Roma 8:7 - Allah Wene Hurumbik Keron

⁷ Eke ari fam, at misig kweanmen surukon etno-at ahla buruk halug, At Allah inim healeg wereg-o. Ariroho wilil, At Allahen wene duroho suruk amuk eke duroho suruk am fug ulug ebahon etno ilitoho suk hai atuken esanggo holtuk eleg-o.

Roma 8:7 ပူးပေါင်းရင်းမြစ်များ

Matius 12:34

Eke hit walo udaki neken welahep du, hino­babut dahon ari famen keroho yi wene di wene fanowon etno uk behep ano? Eke inindimu werehon etnowen inambilik selemen ilitoho-at uruk-o.

Matius 5:19

Eke wene duroho suruk amuk eke duroho suruk am fug ulug ebahon etno alem misig sohorep isalug aphe ariroho-at yanggul isarukon halug, boholma Allah weregmen At inuk dorontepfuhu-o. Eke wene duroho suruk amuk eke duroho suruk am fug ebahon etno ilitoho seheg, aphe fanoro­ho yanggul iseheg suruk halug, boholma Allah weregmen At inuk suontepfu­hu-o.

Yohanes 7:7

Eke it yi aphe di aphe kweanmon etnowen hit inambit hisao eleg oke, Anden hit ariroho suruk ahep ari dag-at suruk ahep-o, ulug yig isaruk ahi etno fam, inambit nearuk-o.

Roma 1:28

Eke it At Allah demat urukon etno ninambit-o ulug, at obam ebetuk eleg famen, At Allahen ariroho suk fug ulug ebahon oke, ariroho-at sil nuruk amag ulug inindi elegsoho imbisebag.

Roma 1:30

Eke ariroho aik dahog uruk wilil, inabug baleheg, eke At Allah abug baleheg suruk-o. Eke inindimu dag-at wilil, an suon at-o, ulug iren-at suontepateheg, eke it nin inahlahirep iseheg suruk-o. Eke iniknisi inisasien inune yig isarukon sahaloko embeheg,

Roma 3:31

Eke ari halug, niren At Yesus obam ebetuk ahe etno fam wene duroho suruk amuk eke duroho suruk am fug ulug ebahon etno imbisaruk ahe buruk ahep ano? Ari eleg-o. Niren At Yesus obam ebetuk ahe etno fam, wene duroho suruk amuk eke duroho suruk am fug ulug ebahon etno ilitoho-at suruk ahe-o.

Roma 5:10

Eke nit At Allah ninim healeg welahoahon oke, At Amloho warapareg fam Aren nomini ulug dambul ninaptisi-o. Eke ariroho At Allah omini ulug ninim dambuksoho wereg niseheg, At Kristus iluk werehon etnowen ninili wahu-o.

Roma 7:22

Eke nindi undamen At Allahen wene duroho suruk amuk eke duroho suruk am fug ulug ebahon etno nahien haruk ahion oke,

Roma 8:4

Eke ariroho sebag ari, nit kweanmen sukon etno mutlug lao sohorep isalug, At Roh Kudusen yig nisarukon etno-at ninesanggo holtuk wilil, wene duroho suruk amuk eke duroho suruk am fug ulug fanoroho yig nisebahon etno ilitoho suruk amag ulug ariroho sebag-o.

1 Korintus 2:14

Eke at ap misig Roh Kudus indimu eleg wilil, alem amukon ebetukon halug, At Roh Kudusen yig nisarukon etno demat ulug eberoko wao ari hai-o. Eke nit At Roh Kudus etnowen yig nisarukmu waon oke, at ap etno urunanggeroho neken ahla buruk wilil, wene etno alem heahuk hai atuken weheg eleg wereg-o.

1 Korintus 9:21

Eke it Yahudi aben wene duroho suruk amuk eke duroho suruk am fug ulug ebahon etno inapeleg werehon epmano an nilahut war inabuhuken ulug, an At Allahen wene duroho suruk amuk eke duroho suruk am fug ulug ebahon etno nesanggo holtuk wilil, At Kristus awene etno apma welahion oke, it wene inapelehon epmano ninim wilil, an nebe wene napeleg neken atisi-o.

Kolose 1:21

Ari hiren bilin yi dag di dag sukon hinahla buruk wilil, suruk atikipseg fam, huso neken At Allah hinim healeg welatikip-o. Ariroho welatikibon oke, eke kidia At Allah Amloho warapag etno fam, hinebe At Allah udaki atikip-o.

Kolose 2:18

Nin eke ap misihen hinune eleg-o. An At Allahen yig nitukmu, noho firin firin neken haruk aheon an at-o. Eke misig du yig hisaruk ahi-o, it malaikat epmano inobam sembahyang uruk amiek-o. Eke an nune-at hinesanggo holtuk amiek-o, ulug ariroho yig hisa waharuk halug, at une holuk fug-o. At ap etno it kweanmonen inahla buruk etno hag ahla buruk wilil yig hisa waharuk ari, at une werlek-at suontepfulug, eke Kristus inuk etno hondorepfuruk-o.

2 Timotius 3:4

eke inenggal-at yig isarukon etno inim, eke nenekon neken sil nurukon etno inim, eke inonggarehen inindi lehepatarukon etno inim, eke At Allah inim inindi hundutuk welam sohorep isalug it inindien-at surukon etno inim,

Ibrani 8:10

Yig isaruk wilil, “Fobik it Israel aphe ninim wene ariroho baltuk amuhukseg, ninim dambuluhuk-o. Eke Anden wene duroho suruk amuk eke duroho suruk am fug ulug yig isahukon etno inindimu holal neken baloko umbuhuk-o. Eke it epmano An nudaki wereg iseheg, Inikni Allah An-at welaruhuk-o.

Yakobus 4:4

Eke hit hinindi fanoroho ebetuk ahep fug-o. It kweanmen dag surukon epmano ninim dambuksoho wereg nisalug, At Allahen sohorep nisaharuk-o. Eke it kweanmen dag surukon epmano nomin ulug inim wereg isalug, ari At Allah inim healeg wereg-o.

2 Petrus 2:14

Eke it epmano hwe dahon inilag warukon etno-at suog ulug heahil nuruk-o. Heahil nuruk wilil, nintul nantul dag suk ulug inahla buruk-o. Inahla buruk wilil, bak yep suruk etno hag, iren aphe inindi elehen epmano dag sukag ulug inindi kahalik waharuk-o. Ariroho suruk wilil, inindi dag mondog-at wereg isalug, fobik At Allahen waramiek yig isahu-o.