Titus 3:2 - Allah Wene Hurumbik Keron

² Eke hinenggal-at ap misig obam denggeluk fug ulug yig iseheg, eke aphe inim inindi hunduhuk welamon etno inim, eke inindi seberoho welamon etno inim eke it yi aphe di aphe obog inim fanoroho welamon etno inim, ariroho sukag ulug yig isaruk amin-o.

Titus 3:2 ပူးပေါင်းရင်းမြစ်များ

Matius 11:29

Anden angge etno waruk amuhupmu, hinomalo fam umburuk aruhukseg, Anden hit yanggul hisahuk-o. Yang­gul hisa­hukon ari, An fanoroho nindi seberoho wilil sat yal hinaptuk aru­huk-o.

Kisah Para Rasul 23:5

eke at Paulus etnowen yig isaruk wilil, “Nomini-o, an ap du imam suon ulug napelegma ihi-o. Eke bilin at hinowe apma hinombisahabahon etno abug baluk fug-o, ulug ebahon etno Alkitab fam wereg heheg, an ihion ari sohorep isawim ihi-o,” ulug yig isarisi.

1 Korintus 6:10

Eke it hwe ap uhweon surukon epmano inim, eke kwanangge amurli hundutukon epmano inim, eke it ap ap wanggik surukon epmano inim, eke inalomnangge warukon epmano inim, eke ininggikmu fereleg elehon epmano inim, eke ambusu nenek surukon donggogsoho narukon epmano inim, eke inenggal ap inobam denggeltukon epmano inim, eke komo wene yig isarukon sohorep isalug dil dil angge surukon epmano inim ari, Allah wereg ambeg kukon etno holahup fug-o.

1 Korintus 9:19

An aphe inahele etno loleg welatikikon oke, eke fobik aphe obog wonggal inabuhuken ulug nebe it inanggimbu neken seberepatarikik-o.

2 Korintus 10:1

Eke an Paulusen wene misig yig hisamin-o. It ap ninen an nabug uruk wilil, at Paulus etno hinim wilil une wiogsoho-at yig hisarukon oke, ebe yatma wilil une winimugsoho-at yig hisaruk-o, ulug ariroho nabug urukon oke, At Kristus obabut fanoroho wilil yig isaruk apag etno hag, yig hisaruk ahi-o.

2 Korintus 12:20

Eke fobik hinambeg waruhukseg, hit an nune hinesanggo holtuk ahep fuhon etno nilanggen hisahuk ari an nambit-o. Eke hiren at Paulus obabut ninambit haruk aheon etno-at waha ulug hiren ariroho yig num ari an nambit-o. Eke hit winimug abeheg, eke hinindi hinasine aheg, eke hinune fanggogsoho eheg, eke an-at suon aruhuken ulug eheg, eke aphe inobam denggeleheg, eke aik dahog eheg, eke hinonggarehen suontepateheg, eke narlog harlog seheg, hiren ariroho surukmu an nilanggen hisaruk ari nambit-o.

Galatia 5:22

Eke At Roh Kudusen surukon ari it aphe inim inindi hunduhuk werehon etno inim, eke inahien harukon etno inim, eke aphe inim dambuksoho werehon etno inim, eke inindi fanoroho welamon etno inim, eke aphe inune fanoroho yig isarukon etno inim, eke inobabut fanoroho surukon etno inim, eke yabuk fanoroho surukon etno inim,

Galatia 6:1

Nomini-o, at ap misig indi oag eleg wilil, dahan fahan suruk halug, hit Roh Kudus hinindimu werehon etnowen ap etno fikfag moturuk amuk-o. Moturuk wilil hinune fanoroho yig ituk amuk-o. Ariroho wilil, hit hinonggareg inim-at hinindi kahaluk nowen ulug hinindi aso fanoroho welamuk-o.

Galatia 6:10

Eke ari halug, ninebe niniluk wilil, it aphe werlekon hag fanowon etno inobam imbiseheg suruk am oke, it ninomini ninim Allah wene waruk aheon epmano mondog-at fanowon etno inobam imbisaruk amuk-o.

Efesus 4:2

Ariroho suruk wilil, hinindi seberoho welaheg, eke hinune fanoroho yig iseheg, suruk amuk-o. Eke hinomini hinim hinindi hunduhuk wilil, fanoroho hinim welamuk-o.

