Roma 8:29 - Allah Wene Hurumbik Keron

²⁹ Eke At Allahen bilin it aphe nin inebe iluk apareg, fobik fuloko imbisebag-o. Eke fuloko imbisebag ari, inebe At Amloho etno ilitoho welamag ulug fuloko imbisebag-o. Eke it Allah udaki etno inebe anggolo oke, Amloho manggia hag Inowe etno-at welamag ulug fuloko embebag-o.

Roma 8:29 ပူးပေါင်းရင်းမြစ်များ

Matius 12:50

It aphe An Nikni boholma werehon etnowen une yig isarukmu inesanggo holtukon halug ari, An nomini nisina nosi-at wereg-o,” ulug yig isebag.

Matius 25:40

Yig nituk amuhupmu, An Hinowe etnowen yig isaruk wilil, ‘Hit fanoroho sirikip ulug yig hisihi ari, hiren it ap An nosi doron epmano fikfag inabua suruk atikip ari fam, An-at nabua suruk atikip ulug demat yig hisihi-o,’ ulug yig isahuk-o.

Matius 28:10

Sembahyang uruk apagma, eke At Yesus etnowen yig isaruk wilil, “Hit hinakol ha fug-o. Hiren it An nomini epmano o Galilea lawag ulug yig isa aliek-o. An nebe o epmen inilanggen neahup-o,” ulug yig isebag.

Matius 7:23

Yig nituk amuhupmu, eke Anden it aphe obog inil fam yig isaruk wilil, ‘Hit hinebe An napeleg-o. Hit dag suruk atikibon du An nolohotmen wilip amiek-o,’ ulug ariroho yig isahuk-o,” ulug yig isebag.

Yohanes 17:16

Eke An nebe o kweanma dumon neken welahi fug etno hag, it inebe o kweanma dumon neken wereg eleg-o.

Yohanes 17:19

Eke it inebe epmano Hat hudaki demat welamag ulug An nebe etno it inake nonggarehen fuloko ombataruk ahi-o.

Yohanes 17:26

Eke iren Hat hebe iniluk amag ulug Hat hawene bukaloko yig isaruk atikik etno ilitoho yig isaruk aruhuk-o. Ariroho yig isaruk aruhuk etno fam, Haren An nebe hindi hunduhuk welahen etno hag, it inebe hindi hunduhuk welamag ulug yig isaruk aruhuk-o. Ariroho yig isaruk wilil, An it ninim ninindi misig-at hunduhuk welamuhuk-o,” ulug yig isebag.

Yohanes 20:17

Yig ituk apagma, eke At Yesusen yig ituk wilil, “An Nikni ambeg awan laharuk eleg neyeheg, hinggik sen nea fug-o. Ari halug, hat An nomini epmano inambeg lamihinteg, yig isaruk wilil, ‘At Ninowe etnowen hit An ninim Ninikni Allah etno ambeg laharuk ahi-o,’ ulug yig nerehek-o, ulug haren yig isa lag-o,” ulug yig epag.

Roma 11:2

Eke At Allahen At udaki bilin imig inapahon epmano ambit isalug sohorep isarisi fug-o. Eke wene etno Alkitab fam weregma, at Elia etnowen it Israel ap iren surukon Allah yig ituk wilil,

Roma 13:14

Eke At Ninowe Yesus Kristusen angge etno hinasehen hinasing neken wantalug wilil, hit hinebe kweanmon etnowen dahan fahan suk ulug hinahla bulug surukon etno hinesanggo holtug eleg ilitoho suk fug-o.

Roma 9:23

Eke Aren it aphe nin anggoloroho inabua isaruk atlug suontep isawon etno iniluk amag fuloko imbisebag-o.

1 Korintus 15:49

Eke nit hag at kweanmon etno ahut holaruk ahe etno hag, fobik At boholmon ahut etno holahuk-o.

1 Korintus 2:7

Eke wene iniluk amon yig isaruk ahion ari, it aphe inilanggen ha nowen ulug bilin At Allahen herako embebag-o. Eke wene ari o kweanma awan wal heheg eleg wilil At Allahen nit suontep nisahiog ulug fuloko embebag-o.

