Roma 8:34 - Allah Wene Hurumbik Keron

³⁴ Eke ari halug, ap misihen inoag deloko o dagma imbisahu ano? Ari eleg-o. Eke At Kristus Yesus warapahon oke, fobik iluksoho minduhupfebag etno hag alem suon neken wereg-o. Eke iluksoho minduhupfebareg fam, At Allah inggik bikit fil wereg-o. Ariroho wilil, Aren nit ninake Allah obam sembahyang uruk-o.

Roma 8:34 ပူးပေါင်းရင်းမြစ်များ

Matius 20:28

Eke An Allahen minduhup naharision etno hag, it aphe nanggimbu neken wilil napma seberoho imbisiog ulug waharikik fug-o. An nebe etno it aphe inanggimbu wilil inilioko inake wararuhuken ulug waharikik-o,” ulug yig isebag.

Markus 16:19

Yig isaruk apagma, At Ninowe inuk suon Yesus etno At Allahen walug boholma lahabag. Laharuk apareg, At inggik bikit fil epmano horie ebag.

Yohanes 14:19

Eke An nebe etno dot welatlug, it aphe kweanmon epmanowen neahup fug oke, hit hag hinilanggen neahup-o. Eke An niluk welaruhuk etno hag, hit ariroho-at hiniluk welamuhup-o.

Yohanes 16:23

Eke hiren o ari sambit An nobam kino yig nituk amuhup fug-o. An ninuk baltuk wilil, Nikni akeleg-at obam kino yig ituk hisalug, Aren og hisahu-o.

Kisah Para Rasul 2:24

Ariroho watikibon oke, eke At Allahen it warehon wereg ambeg epmanowen iluksoho minduhupfirisi-o. Minduhupfirisi ari it warehon hinel watuk ambeg welam hai buruk atisireg, minduhupfirisi-o.

Roma 14:13

Eke ari halug, nit nit oag del del suruk am ari sohorep isuk-o, sohorep isalug misig du hag suk ulug hinahla buruk amuk-o, eke it hinomini epmano bule amburuk neken dag suk nowen ulug yi angge di angge epmano dahan fahan suruk am fug-o.

Roma 14:9

Eke At Kristus etno waratuk apareg, iluk atlug minapag ari, it inilukon inim, it warehon inim obog-at Inowe welariog ulug minapag-o.

Roma 4:25

Eke niren dag surukon epmano ninake war amag ulug fuloko embebareg, nit alem dahon ninobam werehon epmano elehep nisahalug, At Allahen ninim dambuksoho ninombisahiog ulug iluksoho minduhupfebag-o.

Roma 8:1

Eke ari halug, it At Kristus Yesus inim werehon epmano onggo o dagma imbisahu fug-o.

Roma 8:27

Eke At Allah yi aphe di aphe inindimu ebetukon alem heaharukon etnowen At Roh Kudusen urukon etno inim-at iluk-o. Eke At Roh Kudus etnowen it Allah udaki inake sembahyang uruk wilil, At Allah ahla burukon etno inim ilitoho-at sembahyang uruk-o.

Kolose 3:1

Eke ari halug, At Kristus hinim hinilukep hisaharisireg fam, yi angge di angge boholmon epmano-at heahil laruk amuk-o. Eke At Kristus Allah inggik bikit fil boholma-at horieg wereg etno fam, yi angge di angge boholmon-at ebetuk amiek-o.

Ibrani 1:3

Ariroho wal hebag ari, At Allah boholma suon wereg etno hag, At Amloho ilitoho-at wereg-o. Eke At Allah indi ebetuk etno hag, At Amloho ariroho-at ebetuk-o. Ariroho ebetuk wilil, At une oag werehon etno fam o kweanma duma aso wereg-o. Eke Aren nit o kweanma dumen suruk atukukon epmano ho ninaptuk apareg, Allah suon boholma werehon etno inggik bikit fil horie ik lahabag-o.

Ibrani 7:25

Eke At ebe etno itog mondog wilil, kidia inim, fobik inim, it aphe inili wiog ulug og inaplug At Allah ambeg imbisa laheg, eke inake At Allah obam kino yig ereheg suruk wilil, ebe mondog iluk welaruhu-o.

Ibrani 9:24

Eke it aben du Allah ibam ulug ilitoho neken falfahon epmano fam At Kristus kebag fug-o. At ebe etno boholma-at laharuk apareg, kidia At Allah inim wilil, nit ninake dug suruk-o.

1 Petrus 3:18

Eke At Kristus obabut mondog fanowon-at oke, hit dahon hinake-at warapag-o. Hiren dag suruk atikibon epmano hinapelegsoho At Allah apma imbisawag ulug warapag-o. At ebe wapahon oke, fobik iluksoho minduhupfebag.

1 Petrus 3:22

o boholma lahabareg, At Allah inggik bikit fil wilil, it malaikat inim eke it boholma suon inoag werehon epmano inim Inikni neken wereg-o.

Wahyu 1:18

An nebe bilin nowapahon oke, niluk atuk seyahon An at-o. An niluk nitog mondog-at welaruhuk-o. Eke waratukon alem etno Anden napma umburuk seyareg fam, o it ap warehon wereg ambeg unde etno An at-o.