Efesus 4:31

Eke hinune olokon inim, eke hinasine atukon inim, eke winimug urukon etno inim, eke hinune fanggogsoho urukon inim, eke aphe inobam denggeltukon etno inim, eke winimug aptukon etno inim obog-at sohorep isimuk-o.

Filipi 4:5

Eke it aphe obog hinune fanoroho-at yig isaruk amuk-o. At Ninowe wamon etno horog fanggog uruk-o.

1 Tesalonika 2:7

Eke At Kristusen mondep nisa waharisireg fam, hiren nininuk suontep nisahukag ulug solowon oke, eke hit hinabua hisaruk wilil-at ninim welatukuk-o. Eke at inisina etnowen udaki ahmu isaruk etno hag ninahmu hisarukuk-o.

1 Timotius 3:11

Eke it inuhwesi ari inobabut fanowon halug, eke inune inenggal uruk elehon halug, eke inindi seberoho werehon halug, eke yi seheg di seheg ininggik ineroho sil nurukon halug, arion-at welamag-o.

1 Timotius 3:3

eke ambusu nenek surukon etno naruk elehon halug, eke asine elehon halug, eke indi humbulihon halug, eke indi fanowon halug, eke yikangge aptuk elehon halug, eke yi angge di angge kweanmon nindi ulug heahil sil nuruk elehon halug, it ap aphe inindi aso welamon etno arion-at fuloko imbisawag-o.

Yakobus 3:17

Ariroho surukmu, boholmen inindi iniluk amag ulug og isarukon ari fam, fano wene etno eheg, aphe inim dambuksoho welaheg, eke inune fanowon-at yig iseheg, eke nabua habua seheg, eke yi angge di angge fanoroho seheg, eke nambit hambit ukon etno sohorep iseheg suruk-o.

Yakobus 4:11

Nomini-o, hat misihen homin misig obam denggeleheg, eke hat misig homin misig obam denggeleheg ari suruk am fug-o. Eke homin misig hinune dahon obam umburuk wilil, obam denggeltuk hisalug, wene duroho suruk amuk eke duroho suruk am fug ulug ebahon wene etno inim-at obam denggeltuk ahep-o. Eke wene duroho suruk amuk eke duroho suruk am fug ulug ebahon wene etno obam denggeltuk wilil, wene ebahon etno hinesanggo holuk sohorep isalug, hinapma umburuk ahep oke, eke komo yig nisaruk wilil, ninaren baltukon ari At Allah-at wereg-o.

1 Petrus 2:1

Eke ari halug, it apheyen yi dag di dag surukon epmano seberoho sohorep isiek-o. Eke hinenggal urukon inim, nambit hambit urukon etno inim, aphe inobam denggeltukon epmano inim obog-at sohorep isiek-o.

1 Petrus 3:10

Eke bilin Alkitab fam wene holal embebahon du hit hiniluk-o, “Hinune dahon uruk eleg wilil, hinenggal wene uk fug-o.

1 Petrus 3:8

Eke ari halug, nomini-o, hit hinindi misig-at wilil, hinomini hinim hinindi hunduhuk welamiek-o. An hapma-at welahi-o, ulug at misihen eheg, at misihen eheg uruk amiek-o.

1 Petrus 4:4

It Allah wene waruk elehon epmanowen ari keroho suruk ahep-o, ulug yig hisaruk wilil, hinobam denggeltuk-o.

2 Petrus 2:10

Eke it aphe inenggal yig hisarukon ari inahlahiroho wilil, it malaikat boholmon etno inakol isaruk eleg-o.

Yudas 1:10

At malaikat Mikhael ariroho yig epahon oke, eke it ap dag surukon epmanowen urunangge neken wilil, yi angge di angge surukon etno farim inambilik butuk yig isaruk-o. Eke it ap epmano wam inahla buruk elehon etno ilitoho wilil, it inebe-at dag seko ombataruk-o.

Yudas 1:8

It ap dag surukon epmano noho neken uruk wilil, “At Allah suon ano?” ulug uruk-o. It malaikat boholma suon werehon epmano inenggal-at uruk-o ulug inambilik butuk yig isaruk-o.