Roma 8:30 - Allah Wene Hurumbik Keron

³⁰ Eke it aphe inebe At Allahen bilin fuloko imbisebahon epmano wol inapag-o. Wol inaptuk apareg, ninim fanoroho welamuog ulug alem dahon inobam werehon etno elehep isebag-o. Ariroho suruk apareg, fobik ninim suon-at welamuhuk ulug hurumbik yig isebag-o.

Roma 8:30 ပူးပေါင်းရင်းမြစ်များ

Yohanes 17:22

Eke nit Hat ninim ninebe misig-at welahe etno hag, it inebe misig-at welamag ulug, Haren An suontep naharikin etno hag, Anden it suontep isarikik-o.

Yohanes 17:24

Eke Haren it inebe etno og nitikinteg fam, it inebe An wereg ambeg epma ninim welam nindi-o. It inebe epma wilil, Haren suontep naharuk ahenon etno inilanggen hahup-o. Eke Haren o kweanma duma awan wal haruk eleg wilil, An nobam hindi hunduhuk welahenag-o Nikni.

Yohanes 5:24

Yig isaruk apareg, eke fobik yig isaruk wilil, “An wene demat urukon etno yig hisamin-o. Eke it obohen An nawene urukon etno inesanggo holtuk wilil, At lahap nabik waharision etno obam ebetuk isalug ari, iniluk welamon etno-at holaruk-o. Ariroho holaruk isalug, it inebe warehon ilitoho werehon epmano arat inilukep isarisireg fam, fobik oag deloko o dagma imbisahu fug-o.

Roma 1:6

Mondep nisahik wapag etno hag, hit ariroho At Yesus Kristus udaki amuhuben ulug hinayonggo embebahon etno, At Allahen hit indi hunduhuk wereg-o.

Roma 11:29

Eke At Allahen inebe fuloko imbiseheg eke ahien inobam embeheg sebahon etno dahan fahan suruk eleg-o, mondog ilitoho-at suruk-o.

Roma 8:1

Eke ari halug, it At Kristus Yesus inim werehon epmano onggo o dagma imbisahu fug-o.

Roma 8:21

Ariroho wereg oke, eke it yi angge di angge wal hebahon etnowen o ari sambit ninebe waratuk aheon alem etno elegsoho imbisahu-o. Eke o ari sambit it Allah udaki epmano inebe suontep isahureg, nit inim-at suontep nisahaku-o, ulug inahla buruk-o.

Roma 8:28

Eke it At Allah obam inindi hunduhuk werehon epmano it ninen yi angge di angge dahon inobam umburuk-at oke, At Allahen fano inabiog ulug-at suruk-o. Eke it Allah udaki ari, At Allahen ahla buruk apareg-at wol isebag-o.

1 Korintus 1:2

Eke hit Allah udaki o Korintus welahebon du At Allahen At Yesus Kristus inuk fam hinakeleg-at hinombisahakeg, eke At Allah udaki wilil hinakeleg welamuhuben ulug wol hiseheg suruk atision etno hit inim, eke it yi aphe di aphe ninim obog-at Ninowe Yesus Kristus inuk suontepfuruk aheon etno inim, wene holal du baloko hinombisaharuk ahe-o.

1 Korintus 1:9

At Allahen Amloho Ninowe Yesus Kristus hinim hinindi hunduhuk welamuhuben ulug wol hisebahon etnowen At indi ebetukon etno demat suruk ulug hinahla buruk amuk-o.

1 Korintus 2:7

Eke wene iniluk amon yig isaruk ahion ari, it aphe inilanggen ha nowen ulug bilin At Allahen herako embebag-o. Eke wene ari o kweanma awan wal heheg eleg wilil At Allahen nit suontep nisahiog ulug fuloko embebag-o.

1 Korintus 6:11

Eke hit nin ariroho dag suruk atikibon oke, eke At Allahen Ninowe Yesus Kristus inuk fam At Roh Kudus etno og hisaruk wilil, hinindimu dag suruk atikibon epmano ho hinabeheg, eke hinebe Aren angge ulug akeleg-at hinombisahakeg, eke alem dahon hinobam werehon epmano hinili oko elehepfeheg suruk atisi-o.

2 Korintus 4:17

Eke kidia nanggog atuk wilil, ninahap dag atuk aheon dorat welamuhukseg, fobik ninitog mondog wilil ninebe suon fano mondog welamuhuk-o.

Galatia 1:15

Eke ariroho suruk atikikon oke, At Allahen nabua nearuk wilil, an nebe awan endoho eleg neyeheg fuloko nombahabareg fam, fobik at anggimbu wilil eyabuk suruk amag ulug wol naptisi-o.

Galatia 1:6

Wi, an hit keroho wereg ulug nahla buruk ahi-o. Eke hit At Kristusen hinabua hisarukmu wol hisarision etno dulumsoho sohorep isalug, wene akelehon-at mutlug laruk ahep-o.

Galatia 5:8

Eke At Allah wol hinaptukon etnowen ariroho yig hisarisi fug-o.