1 Korintus 8:3

Eke at ap misig indi Allah inim hunduhuk wereg halug, At Allahen ap etno iluk wereg-o.

2 Korintus 3:18

Eke ari halug, hit obog ninolohore sum sambunteg elehon neken wilil, At Ninowe suon abikag suruk wilil alon werehon etno wukahi fam haruk etno hag ninilanggen haruk ahe-o. Eke At Roh Kudus etnowen nit ninebe At Ninowe etno ilitoho seg amag ulug suontep nisaharuk wereg-o.

Efesus 1:11

Eke At Allahen yi angge di angge ariroho seg aruhu ulug ahla bebahon etno ilitoho-at seg aruhu-o. Eke At Allah bilin ahla buruk apareg, ariroho suhuk ulug ahla buruk wilil, it inebe dia Inowe At Kristus welaruhu-o, ulug At Allah udaki welamag ulug Aren fuloko ninombisahabag-o.

Efesus 4:24

Ariroho suruk wilil, hinobabut keron-at holao ari fano-o. Eke hinobabut keron ari At Allah ilitoho walteg wilil, yi angge di angge fanoroho seheg, eke hinindi motoho welaheg suruk amuk-o.

Filipi 3:21

Eke Aren nit ninebe waratuk aheon olohore nintoho seko umbulug, At ebe fanowon itog mondog werehon etno-at ilitoho seko ninombisahaku-o. Eke Aren yi angge di angge obog at apmarepatarukon halug, at oag wereg etno fam ninebe ketoho ninombisahaku-o.

Kolose 3:10

Eke alem keron ari, At Allah aphe inebe wal hebahon etnowen inobabut ketoho imbisaruk-o.

2 Timotius 1:9

Eke At Allahen ninili warisireg, hit an nudaki welamuhuben ulug wol ninaptisi-o. Wol ninaptisi ari, niren fano suruk nisalug, wol ninaptisi fug-o. Eke At ahla bulug-at ninabua nisaruk wilil, wol ninaptisi-o. Eke o kweanma duma awan wal haruk eleg wilil, At Yesus Kristus inuk fam ninabua nisebahon oke,

2 Timotius 2:19

Iren ariroho yig isarukon oke, eke At Allahen o andorli oag werehon imbirision etno aplohok suhu fug-o; eke o andorli etno fam wene holal umburuk wilil, “At Ninowe etnowen nudaki inebe du at-o ulug iluk wereg-o,” eke misig ari, “It apheyen At Ninowe etnowen angge-at welahi-o ulug urukon etno dag surukon etno sohorep isawag-o,” ulug o andorli etno fam wene holal imbirisi-o.

1 Petrus 1:2

At Allahen indi bulug fuloko hinombisaharisi etno, At Allah Roh Kudusen hinindi fano hinabukag ulug, At Yesus Kristus une holtuk hisalug, At amep fam ho hinaptisi-o. Eke kidia At Allahen ahien hinobam umburuk amag ulug sembahyang uruk ahi-o.

1 Petrus 1:20

At Kristus etno hit hinake-at oag deloko umburuk apareg, fobik kweanma belabik wapag.

1 Yohanes 3:2

Nomini-o, nit Allah udaki welaheon-at oke, fobik keroho welamuhuk ulug nit awan niniluk atuk ahe fug-o. Eke At Kristus etno obam ebetuk amuhupmu, At ebe hag amuhuk-o. At etno waruhumu, ebe demat hahuk-o.

Wahyu 13:8

Ariroho suruk atisimu, eke it aphe kwe­anmon epmanowen inuk suontepfuru­sa-o. It ariroho suontepfuruson ari, bilin o kweanma awan wal ­haruk elegma At Wam Domba Udag wapahon etnowen angge aphe ini­luk welamon buku holal embebahon etno fam ininuk elehon halug, iren walo suon etno inuk suontep­furusa-o.