Titus 1:2 - Allah Wene Hurumbik Keron

² Eke anden wene du demat ulug yanggul isaruk ahion etno fam it apheyen niniluk welamon etno og nisahu-o ulug inindi ebetuk-o. Eke At Allah enggal uruk elehon etnowen o kweanma duma awan wal haruk eleg wilil, hini­luk welamon etno og hisahuk ulug, abug yig nisaruk apareg,

Titus 1:2 ပူးပေါင်းရင်းမြစ်များ

Matius 25:34

An Hinowe suon etnowen it aphe ninggik bikit fil werehon epmano yig isaruk wilil, ‘Hit hinebe An Nikni ahien hinobam imbirision du hag maniek-o. Waharuk atlihipseg, amuk o kweanma epma awan wal haruk eleg wilil, o fanoma hit hinebe fano mondog welam ambeg ulug dugsoho hinombisahabahon etno-at holalihip-o.

Matius 25:46

Ariroho yig isaruk aruhukmu, it epmano o hondok olokma initog mondog welam ambeg epmano-at lahup-o. Eke it inobabut fanowon epmano hag, o fanoma iniluk mondog welamuhup ambeg epmano-at lahup-o,” ulug yig isebag.

Markus 10:17

Eke fobik kwalem suon liog ulug suruk apagma, ap misig At ambeg buahen laruk apareg, indibahal yungguksoho ut wandukseg wilil, “Ninowe-o, Hat wene fanoroho yanggul nisaruk ahenon du, an niluk welamon etno holahuken keroho sukag ulug hahla buruk ahen-o?” ulug yig epag.

Markus 10:30

eke hineyabuk inim inubulukmu obog-at og hisaruk ahi ari, fobik hiniluk mondog welamon etno-at og hisahuk-o, ulug yig hisihi ari An demat yig hisihi-o,” ulug yig isaruk apareg,

Yohanes 10:28

Eke Anden iniluk welamon og isaruk nealug, mondog waramuhup fug-o. Eke it inebe epmano An ninggikmu weregma, ap misihen diloko og inabuhu fug-o.

Yohanes 17:2

Eke An nebe etno it yi aphe di aphe obog-at Inowe suon welamag ulug minduhup naharikinteg fam, Anden it aphe Haren og nitikinon epmano Anden iniluk welamon etno og isiog ulug suruk ahi-o.

Yohanes 17:24

Eke Haren it inebe etno og nitikinteg fam, it inebe An wereg ambeg epma ninim welam nindi-o. It inebe epma wilil, Haren suontep naharuk ahenon etno inilanggen hahup-o. Eke Haren o kweanma duma awan wal haruk eleg wilil, An nobam hindi hunduhuk welahenag-o Nikni.

Yohanes 5:39

Eke hiren Alkitab wene baleg etno fikfag wane suruk wilil, etno fam niniluk welamon etno heahakuk-o ulug hinahla buruk ahep-o. Eke Alkitab wene baleg ari fam An nawene-at yig hisaruk halug,

Yohanes 6:54

Eke it yi aphe di aphe obohen namep nenggeg, nebe nenggeg suruk isalug, iniluk welamon holaruk etno fam, Anden o ari sambit iniluksoho minduhup isahuk-o.

Yohanes 6:68

Yig isaruk apagma, at Simon Petrus etnowen yig ituk wilil, “Ninowe-o. Nit sa ambeg lul-o? Hat wene niniluk welamon etno unde wilil, yig nisaruk ahen-o.

Kisah Para Rasul 15:18

ulug At Allahen amuk hurumbik ebahon etno wereg-o,” ulug at Yakobusen yig isaruk apareg,

Roma 1:2

Eke amuk it ap nabi epmano At Allahen yig isebahon etno urukmu, fobik wene fano wene etno yig hisahu-o, ulug hurumbik yig isarukmu, wene holal baltuk apag.

