Roma 9:5 - Allah Wene Hurumbik Keron

⁵ Eke it inetamuki bilin it Abraham, Ishak, Yakub welapahon etno hag, eke fobik At Kristus etno ebe ap ilitoho it inungguluahon-at endag apag-o. Eke At Allah yi aphe di aphe Inikni etno inuk nintul nantul suontepfuruk amuk-o, ulug an demat yig hisaruk ahi-o.

Roma 9:5 ပူးပေါင်းရင်းမြစ်များ

Matius 28:20

eke wene Anden ariroho siuk ulug yig hisaruk atikikon epmano iren ilitoho suruk amag ulug yanggul iseheg suruk amuhup-o. Ariroho suruk hisalug, An nebe nintul nantul hit ninim sil nuruk amuhukseg, fobik o atog arat halug ninim-at welamuhuk-o,” ulug yig isebag.

Matius 6:13

Eke ninindi kahalik waharukim, iblis lisoko wilipfin-o. Eke Hat suon hoag werehon-at welahen-o. Hat fanowon halon werehon-at wela­hen-o. Hat hebe walhan-at halug, hitog mondog welahen-o. Amin,’ ulug ariroho sembahyang uruk amuk-o.

Lukas 20:44

ulug At Allahen An Nowe etno yig erehek ulug at Daud etnowen At Kristus farim Nowe ebahon oke, eke it ninen At Kristus ari Daud etamu at-o ulug uruk du, keroho ulug uruk behep-o?” ulug At Yesusen yig isebag.

Yohanes 10:30

Eke nit An Nikni ninim ninebe misig-at welahe-o,” ulug yig isebag.

Kisah Para Rasul 20:28

Eke hinonggarehen hinindi aso welahep etno hag, At Roh Kudusen aphe inaso welamag ulug minduhup hisaharision etno aphe inaso fanoroho welamuk-o. At Allah Amloho waratisi etno fam At udaki heako imbisarision epmano inaso fanoroho welamuk-o.

Kisah Para Rasul 3:13

Bilin At Allah inuk it ninetamuki Abraham, Ishak, Yakub iren webahon, At Allahen bilin it ninetamuki Abraham, Ishak, Yakub inabua isebag etno ilitoho kidia At Amloho Yesus etno inuk suontepfirisi-o. Suontepfirision oke, eke hiren At ebe wabukag ulug at Pilatus etno inggikmu imbirikip-o. Imbirikipmu, at Pilatusen ebe hele hibiloko imbisiek ulug yig hisarision oke, hiren At niron eleg-o ulug irikip-o.

Roma 1:25

Eke At Allah demat ulug inindi ebebukon etno sohorep isalug, inenggal wene etno hag inindimu ebetuk apag. Eke At Allah Walhan etno suontepfuruk amuog ulug inahien suruk wilil inindi At obam ebebukon etno sohorep isalug, eke yi angge di angge At Allahen wal hebahon epmano-at ubulukmu ulug inahientoho suontepfuruk apag.

Roma 1:3

Ari, wene fano wene etno At Allah Amloho Ninowe Yesus Kristus etno at Daud etamu neken endag apahon oke,

Roma 10:12

ulug nit obog-at yig nisaruk ari, dahan fahan ninombisahalug yig nisaruk eleg-o. It Yahudi ap inim, it Allah wene bilin inapeleg welatuson epmano inim ilitoho-at yig nisaruk wilil, At Allah ebe it obog-at Ninikni wereg-o. Eke nit obohen At obam kino yig ituk nisalug, ahien anggolo-at ninobam umbuhu-o,

Roma 11:28

Eke it Yahudi aben wene fano wene etno ninambit uruk atusa etno fam hit bilin Allah wene hinapeleg welatikibon epmano hinake At Allah inim healeg wereg oke, At Allahen it inetamuki epmano inim wene fanoroho baltuk apareg fam, it Yahudi ap fuloko imbisebag halug, it At omini indi hunduhukon neken wereg-o.

1 Korintus 14:16

Eke hit Roh Kudus hinim wilil, inune werlekon fam wa ulug sembahyang uruk hisalug, it aphe nin inune yion dion inapelehon epmanowen inindimuen inesanggo holtug eleg-at keroho famen uhup-o?

2 Korintus 11:31

Eke an wene ihion ari enggal ehek fug ulug At Ninowe Yesus Ikni Allah inuk nintul nantul suontepfuruk amuhukon etnowen iluk wereg-o.

1 Timotius 3:16

Eke wene herahowon ninindi ebetlug nit obog uruk aheon etno du at-o, At ebe ap kweanmon neken-at selegma apag-o. Eke At Roh Kudus etnowen ap du demat ulug yig epag-o. Eke it malaikat epmanowen inilanggen hebag-o. Eke At awene etno o ahik ya da yig isa wilip apag-o. Eke o ahik ya da it aphe epmanowen At demat-o ulug inahla buruk apag-o. Eke At ebe o selegma anduhunmu epma imbik lahabag-o, ulug ninindi ebetuk ahe-o.

1 Timotius 6:15

Eke At Yesus Kristus wamon etno fanggog ukag ulug At Ninikni Allah suon etnowen uhu-o. Eke At Allah it ap suon Inikni-at wereg-o, eke o kweanma inowesi inowe-at wereg-o.

2 Timotius 2:8

Ebetuk wilil, eke At Yesus Kristus etno inim obam ebetuk amin-o. Eke At Yesus etno Daud etamu neken weregma, aphe waratuk ambehen iluksoho minduhupfebag ulug, wene fano wene etno aphe yig isil nuruk ahi-o.

Ibrani 7:24

Ariroho welapahon oke, At Yesus hag iluk itog mondog welaruhu ari fam, at eyabuk etno at misihen sukag ulug inggikmu umburuk eleg-o.

1 Yohanes 5:20

Eke At Allah Amloho etno waharuk apareg, aren Allah wene du demat yig hisaruk ahi-o ulug yangguloko yig nisebag. Wene ariroho yig nisebag halug, At Allah ninim, Amloho Yesus Kristus etno ninim ninindi hunduhuk welahe-o. Ari At Allah Ninikni-at wereg-o. Aren niniluk wilil ninitog mondog welamon etno-at og nisaruk-o. Ari demat-o, ulug nit niniluk atuk-o.

Wahyu 1:18

An nebe bilin nowapahon oke, niluk atuk seyahon An at-o. An niluk nitog mondog-at welaruhuk-o. Eke waratukon alem etno Anden napma umburuk seyareg fam, o it ap warehon wereg ambeg unde etno An at-o.

Wahyu 22:16

An Yesusen yi angge di angge aphe jemaat Allah wene urukon epmano yig isiug ulug nomalaikat etno belabik waharikik-o. Eke An nebe etno at Daud etamu wilil, soholoal wap etno ilitoho-at welahi-o,” ulug irisi-o.

Wahyu 22:20

Eke At yi wene di wene obog yangguloko yig nisarukon etnowen “An dulum-at waruhuk,” ulug yig nisaruk-o. Ariroho yig nisaruk halug, niren, “Demat, dulum manu-o, Ninowe Yesus,” ulug uruk ahe-o.

Wahyu 5:14

eke it inebe empat iniluk werehon etanowen, “Amin, demat-o,” ulug urusa-o. Uruk atusama, it penatua inebe dua­puluh empat epmano inolohore wanduksoho sembahyang uruk atusa-o. Urukmu an nesanggo holtikikseg, obog holal ari imbirikik-o.