Roma 8:39 - Allah Wene Hurumbik Keron

³⁹ eke yi angge di angge wal hebahon etno inim, it obog epmanowen nit At Allah ninim hunduhuk welaheon etno healep nisahakup fug-o. Eke At Allah nit ninebe indi hunduhuk wereg ari, At Ninowe Yesus Kristus obam ebetuk nisalug, ninebe indi hunduhuk wereg-o.

Roma 8:39 ပူးပေါင်းရင်းမြစ်များ

Matius 24:24

Eke it ap werlekonen an Kristus-at-o, an nebe nabi ap Allah wene yig isaruk ahion at-o, ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano seheg, eke it sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o.

Yohanes 16:27

Ari halug, hiren An nobam hinindi hunduhuk wilil, At Yesus ebe etno Allah wereg ambehen-at ambik waharisi-o, ulug nobam ebetuk atikip etno fam, Aren hinobam indi hunduhuk wereg-o.

Yohanes 17:26

Eke iren Hat hebe iniluk amag ulug Hat hawene bukaloko yig isaruk atikik etno ilitoho yig isaruk aruhuk-o. Ariroho yig isaruk aruhuk etno fam, Haren An nebe hindi hunduhuk welahen etno hag, it inebe hindi hunduhuk welamag ulug yig isaruk aruhuk-o. Ariroho yig isaruk wilil, An it ninim ninindi misig-at hunduhuk welamuhuk-o,” ulug yig isebag.

Yohanes 3:16

Eke At Allahen it aphe o kweanma duma werehon epmano mondog indi hunduhuk welapag etno fam, At Amloho misig aron oke og isebag-o. Ariroho og isebag ari, it yi aphe di aphe obohen At obam ebetuk isalug, fobik waraheg eleg iniluk mondog welamon etno holawag ulug og isebag-o.

Roma 1:7

Hit Roma aphe obog At Allah udaki amuhuben ulug hinayonggo embebag-o. Ariroho hinayonggo embebag ari fam, an heahi war hinaptuk ahi-o. Eke At Ninikni Allah Ninowe Yesus Kristus inimen hinabua hisaruk wilil hinim welamag ulug wene holal du bal hisihi-o.

Roma 11:33

Eke At Allahen ahla burukon ari mondog suon neken-at wereg-o. Eke At ebe indi oag werehon etnowen yi angge di angge alem obog-at iluk wereg-o. Eke Aren duroho suhuk ulug ahla burukon etno at sen alem heahaku-o? Eke alem ariroho suhuk ulug indi ebetukon etno sen aren baluhu-o?

Roma 5:8

eke At Kristus nit dag suruk nisalug, ninake warapag ari, At Allah ninebe mondog indi hunduhuk wereg ulug selegma apag-o.

Roma 6:23

Eke dag surukon ari onggo waratukon etno-at og isaruk-o. Eke At Allahen ninabua nisaruk wilil onggo eleg yuhun-at og nisarukon ari, At Ninowe Yesus Kristus ninim niniluk mondog welamon etno-at og nisaruk-o.

Roma 8:1

Eke ari halug, it At Kristus Yesus inim werehon epmano onggo o dagma imbisahu fug-o.

Roma 8:35

Eke ari halug, At Kristus ninim hunduhuk welaheon etno ap sen heal ninabuhu-o? Eke it ninen dahon ninobam umburukon etno inim, eke ninebe seberep nisaharukon etno inim, eke muko wilip nisaharukon etno inim, eke orom obok hawon etno inim, eke yi angge di angge ninaharek eleg amon epmano inim, eke dag am nowen ulug ninakol haruk aheon etno inim, eke waramon etno inim, alem obog epmanowen nit At Kristus ninim heal ninabuhu buruk ahep ano? Ari eleg-o.

2 Korintus 11:3

Eke bilin at walo etnowen hwe Hawa enggal-at yig ituk wilil indi kahalfag etno hag, hit ariroho hinindi ebetuk ahebon epmano hinapeleg atlug At Kristus mutlug motoho lawon etno sohorep isao ari an nakol-o.

2 Korintus 2:11

Eke at iblis etnowen seberep nisahuk nowen ulug, at ap etnowen dag sirision etno sohorep isalug, obam apelegsoho napma imbirikik-o. Eke at iblisen ariroho sik ulug ahla burukon etno niniluk-at-o.

Efesus 1:4

Eke o kweanma duma awan wal haruk eleg wilil, nit At Kristus inuk fam At Allah udaki welamag ulug Aren arat imig ninapag-o. Eke nit ninebe At il fam dag seheg eleg-at wilil ninobabut fano-at welamag ulug imig ninapag-o.

