Roma 8:3 - Allah Wene Hurumbik Keron

³ Eke ninebe kweanmon etnowen fano suk ninoag elegma, at wene duroho suruk amuk eke duroho suruk am fug ulug ebahon etnowen fano ninabuk hai atision oke, At Allahen fano ninaptisi-o. Eke At Allahen Amloho etno it ap kweanmon inebe dag surukon epmano ilitoho belabik waharuk wilil, At Kristus obam alem dag surukon epmano onggo umbukag ulug belabik wapareg fam, alem dag surukon epmano oag deloko elehepfebag-o.

Roma 8:3 ပူးပေါင်းရင်းမြစ်များ

Markus 15:27

Umburuk apareg, At Yesus etno inim it ap biren inalomnangge herahebahon etano at misig inggik bikit fil, at misig inggik harebag fil e fam lenggaloko imbisebag.

Yohanes 1:14

Eke At Wene etno ebe ap-at endag atuk apareg, aphe obog ninahla sil nuruk wilil, At ebe suon-at welapag etno fam, sukfugangge seheg, eke ninabua seheg, eke demat urukon wene etno yig niseheg surukmu ninilanggen haruk soag-o. Ariroho haruk soag ari, Ikni Allah Amloho misig-at welapag etno ebe suon-at welapag-o.

Yohanes 9:24

Yig isaruk apagma, it etnowen ininggik birenam at ap isina ahlen ilanggen buhon endag apahon etno ma ulug wol haruk apareg yig ituk wilil, “Hat At Allah il fam demat ihi ulug in-o. Ap hat fano habehekon ari obabut dag surukon nit niniluk-o,” ulug yig epag.

Roma 3:20

Eke wene duroho suruk amuk eke duroho suruk am fug ulug ebahon etno ilitoho suruk ari fam ap misig At Allah il fam alem dahon obam werehon epmano elehepfuhu fug-o. Eke wene duroho suruk amuk eke duroho suruk am fug ulug ebahon etnowen it aphe obog dag suruk-o, ulug bukaloko yig nisaruk-o.

Roma 6:6

Eke an yig hisaminon du niniluk-at welahe-o. Eke At Kristus e fam lenggaloko embebagma warapag etno hag, nit ninindi amukon epmano ariroho-at waratisi-o. Eke ariroho alem dag suruk aheon epmano oag elegsoho imbisalug, fobik dag surukon epmano anggimbu neken welahe ha nowen ulug ninindi amukon epmano arat waratisi-o.

Roma 7:18

Eke ari halug, an nobam alem fanoroho surukon etno mondog eleg ulug niluk-o. Eke an fanowon du suhuk ulug nahla buruk ahion oke, anden ilitoho sukon etno hai atuk-o.

Roma 8:32

Eke At Allahen Amloho etno ili wao sohorep isalug, nit obog ninake embebareg fam, At Kristus inim eke yi angge di angge obog inim og nisahu fug buruk ahep ano?

Roma 9:3

Eke it nomini ari inake At Allahen wene homali neken nobam umburuk wilil, At Kristus ninim healep nahuk ari fano ulug nahla bele-o.

2 Korintus 5:21

Eke At Kristus etno dag mondog sebag fuhon oke, niren dag suruk atukukon epmano At obam embebareg fam, alem niren dag suruk atukukon ninobam welatision epmano arat elehepfirisimu At Kristus ninim dambuksoho At Allah il fam welahe-o.

Galatia 3:13

Eke At Kristus etno wene homali nit ninobam werehon etno At obam ombatebareg fam, it Yahudi aben wene duroho suruk amuk eke duroho suruk am fug ulug ebahon etnowen homali ninobam embebahon etno elehepfebag-o. Eke ari halug, at Alkitab etno fam yig nisaruk wilil, “At ap misig e fam lenggaloko werehon halug, homali etno obam wereg-o,” ulug yig nisarukon etno wereg halug, At Kristus etno ninake ariroho sebag.

Galatia 3:21

Eke ari halug, wene duroho suruk amuk eke duroho suruk am fug ulug ebahon etno inim, eke At Allahen og hisahuk ulug abug yig nisebahon etno inim healeg neken wereg ano? Ari eleg-o. Eke komo yig nisebahon etno misig fam aphe niniluk amag ulug yig niselepmen, komo wene yig nisebahon etno ilitoho solomen etno fam alem dahon ninobam werehon epmano At Allahen elehepfelep-o.

Filipi 2:7

Ariroho ebetuk eleg wilil, onggareg ahla buruk atlug, At ebe suon welamon etno sohorep isalug, At ebe onggarehen kimburepatarisireg, ap ilitoho seg atisi-o.

Ibrani 10:12

It apheyen dag surukon epmano eleg amag ulug At Kristus etnowen misihim-at Allah ake ombataruk wilil, aphe obog inonggo baltuk apareg, At Allah inggik bikit fil horie ik lahabag-o.

Ibrani 10:14

Ari halug, At Kristus etnowen misihim-at Allah ake embebareg fam, Aren it aphe dag surukon etno inindi ho inaptukmu, initog mondog fano welamag ulug imbisebag-o.

Ibrani 2:14

Eke At etnowen it du An nudaki at-o, ulug ebag ari, nit aphe kweanmon duma farim-at ebag halug, At Yesus etno nit ilitoho-at endag atuk apareg, it kweanmon ilitoho-at welapag. Ariroho wilil, At ebe warapag etno fam, at iblis bilin it aphe waratukon unde wereg welapahon etno oag elegsoho umburuk apareg,

Ibrani 2:17

Eke ariroho inilioko imbisiog ulug wapareg fam, it apheyen dag surukon sohorep isiog ulug, At Allah unde inuk suon neken wilil, apheyen At obam ebebukag ulug fanoroho yig iseheg, eke inabua seheg suruk ariog ulug, At omini ilitoho-at inambeg waharuk apareg, suruk apag-o.

Ibrani 4:15

Eke At Ninowe Allah unde suon etnowen nit ninoag elegsoho suruk aheon epmano ahmu nisaruk wereg-o. Ariroho wereg ari, nit ninindi kahalik waharuk etno hag, At indi kahalik wapahon oke, At dag sebag fug-o.

1 Petrus 2:24

Eke At Kristus niren dag suruk atukukon epmano omalo fam walug e fam lenggaloko embebag etno niren dahon sohorep isalug fanowon-at suruk amag ulug embebag-o. Eke it epmanowen At ebe ele suon wapag etno fam, hinebe fano atikip-o.