Roma 8:5 - Allah Wene Hurumbik Keron

⁵ Eke it kweanmen sukon epmano mutlug larukon ari, kweanmen sukon epmano-at inahla buruk-o. Eke it Roh Kudusen yig isarukon etno mutlug larukon ari, At Roh Kudusen yig isarukon etno-at inahla buruk-o.

Roma 8:5 ပူးပေါင်းရင်းမြစ်များ

Markus 8:33

Winimug yig ituk apagma, At Yesus etnowen omini ilanggen dahagsoho yet isaruk apareg, Petrus etno winimug yig ituk wilil, “Hat iblis neken nambolma welahen ari wilip amin-o. Hat At Allahen indi ebetuk etno hag ebetuk ahen fug-o. It apheyen inindi bulug uruk etno hag ehen hihi-o,” ulug esanggo watuk wilil winimug yig epag.

Yohanes 3:6

Eke it aphe kweanmon epmanowen inudaki kweanmon-at endag inaptuk oke, At Roh Kudus etnowen inindi keron-at og isaruk-o.

Roma 8:9

Eke hit hag, kweanmen sukon etno mutlug laruk ahep fug du, At Roh Kudusen yig hisarukon etno-at mutlug laruk ahep-o. Eke At Roh Kudus etno hinindimu-at wereg-o. Eke ap misig At Roh Kudus indimu elehon halug, At Kristusen angge eleg-o.

1 Korintus 15:48

Eke it kweanmon ari at kweanmon etno ilitoho-at wereg-o, eke it boholmon ari At boholmon etno ilitoho-at wereg-o.

1 Korintus 2:14

Eke at ap misig Roh Kudus indimu eleg wilil, alem amukon ebetukon halug, At Roh Kudusen yig nisarukon etno demat ulug eberoko wao ari hai-o. Eke nit At Roh Kudus etnowen yig nisarukmu waon oke, at ap etno urunanggeroho neken ahla buruk wilil, wene etno alem heahuk hai atuken weheg eleg wereg-o.

2 Korintus 10:3

Eke ninebe o kweanma duma wilil oke, wim aptuk amon etno it aphe kweanmon inobabut dahonen suruk etno hag suruk ahe fug-o.

Galatia 5:17

Eke it inindi dahonen surukon ari, At Roh Kudusen surukon etno inim huliroho wereg-o, eke At Roh Kudusen surukon etno it inindi dahonen surukon epmano inim huliroho wereg-o; it alem biren ariroho suruk wilil, healeg neken wereg etno fam, hiren du suk ulug hinahla buruk ahebon epmano ilitoho suruk ahep fug-o.

Efesus 5:9

Eke o seleg ari, At Roh Kudus etnowen yi angge di angge fanoroho surukon inim, eke hinobabut motoho surukon etno inim, eke demat wene urukon etno inim obog-at yanggul hisaruk-o.

2 Petrus 2:10

Eke it aphe inenggal yig hisarukon ari inahlahiroho wilil, it malaikat boholmon etno inakol isaruk eleg-o.