Roma 9:30 - Allah Wene Hurumbik Keron

³⁰ Eke ari halug, keroho uk buruk ahep-o? Ari wene ebe duroho uk-o. Eke it aphe bilin Allah wene inapeleg welatuson epmanowen At Allah inim dambuluog ulug surusa fuhon oke, At Allah obam ebetuk isalug, aren alem dahon inobam werehon epmano elehep isalug, ninim fanoroho welamuhuken ulug dambuk inaptisi-o.

Roma 9:30 ပူးပေါင်းရင်းမြစ်များ

Roma 10:10

Eke ninindimuen demat ulug ebetuk aheon ari, At Allahen alem dahon etno elehep nisahukag ulug ebetuk ahe-o. Eke ninune fam demat ulug uruk aheon ari ninili wawag ulug-at uruk ahe-o.

Roma 10:20

Ariroho suruk aruhukmu, it aphe nin urunanggeroho welatuson inobabut fam hit hinasine hahup-o,” ulug ebahon etno wereg heheg, eke at Yesaya etnowen fobik indi ahlahiroho neken yig isaruk wilil, “It bilin heag nabuog ulug surusa fuhon epmano oke, fobik arat heag naptusa-o. Eke heag nabil larusa fuhon oke, it inil fam selegma atikik-o,”

Roma 10:6

“Hit hinindi famen at sa hag boholma lahaku-o? ulug uruk am fug-o,” ulug ariroho ebag ari, it apheyen At Kristus ebe boholmen walug ambik wam nowen ulug ebag-o.

Roma 3:5

Eke niren dag suruk ahe epmano fam, At Allahen fano surukon epmano selegma atuk halug, keroho uk-o? Eke an it apheyen uruk etno hag yig hisamin-o.

Roma 4:11

Ariroho inim dambultuk apareg, fobik-at iyunggul ambilik balfag-o. Eke at Abraham etno iyunggul ambilik awan baleg eleg wilil, At Allah obam ebetuk apareg fam, At Allahen ninim fanoroho welamuhuken ulug inim dambulfag-o. Ariroho ninim dambulehe ari demat-o ulug ahla bukag ulug iyunggul ambilik balfag-o. Eke it yi ap di ap iniyunggul ambilik baleg elehon epmanowen At Allah obam ebetuk isalug, aren ninim fanoroho welamuhuken ulug dambuk inaptukon etno at Abraham inikni neken wereg-o.

Roma 4:13

Eke At Allahen hat Abraham hetamuki hinim o kweanma duma unde welamuhuben ulug og hisahuk-o, ulug abug yig epag etno, at Abrahamen wene duroho suruk amuk eke duroho suruk am fug ulug ebahon etno ilitoho surukmu yig epag fug-o. Eke at Abraham Allah obam ebetuk halug, inim dambulfag etno fam yig epag-o.

Roma 4:22

Eke at Abraham etnowen ariroho Allah obam ebetuk apareg fam, At Allahen ninim fanoroho welamuhuken ulug inim dambulfag-o.

Roma 4:9

ulug at Daud etnowen ariroho ebag ari, it iniyunggul ambilik balehon epmano inakeleg-at inawene yig isebag buruk ahep ano? Ari eleg-o. It iniyunggul ambilik baleg elehon epmano inim-at inahien hahup-o.

Roma 5:1

Nit At Allah obam ebetuk nisalug, alem dahon ninobam werehon epmano elehep nisaharisimu, At Ninowe Yesus Kristus inuk fam At Allahen ninim fanoroho welamuog ulug dambuk ninaptisi-o.

Roma 9:14

Eke ari halug, keroho uk-o? Niren At Allah dahan fahan suruk ulug uk ari fano buruk ahep ano? Ari mondog eleg-o.

Roma 9:31

Eke it Israel aphe epmano hag wene duroho suruk amuk eke duroho suruk am fug ulug ebahon etno fam At Allah inim dambuluog ulug suruson oke, alem dahon inobam werehon etno elehepatalug At Allah inim welamon etno ebetusa fug ari, keroho ulug ebetusa fug-o?

