-at welahe-o, ulug uruk ahebon etno An niluk-o.

Wahyu 3:14

Eke fobik an yig nituk wilil, “At it jemaat o Laodikia aphe inaso werehon etno og emag ulug holal duroho imbimihin-o: At inuk Amin soaleg wilil, At Allahen wal hebahon etno obog alem unde neken werehon etnowen demat ulug yig hisaruk wilil,

Wahyu 3:4

Eke hit Sardis aphe nin epmano hinasum nintul nantul ho saruk ahep-o. Ariroho ho saruk ahep ari fam, fobik hinasum huluon wantep hisaharuk aruhukseg, og hinaplug ninim lahuk-o.

Wahyu 3:7

Eke fobik an yig nituk wilil, “At it jemaat o Filadelfia aphe inaso werehon etno og emag ulug holal duroho imbimihin-o: At in­dien demat ulug surukon etnowen yig hisaruk wilil, Anden sok latuk ahion etno aben husuk hai-o. Eke Anden sok husuruk ahion etno it aben labuk hai-o. Ariroho suruk ahi ari, sok hobog bilin at Dauden seneg welapahon etno Anden seneg welahi-o.