Roma 9:4 - Allah Wene Hurumbik Keron

⁴ Eke it Israel ap ari At Allahen fuloko imbisebareg, At udaki welamag ulug endag inapag-o. Endag inaptuk wilil, inebe suontep iseheg, eke ninim welamuhuken ulug wene etno yig iseheg, eke wene duroho suruk amuk eke duroho suruk am fug ulug ebahon etno yig iseheg, eke hurumbik wene etno yig iseheg sebag-o.

Roma 9:4 ပူးပေါင်းရင်းမြစ်များ

Matius 21:33

Eke fobik At Yesus etnowen yig isaruk wilil, “An wene ilitoho neken misig yig hisaminon etno hinesanggo holiek-o,” ulug yig isaruk apareg, eke fobik yig isaruk wilil, “Ap kwean unde misihen e anggur etno i yapag-o. I yatuk apareg, lehet falepfeheg, ambusu bisaloko umbukon kwean hulileheg, eke horieg welam ambeg ulug kayo bela seheg suruk apareg, at eyabuk og inaptuk heheg, o yatma epmano lebag-o.

Yohanes 1:17

Eke at Musaen wene duroho suruk amuk eke duroho suruk am fug ulug ebahon etno yig nisawag ulug At Allahen yig epahon oke, At Yesus Kristus etnowen ninabua nisawon wene etno inim, eke demat urukon wene etno inim yanggul nisawag ulug At Allahen yig epag-o.

Yohanes 1:47

Yig ituk apagma, At Yesusen Natanael etno At ambeg waharukmu ilanggen haruk apareg, At awene etno uruk wilil, “At Israel ap misig enggal eheg eleg demat urukon etno du hinilanggen himiek-o,” ulug yig isebag.

Kisah Para Rasul 2:39

Ikma belap hinaptuk amukonma, bilin At Allahen Roh Kudus og hisahuk ulug ebahon hinobam belabik warikon-o. Eke At Allahen og hisahuk ulug ebahon etno hit inim, hinudaki inim, it yatmon At Ninikni Allahen wol inaptukon inim obog-at og hisahuk ulug ebag-o,” ulug at Petrusen yig isebag.

Roma 3:2

Ari eleg-o. It nin hag yi angge di angge og isebahon oke, it Yahudi ap epmano hag At Allahen obam seberoho og isebag-o. Eke misig fanowon og isebag ari, Allah wene etno-at seneg welamag ulug og isebag-o.

Roma 8:15

Eke Roh Kudus At Allahen og hisarision etnowen hit hinebe anggimburep hisaharuk wilil, hinakoltep hisaharuk eleg-o. Eke At Roh Kudusen hinebe At Allah udaki welamag ulug hinombisaharukon etnowen yig hisarukmu, At Allah obam (Aba) Ninikni ulug yig ituk ahe-o.

Roma 9:6

Eke anden ihion ari, At Allahen hurumbik yig isebahon etno hai apag ulug yig hisaruk ahi fug-o. Eke it Israel aphe epmano it nin inobabut At Allahen udaki imig inapahon neken welapag fug-o.

2 Korintus 11:22

Eke it ap epmano inungguluag Ibrani ap wereg ano? Eke an hag ariroho-at welahi-o. Eke it hag Israel ap wereg ano? Eke an nebe ariroho-at welahi-o. Eke it hag at Abraham etamuki wereg ano? Eke an ariroho-at welahi-o.

Galatia 3:16

Eke amuk At Allahen Abraham etno yig ituk wilil, “Hat hetamu hinim ariroho hinombisahaku-o” ulug hurumbik yig epag etno, etamuki anggolo farim yig epag fug-o. We hetamu ebag ari, at misig Kristus etno farim ebag-o.

Efesus 2:12

Eke hit bilin At Kristus hinim welatikip fug-o. Eke hinebe huso neken wilil, At Allah udaki imig inapahon epmano hinim welatikip fug-o. Eke At Allahen At udaki yig isaruk wilil, fanowon etno demat og hisahuk ulug abug yig isebag etno hit hag yig hisebag fug-o. Eke hiren fanowon etno og nisahu ulug hinahla buruk eleg wilil, o kweanma duma Allah hinim welatikip fug-o.

Ibrani 9:1

Eke bilin wene duroho suruk amuk eke duroho suruk am fug ulug ebahon etno fam duroho sembahyang iuk ulug yig isaruk apagma, it aben o sembahyang ibam ulug misig falfag.

Ibrani 9:10

Eke ik orom du nao usa ano, eleg ano, ulug urukon etno inim, eke yi angge di angge obog usaroho suruk wilil ho suruk amuk urukon etno inim, ari ahap selemon ahut neken-at yig nisaruk-o. Eke At Allahen wene hurumbik keron etno awan yig isaruk eleg heheg, hurumbik bilinon etno ahut neken-at yig nisebag-o.

Ibrani 9:3

Eke baharik misig sum fam huli balehon etno inuk Mondog Usabaharik soalfag.

Ibrani 9:5

Eke At Allah ampeti etno anduhunmu, it dag suruk apahon epmano imbisalug, At Allah ninim dambuluhuken ulug wam amep umburukon walu etno welapag. Eke walu etno alilukmu, it Allah malaikat inuk Kerub ilitoho ulug inebe biren halehon epmano minduhuk welapag. Ariroho minduhuk welapag ari, it Israel aben At Allah ninim hunduhuk welahe ulug inahla buruk amag ulug minduhupfebag. Ariroho minduhupfebag ari fam, nit at Musaen embebahon etno wene atog yaron-at olowon oke, kidia obog-at ul fug-o.

Ibrani 9:6

Eke yi angge di angge ariroho haloko weregma, it ap Allah unde epmano yabuk suog ulug nintul nantul baharik selemon etno fam kuruk apag.