Titus 1:3 - Allah Wene Hurumbik Keron

³ fobik At awene etno yig nisaruk wilil, dindiloko yig nisari­si-o. Ariroho yig nisarision etno anden it aphe yig isawag ulug minduhup naharisimu, At Allah ninili warukon etno inuk fam yig isaruk ahi-o.

Titus 1:3 ပူးပေါင်းရင်းမြစ်များ

Markus 1:15

Ariroho fanggog ehek ari, At Allah weregmen sukon etno-at fanggog ehek-o. Ari halug, hit hinindi wereg atlug, wene fano wene du-at eberoko wimiek-o,” ulug yig isaruk apag.

Markus 13:10

Eke fobik suhuon etno awan fanggog uruk heheg, wene fano wene du it yi aphe di aphe kweanma obog werehon epmano obog-at yig isil nuruk amuhup-o.

Markus 16:15

Winimug yig isaruk apareg, eke fobik yig isaruk wilil, “Hit o kweanma o ahik ya da epmano laruk amuhupseg, it yi aphe di aphe epmano obog-at wene fano wene etno yig isil nuruk amuk-o.

Lukas 1:47

At Allah nili warukon etno obam nahien haruk ahi-o.

Kisah Para Rasul 10:36

Eke At Yesus Kristus yi aphe di aphe obog Ninowe inuk suon etnowen yig nisarukmu, wene fano wene dambuk ninaptukon etno bilin it Israel aphe yig isa waharisi etno hit hiniluk-o.

Kisah Para Rasul 17:26

Eke Aren bilin ap misig-at wal haruk apareg, alem ari famen nit yi aphe di aphe o ahik ya da obog-at o kweanma duma ninombisahabag-o. Eke nit yi aphe di aphe obog o misihim endag aheg, eke o misihim waraheg, eke o misihim o ahik misig welaheg suruk amag ulug Aren-at ninombisahabag-o.

Roma 15:19

eke elalintoho sukfugangge seheg suruk wilil, At Roh Kudus etnowen ninim ninoag weregsoho surukuk-o. Ariroho suruk wilil, o Yerusalemen o Ilirikum kwalema luog ulug larukuk-o. Kwalema laruk wilil, At Kristus awene fanowon etno yig isil larikik-o.

Roma 16:25

Ari fam, nit obohen At Allah inuk-at suontepfuruk amuk-o. Eke wene fano wene yig hisaruk ahion etno inim, eke At Yesus Kristus awene etno inim, eke wene o amuk herako neken welapahon oke, kidia selegma bukaloko yig nisarukon etno inim obog-at hiren demat-o ulug hinindi ebebukag ulug At Allahen hinindi oag werehon etno og hisiog ulug oag weregsoho suruk-o.

Roma 16:26

Eke wene amuk heraho neken welapahon etno it nabi aben hurumbik wene holal embebag etno fam selegma bukaloko yig nisebag-o. Eke ariroho yig nisebag ari, At Allah ilukon itog mondog werehon etnowen ariroho yig isil alu-o ulug mondep isebareg fam, it yi aphe di aphe o ahik ya da werehon epmano obog-at iniluk amag ulug yig isil laruk-o. Eke ariroho yig isil laruk ari, it aphe obog inim, eke it bilin Allah wene inapeleg welatuson epmano inimen, wene etno inesanggo holtuk wilil ilitoho suruk amag ulug yig isil laruk-o.

Roma 5:6

Eke nit hag awan ninoag eleg niseheg, At Allahen kidia arat ulug uruk apagma, At Kristus etno it dag surukon epmano inake warapag-o.

1 Korintus 9:17

Eke anden neyabuk du hulik ulug nahla belerehen, onggo og nemag ulug suruk atleon oke, At Allahen sumbut isawon epmano nobam embebareg fam suruk ahi-o.

Galatia 4:4

Ariroho uruk atukukon oke, eke fobik At Allahen sukon etno fanggog uruk apagma, At Allahen Amloho etno belabik wapag-o. Belabik waharuk apagma, hwe misig amloho neken endag apag-o.

