Titus 3:3 - Allah Wene Hurumbik Keron

³ Eke nit bilin ariroho-at urunanggeroho wilil, ninik­nisi inune holeheg eleg-at dag suruk atukuk-o. Eke nit ninin­dien-at yi dag di dag suruk atukuk-o. Eke nit nambit ham­bit uruk wilil, niren it aphe ninambit hun inabeheg, eke it apheyen nit inambit hun ninabeheg suruk atukuk-o.

Titus 3:3 ပူးပေါင်းရင်းမြစ်များ

Matius 21:29

eke at amloho etnowen yig ituk wilil, ‘An nambit-o,’ ulug yig epareg oke, fobik indi ebetuk apareg, e anggur etno yabuk sik lebag-o.

Lukas 21:8

Yig ituk apagma, eke At Yesusen yig isaruk wilil, “Ariroho ehebon oke, hit it ninen wene inenggal-at yig hisarukon epmano hinindi eberehep ha nowen, hinonggarehen fanoroho hinindi aso welamuk-o. Fobik it aphe anggolo-at waharuk amuhupseg, An ninuk fam yig hisaruk wilil, ‘An nebe Kristus-at welahi-o,’ eke nin, ‘At Allahen suhu ulug hurumbik ebahon etno kidia arat suruk-o,’ ulug yig hisahubon oke, hinesanggo holuk fug-o.

Yohanes 8:34

Yig ituk apagma, eke At Yesus etnowen yig isaruk wilil, “An wene demat uruk amon etno yig hisamin-o. Eke it yi aphe di aphe epmano dag suruk isalug, it inebe alem dag surukon etno anggimbu neken wereg-o.

Roma 11:30

Eke hit bilin Allah wene hinapeleg welatikibon etno epmano amuk Allah une hinesanggo holtuk atikip fuhon oke, kidia hag it Yahudi ap inesanggo holtusa fug ari fam, At Allahen hit hinabua hisarisi-o.

Roma 6:12

Eke hit hinobabut amukon epmano wilil, hit hinindien bulug sirikibon epmano sohorep isuog ulug, alem dag surukon etnowen hit hinebe waramuhubon etno oag weregsoho seberep hisahuk nowen ulug yig hisihi-o. Eke hit hinebe atog-atog etnowen dag sehe ha nowen ulug alem dag surukon epmano apma seberoho welam fug-o.

Roma 6:17

Eke hiren At Allah wa ulug yig ituk amuk-o. Eke hit o amuk at alem dag surukon etno anggimbu neken welatikibon oke, kidia wene etno warikipseg, wene demat yanggul nisarukon du ninesanggo holtug ilitoho-at suruk amuk-o, ulug hinahientoho ebetuk ahep-o.

Roma 6:22

Ari halug, eke kidia hag, alem dag surukon epmano sohorep isalug, At Allah anggimbu-at welahep-o. Ariroho welahep etno fam, fanoroho suruk amon etno-at suog ulug wereg hiseheg, fobik hiniluk mondog welamon etno-at og hisahu-o.

Roma 6:6

Eke an yig hisaminon du niniluk-at welahe-o. Eke At Kristus e fam lenggaloko embebagma warapag etno hag, nit ninindi amukon epmano ariroho-at waratisi-o. Eke ariroho alem dag suruk aheon epmano oag elegsoho imbisalug, fobik dag surukon epmano anggimbu neken welahe ha nowen ulug ninindi amukon epmano arat waratisi-o.

2 Korintus 12:20

Eke fobik hinambeg waruhukseg, hit an nune hinesanggo holtuk ahep fuhon etno nilanggen hisahuk ari an nambit-o. Eke hiren at Paulus obabut ninambit haruk aheon etno-at waha ulug hiren ariroho yig num ari an nambit-o. Eke hit winimug abeheg, eke hinindi hinasine aheg, eke hinune fanggogsoho eheg, eke an-at suon aruhuken ulug eheg, eke aphe inobam denggeleheg, eke aik dahog eheg, eke hinonggarehen suontepateheg, eke narlog harlog seheg, hiren ariroho surukmu an nilanggen hisaruk ari nambit-o.

Galatia 6:3

Eke ap kimbuangge misig etnowen an suon welahi ulug ahla buruk halug, onggarehen urunanggerepataruk-o.

Kolose 1:21

Ari hiren bilin yi dag di dag sukon hinahla buruk wilil, suruk atikipseg fam, huso neken At Allah hinim healeg welatikip-o. Ariroho welatikibon oke, eke kidia At Allah Amloho warapag etno fam, hinebe At Allah udaki atikip-o.

Kolose 3:7

Eke dahon etno sohorep isaruk eleg halug, At Allahen onggo dahon etno og isahu-o. Eke amuk hit yi angge di angge dahon etno hinindi ebetuk wilil, dahon epmano-at seneg welatikip-o.

2 Timotius 3:13

Eke it dag surukon etno inim, eke it inenggal urukon etno inim, dag mondog suruk wilil welamuhup-o; ariroho wilil, iren aphe inindi kahalik waheg, eke it apheyen it inindi kahalik laheg suruk amuhup-o.

2 Timotius 3:6

Eke it aphe ariroho surukon ari, aphe inibam kuruk atlug, it hweap yuhun-at werehon epmano inapmarep isuog ulug suruk-o.

Titus 1:16

Eke inuneyen nit At Allah ebe niniluk-o ulug urukon oke, eke iren surukon etno fam At Allah ebe inapeleg-at-o, ulug selegma atuk-o. Eke it epmano yi dag di dag seheg, eke Allah wene inesanggo holuk sohorep iseheg, eke fanoroho suruk amon etno inapeleg aheg suruk-o.

Titus 2:12

Nit o duma wilil, ninakol heheg eleg dag surukon etno inim, eke kweanmon ninindi urukon etno inim sohorep isalug, ninindi seberoho wilil holeg welamag ulug At indi hunduhuken og nisebareg fam yanggul nisaruk-o.

Yakobus 1:26

Eke ap misihen, an Allah wene fano-at waruk ahion welahi-o, uruk halug, at ap etnowen dahon nobam denggelepatihi ha nowen ulug, ambilik fam urukon etno fikfag yaharoho welamag-o.

1 Petrus 1:14

Eke Allah wene-at holtuk wilil, amuk hinapelegma yi angge di angge suruk atikibon epmano seberoho sohorep isalug, fanoroho welamiek-o.

Wahyu 12:9

At walo etno, inuk misig Iblis, eke inuk misig Setan soalehon etnowen it o kweanma aphe epmano enggal-at yig isarisi-o. Ariroho yig isaruk atision etno at omalaikat epmano inim o kweanma belap inabik waharusa-o.

Wahyu 13:14

Belabik waharuk atisireg, at walo bilinon etno inim wilil, sukfugangge suon etno suruk ati­sireg, it aphe obog at enggal-at yig isari­si-o. Ariroho eng­gal-at yig isaruk atisireg, eke fobik it aphe kweanmon epmano obog-at yig isaruk wilil, “Walo suon ungguluag karog fam baloko warepfebahon etno oke, iluk werehon etno inuk suontepfukag ulug ebe misig ilitoho siek-o,” ulug yig isaruk atisimu etno ilitoho-at surusa-o.

Wahyu 18:2

Yangguk atisimu, at ma­lai­kat etnowen une suon uruk wilil, “Babel suon etno bule ambe­hek­ma, it iblis etno inim, it inahurangge dahon epmano inim, o Babel olunmu epmano wereg-o. Eke yi sue di sue obog dahon epmano wereg-o.