Efesus 1:11

Eke At Allahen yi angge di angge ariroho seg aruhu ulug ahla bebahon etno ilitoho-at seg aruhu-o. Eke At Allah bilin ahla buruk apareg, ariroho suhuk ulug ahla buruk wilil, it inebe dia Inowe At Kristus welaruhu-o, ulug At Allah udaki welamag ulug Aren fuloko ninombisahabag-o.

Efesus 1:5

Eke At Allah indi hunduhuken heako ninombisahabareg, At Yesus Kristus inuk fam At udaki inim welamon heako ninombisahiog ulug fuloko ninombisahabag-o. Ariroho fuloko ninombisahabag ari, At ahien haruk wilil, At akeleg-at ahla buruk apareg, fuloko ninombisahabag-o.

Efesus 2:6

Eke nit At Kristus Yesus ninim dambuksoho ninombisaharuk atisireg, nit At Kristus ninim boholmen suon welamag ulug minduhup nisaharisi-o.

Efesus 3:11

Eke At Allahen ariroho suhuk ulug o kweanma awan wal haruk eleg wilil ahla buruk apareg, At Ninowe Kristus Yesus lahapfik wapag etno fam, At ahla bebahon epmano obog ilitoho-at sebag-o.

Efesus 4:4

Eke At Roh Kudus ebe misig-at wereg ari hag, it Allah udaki etno inebe misig-at wereg-o. Eke At Allahen fanowon etno og hisahuk ulug abug yig hisarisi halug, misig etno-at huluog ulug welahep-o.

Kolose 3:4

Eke At Kristus hit hinim welahep etno fam, At ebe suon etno waharuk aruhumu, At hinim hinoag weregsoho hinombisahaku-o.

1 Tesalonika 2:12

Eke hinesanggo wareheg, eke yonggon hinabeheg suruk wilil, At Allahen an weregma ninim suon welamuhuken ulug wol hinaptuk-o ulug ariroho yig hisaruk wilil, At Allah ahien hisawagsoho hit Allah wene etno ilitoho suruk amiek-o, ulug yig hisaruk atukuk-o.

2 Timotius 2:11

Eke wene du demat yig nisaruk wilil, “At ninim waratukuk halug, At ninim-at niniluk welamuhuk-o.

Ibrani 9:15

Ariroho ninombisaharuk ari, nit At Allahen wol nisarision etno At Allahen yig nisaruk wilil, “Yi angge di angge fanowon epmano inim, hiniluk mondog welamon etno inim og hisahuk-o,” ulug abug yig nisebahon etno holawag ulug, At Kristus etnowen wene keron etno yig nisaruk wilil, At Allah ninim dambuksoho ninombisaharuk-o. Eke it aphe nin wene hurumbik bilinon etno yig isaruk heheg, dag suruk apahon epmano ap misig waratuk wilil inonggo embebareg fam, At Allah inim dambuksoho imbisaruk-o.

1 Petrus 2:9

It epmano wataruson oke, eke hit hag fuloko hinombisarision epmano, At Allah udaki-at welahep-o. Ap misig inuk fam hinungguluag soal hinaptisi fug-o. Hit Allah udaki epmano o hikmu epmanowen wol hisarisimu, o selegma wilil, At Allahen elalintoho sirision etno yig isil lawag ulug wol hisarisi-o.

1 Petrus 3:9

Dahon hinobam umburuk isalug, hiren dahon inobam umbuk fug-o. Eke inune dahon yig hisaruk isalug, hiren hinune dahon inobam umbuk fug-o. Ariroho umbuk fug ulug yig hisihion oke, hit hinahien inobam umburuk amuk-o. Ari At Allahen nahien hinobam umburuk aruhuk, ulug wol hisarisi etno hag fanoroho suruk amuk-o.

1 Petrus 5:10

Eke kidia horog dorat dahon etno hinobam umburukmu, fobik At Allah ninabua nisarukon etnowen fano hinabuhu-o. Aren At Kristus hinim ilitoho wilil, hinoag weregsoho welamuhuben ulug fano hinabuhu-o.

2 Petrus 1:10

Ari halug nomini-o, nintul nantul At Allahen-at wol ninaptisireg fuloko ninombisaharisi-o, ulug hinahla ebetuk amuhup-o. Ebetuk amuhupseg, hit bule ambulug wataruk etno hag wateheg eleg wilil, At Allah weregma kuruk amuhupseg, At Yesus Kristus udaki atlug mondog hinim welamuhup-o.

Wahyu 17:14

Ariroho suhubon-at oke, fobik At Wam Domba Udag etno inim wim abuhup-o. Wim abuhubon oke, eke At Wam Domba Udag etno it yi aphe di aphe obog Inowe suon welaruhu ari fam, At udaki heako imbisarision epmano inimen walo suon etno osi inim mondog war inaptuk amuhup-o,” ulug yig nitisi-o.

Wahyu 19:9

Ariroho uruk atusama, eke fobik at malaikat etnowen yig nituk wilil, “Duroho holal imbimihin-o. It At Wam Domba Udag etno inim esoho etno naruk amuhubon halug, inahien anggolo hahup-o,” ulug uruk atisireg, eke fobik yig nituk wilil, “At Allahen demat ehekma, yig hirihi,” ulug yig nitisi-o.