Efesus 1:10

Eke Aren hurumbik dindiloko yig nisebahon etno ilitoho-at suruk aruhu-o. Eke Aren sukon etno arat fanggog ik waharuk aruhumu, yi angge di angge boholma kweanma obog-at wal hebahon epmano At Kristus Ninowe suon welamag ulug dambuksoho ninombisahaku-o.

Efesus 2:17

Eke ariroho suruk apareg fam, At Kristus etno waharuk apareg, wene fano wene dambuk ninabukon etno it aphe obog-at yig isa wapag-o. Ariroho yig isa wapag ari, hit bilin Allah wene hinapeleg wilil, At Allah hinim yatma neken welatikibon epmano inim, eke it Yahudi ap At Allah inim horogsoho welatuson epmano inim obog-at yig hisa wapag-o.

Filipi 1:13

Eke an yi angge di angge nobam umburuson epmano fam it ap at Kaisar ibam aso werehon epmano inim, eke it nin epmano inim it obog-at, at Paulus ari At Kristus anggimbu halug hele waroko kolapfurusa-o, ulug iniluk atisi-o.

Kolose 1:23

Eke wene fano wene etno waruk wilil, yahuk korlag suruk eleg hisalug, fobik fano hinabuhuon etno og hisahu, ulug hurumbik etno yig hisarusa. Eke an Paulus wene fano wene etno anggimbu neken wilil, yig isil larikik-o. Eke it ninen o ahik ya da yig isil laruk-o.

Kolose 1:6

Eke wene fano wene ari o ahik ya da ya laheg da laheg suruk halug, hit weregma-at waharisi-o. Waharukmu, At Allah ahien inobam umburuk halug, hit ariroho-at hinesanggo holtikipseg fam At Allah ahien hinobam umburuk-o.

1 Tesalonika 2:4

Eke At Allahen ariroho iuk yig nisarukon etno ilitoho-at yig isaruk ahe-o. Eke wene fano wene etno niren aphe yig isawag ulug At Allahen ninaren baloko minduhup nisaharisireg fam, At Allah ahien nisawag ulug suruk ahe-o. Eke At Allahen ninaren baltuk heheg, aphe inahien nisawag ulug suruk ahe fug-o.

1 Timotius 1:1

Nomin Timotius wai. An Paulusen hat namloho ninim Allah wene waruk aheon etno holal du bal hituk ahi-o. Eke At Allah ninili warukon etno inim, eke At Kristus Yesus fobik fano ninabuhuon etno inimen At Kristus Yesus awene yig isil nuruk amag ulug minduhup naharusa etno ilitoho,

1 Timotius 1:11

Eke wene fano wene ari, aphe yig isawag ulug At Allah ahien ninobam umburukon etnowen minduhup naharisi-o.

1 Timotius 2:3

Ariroho uruk wilil, ninebe fano mondog weregma, At Allah ninili warukon etnowen ari fano at-o, ulug ahien nisarukmu,

1 Timotius 4:10

Eke At Allah iluk werehon etnowen it aphe obog inim, eke nit At udaki inim ninili warukon etnowen fanowon etno og nisahu-o, ulug At obam ninindi ebetuk wilil, sat anggolo neken yabuk suruk ahe-o.

2 Timotius 4:17

Eke an nawene etno yig isaruk neyeheg At Ninowe ninim wilil noag werehep naharisimu, it ap Allah wene inapelehon epmano inil fam wene fano wene etno obog dindiloko yig isarikik-o. Yig isaruk atikikmu, wam singa elma dil inaptuk etno hag dil naptisi-o.

Titus 2:10

Eke it ap inanggimbu ari herako ombateheg suk fug ulug yig isimin-o. Eke At Allah ninili warukon awene etno kiro­ho wawag ulug, it ap inanggimbu ari yi angge di angge motoho surukon etno fam iniknisi iniluk amag ulug yig isaruk amin-o.

Titus 2:13

Eke nit ninindi ninahientoho wilil, At Allah suon, Ninowe Yesus Kristus ninili warukon etno At ebe suon wamon etno aso wereg niseheg yanggul nisaruk-o.

Wahyu 14:16

Yig ituk atisimu, eke At hena fam horieg werehon etnowen At enggarog maserohon etno belabik waharisimu, o kweanma duma werehon etno bal atukmu nilanggen harikik-o.