Roma 16:25

Ari fam, nit obohen At Allah inuk-at suontepfuruk amuk-o. Eke wene fano wene yig hisaruk ahion etno inim, eke At Yesus Kristus awene etno inim, eke wene o amuk herako neken welapahon oke, kidia selegma bukaloko yig nisarukon etno inim obog-at hiren demat-o ulug hinindi ebebukag ulug At Allahen hinindi oag werehon etno og hisiog ulug oag weregsoho suruk-o.

Roma 2:7

Eke it aphe nin fanowon epmano suruk wilil, At Allah nabelal habelal og nisawag ulug obam inindi ebetukon epmano inim, eke fano surukon epmano inim, At Allahen mondog iniluk welamag ulug og isahuon oke,

Roma 5:2

Eke ariroho At obam ebetuk atukukseg fam, At Allahen ninabua nisawag ulug og ninaplug waharisi-o. Ariroho og ninaplug waharisireg fam, kidia At Allahen ninabua nisaruk heheg minduhuk neken welahe-o. Ariroho wilil, At Allah ninim suon neken welamuhuk-o ulug ninahientoho ninahla buruk ahe-o.

Roma 5:21

Eke ari halug, alem dag surukon etnowen alem waratukon oag werehepfebag etno hag, alem At Allahen ninabua nisarukon etnowen alem dahon ninobam weregma elehepfukon etno oag werehepfuruk-o. Eke ariroho alem dahon ninobam weregma elehep nisaharisireg, At Yesus Kristus inuk fam ninitog mondog niniluk welamon etno-at og nisaruk-o.

Roma 5:4

Eke ninindi bugsoho welamon etno fam ninindi oag werehon etno og nisaruk-o. Eke ninindi oag werehon etno fam demat fanoroho ninombisahaku ulug ninahla bukon etno og nisaruk-o.

Roma 6:23

Eke dag surukon ari onggo waratukon etno-at og isaruk-o. Eke At Allahen ninabua nisaruk wilil onggo eleg yuhun-at og nisarukon ari, At Ninowe Yesus Kristus ninim niniluk mondog welamon etno-at og nisaruk-o.

Kolose 1:27

Eke wene amuk heraho welapahon etno yi aphe di aphe bukaloko yig isawag ulug suon, fanowon-at wereg-o. Eke wene fanowon yig nisarukon etno ebe du at-o, At Kristus hinindimu wereg halug, At ebe ilitoho Allah hinim suon-at welamuhup-o.

1 Tesalonika 2:15

Eke it Yahudi ap ari Ninowe Yesus etno inim, eke it nabi ap iron epmano inim war inabeheg, eke dahon etno nit ninobam embeheg, suruk atusareg fam, At Allah ahien isaruk eleg-o. Eke it aphe obog inim healeg wereg-o.

1 Tesalonika 5:8

Eke nit o ilingge udaki neken welaheon epmano nit noho kunkan seheg eleg wilil aso fanoroho welamuk-o. Nit ninindimu demat ulug ebetuk wilil, aphe ninindi hunduhuk welahe etno hele sing neken yihik welahe-o. Eke inunggulasum oag werehon wantaruk etno hag nit fano ninabuhu-o ulug ninindi ebetuk aheon ninunggulasum neken-at wantuk-o.

1 Timotius 6:12

Eke it aben buahen laruk etno hag, hat Allah wene demat urukon etno mutlug laruk wilil, hat hiluk welamon etno huliog ulug suruk amin-o. Eke hat hiluk welamon etno holawag ulug, bilin At Allahen wol hearisimu, hat aphe anggolo inil fam An Allah wene demat eberoko waruk ahi-o, ulug irikin-o.

1 Timotius 6:19

It ariroho fano mondog suruk isalug, iniluk welamon etno holawag ulug kidia o andorli neken umburuk-o. O andorli ari iren fano surukon etno fam fobik iniluk welamon etno holahup-o.

