Roma 8:4 - Allah Wene Hurumbik Keron

⁴ Eke ariroho sebag ari, nit kweanmen sukon etno mutlug lao sohorep isalug, At Roh Kudusen yig nisarukon etno-at ninesanggo holtuk wilil, wene duroho suruk amuk eke duroho suruk am fug ulug fanoroho yig nisebahon etno ilitoho suruk amag ulug ariroho sebag-o.

Roma 8:4 ပူးပေါင်းရင်းမြစ်များ

Lukas 1:6

Eke it biren etano At Allah il fam inobabut fano mondog wilil, duroho suruk amuk eke duroho suruk am fug ulug ebahon etno fanoroho suruk apag.

Roma 2:26

Eke at ap misig Allah wene apeleg wilil, iyunggul ambilik baleg elehon etnowen wene duroho suruk amuk eke duroho suruk am fug ulug ebahon etno ilitoho suruk halug, at ebe Allah il fam iyunggul ambilik balehon neken wereg eleg buruk ahen ano?

Roma 3:31

Eke ari halug, niren At Yesus obam ebetuk ahe etno fam wene duroho suruk amuk eke duroho suruk am fug ulug ebahon etno imbisaruk ahe buruk ahep ano? Ari eleg-o. Niren At Yesus obam ebetuk ahe etno fam, wene duroho suruk amuk eke duroho suruk am fug ulug ebahon etno ilitoho-at suruk ahe-o.

2 Korintus 10:2

Ari halug, an nebe fobik bik hisa waharuk aruhukmu, anden nune winimugsoho yig hisawag ulug suk fug-o. Eke it aphe ninen, “At Paulus etno it ap kweanmonen dahan fahan suruk etno hag suruk-o,” ulug urukon ari nune mondog winimugsoho yig isahuk ulug demat yig hisaruk ahi-o.

2 Korintus 10:3

Eke ninebe o kweanma duma wilil oke, wim aptuk amon etno it aphe kweanmon inobabut dahonen suruk etno hag suruk ahe fug-o.

Galatia 5:16

Eke hit At Roh Kudusen yig hisarukon etno-at suruk amag ulug yig hisihi-o. Ari halug, hit it aphe kweanmonen alem dahon suruk etno hag suruk am fug-o.

Kolose 1:22

Hinebe At udaki atikipseg fam, hinindi dahon sohorep isalug, hinobabut motoho hinombisaharuk atisireg, at olohotma hinombisaharisi-o.

Ibrani 12:23

Ariroho waharikip ari, At Allah udaki manggia endohowon, boholma ininuk holal baleg werehon epmano inahien haruk wilil wonggalik waharuk ambeg etno-at waharikip-o. Eke misig, At Allah it yi aphe di aphe inoag del inaptukon epmano inim, eke it aphe fanowon inobabut fano inapahon inahurangge epmano inim wereg ambeg epmano-at waharikip-o.

1 Yohanes 3:2

Nomini-o, nit Allah udaki welaheon-at oke, fobik keroho welamuhuk ulug nit awan niniluk atuk ahe fug-o. Eke At Kristus etno obam ebetuk amuhupmu, At ebe hag amuhuk-o. At etno waruhumu, ebe demat hahuk-o.

Yudas 1:24

At Ninikni dil ninaptukon etno ahien nisahureg, og ninaplug o fanoma ninombisahaku-o.

Wahyu 14:5

Inebe og isaruson epmano, kweanmen inenggal eheg eleg-at wilil, it fano mondog-at suruk atusa-o.