Galatia 2:16

Eke iren At Yesus Kristus obam ebetuk isalug etno fam alem dahon inobam werehon etno elehepfuruk-o. Eke nit ari ilitoho At Yesus Kristus obam ebetuk nisalug, alem dahon ninobam werehon epmano At Allahen elehepfukag ulug At Yesus Kristus obam ebetuk atukuk-o. Eke it Yahudi aben wene duroho suruk amuk eke duroho suruk am fug ulug ebahon etno ilitoho suruk ahe etno fam alem elehepfukag ulug surukuk fug-o. Eke ap misig it Yahudi aben wene duroho suruk amuk eke duroho suruk am fug ulug ebahon etno ilitoho suruk halug, ari fam At Allahen alem elehepfuruk eleg-o.

Galatia 3:24

Eke ari halug, At Kristus etno awan waharuk eleg heheg, wene duroho suruk amuk eke duroho suruk am fug ulug ebahon etno nit yanggul nisarukon neken welatisi-o.

Galatia 3:8

Eke Alkitab fam yig nisaruk wilil, “It ap Allah wene inapelehon epmano fobik At Allah obam ebetuk isalug, alem dahon inobam werehon epmano At Allahen elehepfuhu-o,” ulug hurumbik Alkitab fam yig isebag-o. Ariroho yig isaruk apareg, wene fano wene hurumbik etno at Abraham yig ituk wilil, “Hat hetamu misig endag aruhu etno fam, At Allahen aphe kweanmon obog ahien inobam umbuhu-o,” ulug yig ituk apagma, at Abraham etnowen At Allah obam ebetuk apag. Ebetuk apagma, At Allah ahien obam embebag.

Galatia 5:5

Eke nit hag At Kristus obam ebetuk nisalug, At Allahen alem dahon ninobam werehon epmano elehepfuhu ulug ninindi ebetuk ahe-o. Eke At Roh Kudus etnowen yig nisarukmu, Aren alem dahon elehepfukon etno aso welahe-o.

Efesus 2:12

Eke hit bilin At Kristus hinim welatikip fug-o. Eke hinebe huso neken wilil, At Allah udaki imig inapahon epmano hinim welatikip fug-o. Eke At Allahen At udaki yig isaruk wilil, fanowon etno demat og hisahuk ulug abug yig isebag etno hit hag yig hisebag fug-o. Eke hiren fanowon etno og nisahu ulug hinahla buruk eleg wilil, o kweanma duma Allah hinim welatikip fug-o.

Filipi 3:9

an nebe fanowon-at welahi-o, ulug uruk etno hag, an nonggarehen nebe fanowon welahi ulug uruk ahi fug-o. Eke ariroho uruk eleg wilil, At Kristus inuk eberoko warikik etno fam At Allahen an nindi fanoroho welamon etno og nitisimu, At Kristus inuk fam an fanowon welahi-o ulug uruk ahi-o.

1 Timotius 6:11

Eke hat hebe Allah amloho neken welahe halug, haren yi angge di angge dahon epmano sohorep isalug, fanoroho surukon etno inim, eke Allah wene ebahon ilitoho surukon etno inim, eke Allah wene demat ulug ebetukon etno inim, eke aphe hinim hunduhuk welamon etno inim, eke ap winimug yig isaruk elehon etno inim, eke hindi seberoho welamon etno inim obog epmano mutlug laruk arik ulug hindi ebetuk amin-o.

Ibrani 11:7

Eke at Nuh etno hag, indi demat ulug ebetuk wilil, At Allahen fobik war inabuhuk-o ulug ebahon etno ilanggen hebag fuhon oke, esanggo holfag-o. At Allahen ebahon etno esanggo holtuk apareg, aren so etno o ilitoho falfag. Falepfuruk apareg, at uhwe udaki inim so fam epmano kebareg weregma, inili webag-o. Inili webareg fam, aren it aphe kweanma obog inili oko imbisebag-o. Eke at indi demat ulug ebepag etno fam, At Allahen ap du obabut fano hihi ulug ahien obam embebag-o.

1 Petrus 4:3

Eke it Allah wene waruk elehonen dag suruk etno ilitoho hit o amuk anggolo suruk atikip. Ariroho suruk wilil, hit yi dag di dag seheg, ambusu nenek surukon etno nenggeg, wanggik seheg, kwanangge etno amurli hundereheg suruk atikip-o. Ariroho suruk atikibon oke, eke kidia dag suk ninambit atisi-o, ulug uruk ahep-o.