2 Timotius 1:1

Nomin Timotius wai. An Paulusen hat namloho nindi hunduhukon etno holal du bal hituk ahi-o. Eke nebe etno At Allah indi ebetuk apareg, At Kristus Yesus awene yig isil nuruk amag ulug minduhup naharisireg fam,

2 Timotius 1:9

Eke At Allahen ninili warisireg, hit an nudaki welamuhuben ulug wol ninaptisi-o. Wol ninaptisi ari, niren fano suruk nisalug, wol ninaptisi fug-o. Eke At ahla bulug-at ninabua nisaruk wilil, wol ninaptisi-o. Eke o kweanma duma awan wal haruk eleg wilil, At Yesus Kristus inuk fam ninabua nisebahon oke,

2 Timotius 2:10

Eke ari halug, it aphe At Allahen imig inapahon epmano At Yesus Kristus inuk fam inili wawon etno inim, eke iniluk mondog welamon etno inim holawag ulug it inake yabuk suruk neyeheg, it ninen dahon etno nobam umburukon oke, nahla bugsoho welahi-o.

2 Timotius 2:13

Eke nit we dorat ninindimu demat ulug ebetuk aheon oke, At hag demat ulug ahla buruk wilil welaruhu-o. Eke Aren bilin ebahon etno onggarehen sohorep isaruk eleg-o.”

2 Timotius 2:15

Eke At Allah hat yabuk fano suruk ahen ulug yig nemag ulug yabuk etno henggali elegsoho wilil suruk amin-o. Eke Allah wene demat ulug yig nisebahon etno fikfag aphe yanggul isaruk amin-o.

Titus 2:13

Eke nit ninindi ninahientoho wilil, At Allah suon, Ninowe Yesus Kristus ninili warukon etno At ebe suon wamon etno aso wereg niseheg yanggul nisaruk-o.

Titus 2:7

Eke hat hag yiro­ho seheg diroho seheg fanoroho suruk healug, aphe inil og hap­tuk wereg-o. Iren fanoroho suruk amag ulug hat inim fanoroho suruk amin-o. Eke haren wene yanggul isaruk ahenon etno motoho yig isaruk amin-o. Ap inindi oag werehonen demat yig isaruk etno hag hat yig isaruk amin-o.

Titus 3:7

Eke At Yesusen nit ninonggo baltisireg fam, At Allah ninim dambul atukukseg, niniluk welamon etno og nisa­hu-o ulug ninindi ebetuk wilil, niniluk welamon etno huluog ulug suruk ahe-o, ulug wene ari demat yig hirihi-o.

1 Yohanes 2:25

Eke mondog hinim hiniluk welamon etno At Yesusen hurumbik arat yig nisebag-o.

1 Yohanes 5:20

Eke At Allah Amloho etno waharuk apareg, aren Allah wene du demat yig hisaruk ahi-o ulug yangguloko yig nisebag. Wene ariroho yig nisebag halug, At Allah ninim, Amloho Yesus Kristus etno ninim ninindi hunduhuk welahe-o. Ari At Allah Ninikni-at wereg-o. Aren niniluk wilil ninitog mondog welamon etno-at og nisaruk-o. Ari demat-o, ulug nit niniluk atuk-o.

Yudas 1:21

Hit Allah hinim wilil, Hinikni hinindi hunduhuk welamuhup-o. At Yesus Kristus hit hinabuen hiniluk welamon og hisahuon etno-at aso welamuhup-o.

Wahyu 13:8

Ariroho suruk atisimu, eke it aphe kwe­anmon epmanowen inuk suontepfuru­sa-o. It ariroho suontepfuruson ari, bilin o kweanma awan wal ­haruk elegma At Wam Domba Udag wapahon etnowen angge aphe ini­luk welamon buku holal embebahon etno fam ininuk elehon halug, iren walo suon etno inuk suontep­furusa-o.

Wahyu 17:8

Walo ebe hehe­non ari, bilin iluk welatisireg, waratisi-o. Waratision oke, kwean kahaleg ambehen lahik waha­ruk arikonma, fobik mondog warepfikon-o. Eke it aphe o kweanmon buku iniluk welamon etno fam ininuk holal baleg elehon etnowen walo suon etno ebe inil hukonteg, inakol hukon-o. Inakol hukon ari, walo suon etno bilin iluk welatisireg, eke fobik waratisi­on etno iluk ahareg warikon etno fam inakol hukon-o.