Roma 8:8 - Allah Wene Hurumbik Keron

⁸ Eke kweanmen sukon etno mutlug laruk ari, At Allah ahien isawag ulug sukon etno hai atuk-o.

Roma 8:8 ပူးပေါင်းရင်းမြစ်များ

Matius 3:17

Ilang­gen haruk apagma, eke bohol­men une yig ituk wilil, “An Namloho nindi hun­duhuk atma, nindi nahien hihi-o,” ulug yig epag.

Yohanes 3:3

Yig ituk apagma, At Yesus etnowen yig ituk wilil, “Wene demat urukon etno yig hisamin-o. Ap misig ebe birenam endag atuk eleg halug, At Allah weregma kuk ari hai-o,” ulug yig ituk apagma,

Yohanes 8:29

Eke An nebe At lahap nabik waharision etno ninim welahe-o. Eke Anden At ahien hawon etno-at suruk nealug, aren sohorep naharisi fug-o,”

Roma 1:21

Eke it aphe epmano At Allah iniluk wilil oke, ari At Allah at-o, ulug At inuk suontepfeheg, eke wa ulug yig ereheg suruk eleg-o. Ariroho suruk eleg wilil, inindi eleg neken atlug o hubanggo neken inapelegsoho wereg-o.

Roma 7:5

Eke bilin ninobabut amukon wilil, yuhun-at surukmu, wene duroho suruk amuk eke duroho suruk am fug ulug ebahon etnowen alem du dahon ulug yig nisaruk heheg, ninindien-at yi dag di dag suruk atukukon epmano ebetuk atukukseg fam, waramon etno huluog ulug surukuk-o.

Roma 8:9

Eke hit hag, kweanmen sukon etno mutlug laruk ahep fug du, At Roh Kudusen yig hisarukon etno-at mutlug laruk ahep-o. Eke At Roh Kudus etno hinindimu-at wereg-o. Eke ap misig At Roh Kudus indimu elehon halug, At Kristusen angge eleg-o.

1 Korintus 7:32

Eke hit hinindi seneni ebereheg eleg welam fano ulug nahla buruk ahi-o. Eke ap hwe oho elehon etnowen At Ninowe eyabuk sukon etno-at indi ebetuk wilil, “An Nowe etnowen ahien hawag ulug keroho sik-o?” ulug ahla buruk-o.

Filipi 4:18

Eke hiren nombaharikibon etno arat og nitisimu, kidia yi angge di angge obog-at wereg-o. Eke hiren yi angge di angge nombaharikibon epmano at Epafroditus etnowen og nirik waharisireg fam, kidia an naharek obog-at wereg-o. Eke hiren an nombaharikibon epmano ambusu amben fanowon neken At Allah ake ulug umburuk atikipseg fam, At Allah ahien hisahu-o.

Kolose 1:10

Eke hiniluk wilil, At Allahen ariroho siuk ulug ebahon etno-at suruk amuhup-o. Eke at ahien hinobam umbuhu-o. Eke hiren yi seheg di seheg suruk wilil, anggen fanowon yihikup-o. Eke kidia At Allah ebe hiniluk welahep ari, fobik mondog hiniluk aruhu-o.

Kolose 3:20

Eke hit inudaki ap angge eke hweap angge halug, hiniknisi hinisasi inune holtuk amiek-o. Eke At Allah ahien hisawag ulug, At Kristus inuk fam hiniknisi hinisasi inune holtuk amuk-o.

1 Tesalonika 4:1

Nomini-o, At Allah ahien hisawagsoho hit keroho welamuhup ulug arat yanggul hisarukuk-o. Arat yanggul hisarukukon oke, eke kidia At Ninowe Yesus inuk fam keroho suk ulug hinesanggo watuk wilil, yig hisaruk ahe-o.

Ibrani 13:16

Eke hiren fanoroho suruk amon etno hinapeleg am sohorep isalug, hit hit nabua habua suruk amuk-o. Ariroho suruk wilil, At Allah ake umburuk etno hag suruk hisalug, ahien hisahu-o.

Ibrani 13:21

Eke hiren At Allah ahla burukon etno ilitoho suruk amuhuben, At Allah aphe obog dambuk inaptukon etnowen yi angge di angge fanowon epmano og hisawag ulug yig hisehe-o. Eke nit ninebe At Yesus Kristus ninim hunduhuk wereg nisalug, At ahla buluhen-at ninindi yabuk suruk aruhureg, ari fam ahien hawag ulug ehe-o. Ari ehe ari, nintul nantul At Kristus inuk-at suontepfuruk amuk-o, ulug demat yig hisehe-o.

1 Yohanes 3:22

Eke At Allahen komo yig nisarukon etno ilitoho suruk nisalug, Aren ahien ninobam umburuk wilil, niren kino uruk aheon epmano og nisaruk-o.