Filipi 3:12

Nomini-o, anden fanowon etno arat holarikik ulug suontepataruk wilil uruk ahi fug-o. Eke At Kristus Yesus etnowen nili wiog ulug nebe og naplug waharisi etno fam, an fanowon etno huliog ulug suruk ahi-o.

Filipi 3:3

Eke nit hag Roh Kudus etno fam At Allah inuk weheg, eke At Yesus Kristus ninim wilil ninahientoho welaheg suruk ahe fam nit hag niniyunggul ambilik baleg neken welahe-o. Eke it iniyunggul ambilik balehon epmano inenggal-at wereg-o. Eke nit hag yi angge di angge nininggiken surukon epmano fam ninili wahu fug buruk ahe-o.

Filipi 3:8

Eke At Ninowe Yesus Kristus ninim wilil At ebe niluk welahion etno ari-at fano ulug nahla buruk ahi-o. Eke yi angge di angge ninon obog doron-at ulug At Kristus inuk fam hik isarikik-o. Eke ariroho hik isaruk atikikseg, At Kristus ninim dambuksoho welamon etno-at huliog ulug nahla buruk ahi-o. Eke wene duroho suruk amuk eke duroho suruk am fug ulug ebahon etno it apheyen inesanggo holtug,

2 Tesalonika 2:4

Eke at ap dahon waruhuon etnowen it aphe Allah obam ebetukon epmano seberoho imbiseheg, eke du At Allah ulug urukon etno sohorep iseheg suruk wilil, an-at suon welahi-o ulug uruk aruhureg, eke At Allah ibamen minatuk wilil Allah nebe an-at welahi-o, ulug yig hisahu-o.

1 Yohanes 4:16

Eke nit hag, At Allah nit indimu hunduhuk wereg etno niniluk atisimu, ninahla buruk ahe-o. At Allah it aphe indimu hunduhuk wereg-o. Weregma, omini inim hunduhuk werehon halug, Allah inindimu wilil, inim wereg-o.

1 Yohanes 4:19

Bilin nit ninebe At Allah indi hunduhuk welapareg fam, eke ninim hunduhuk welahe-o.

Wahyu 12:9

At walo etno, inuk misig Iblis, eke inuk misig Setan soalehon etnowen it o kweanma aphe epmano enggal-at yig isarisi-o. Ariroho yig isaruk atision etno at omalaikat epmano inim o kweanma belap inabik waharusa-o.

Wahyu 13:14

Belabik waharuk atisireg, at walo bilinon etno inim wilil, sukfugangge suon etno suruk ati­sireg, it aphe obog at enggal-at yig isari­si-o. Ariroho eng­gal-at yig isaruk atisireg, eke fobik it aphe kweanmon epmano obog-at yig isaruk wilil, “Walo suon ungguluag karog fam baloko warepfebahon etno oke, iluk werehon etno inuk suontepfukag ulug ebe misig ilitoho siek-o,” ulug yig isaruk atisimu etno ilitoho-at surusa-o.

Wahyu 19:20

Ariroho suruk atusa­ma, eke at walo suon etno inim, at nabi aphe inenggal wene uruk amag ulug sukfugangge suruk wilil, it aphe at walo aholal ini­lahoag fam werehon etnowen walo ebe ilitoho sehon etno obam sembahyang ukag ulug sirision etno inim hele waroko it inebe biren etano o hondok olokma hik isarusa-o.

Wahyu 2:24

Eke hit aphe nin Tiatiraon halug, dag wene etno hinesanggo holtuk eleg wilil, At iblisen wene heako ebahon etno warikip fug-o. Weheg eleg welatikip ari fam Anden angginon epmano hinobam umbuhuk fug-o.

Wahyu 20:3

Ariroho umburuk atisireg, at malaikat etnowen iblis hele warehon etno kwean kahaleg ambeg belapfirisi-o. Belapfuruk atisireg, kwean kahaleg ambeg etno sok laroko imbi­risi-o. Ariroho seko umburuk atisimu, at iblisen it aphe enggal wene yig isa nowen ulug hele waroko seribu tahun umburuk atisi­on oke, eke fobik elamna-at hele hibiloko wilipfuhuk ulug ahla birisi-o.

Wahyu 20:7

Eke fobik seribu tahun etno arat sirisimu, at iblis hele warehon etno elamna-at hele hibiltuk atusama,