Roma 8:24 - Allah Wene Hurumbik Keron

²⁴ Eke bilin ninili warisi ari hag, fobik ariroho-at ninili wahu ulug ninahla buruk ahe-o. Eke yi angge di angge og nisahu ulug ninahla buruk aheon etno kidia ninilanggen halug, fobik og nisahu ulug ninahla buruk ahe fug-o. Eke ap misig yi angge di angge kidia ilanggen harukon epmano og niruhu ulug ahla buruk eleg-o.

Roma 8:24 ပူးပေါင်းရင်းမြစ်များ

Roma 12:12

Eke hiren nit fobik fano ninabuhu ulug hinahla buruk wilil, it ninen dahon epmano hinobam umburuk isalug, hinindi hinahlahiroho-at welamuk-o. Ariroho wilil, nintul nantul sembahyang uruk amuk-o.

Roma 15:13

Eke ari fam, At Allahen fano ninabuhu ulug ninahla buruk aheon etnowen hit hinahien hawag ulug yig hiseheg, eke hiren At obam ebetuk ahebon epmano fam dambulip hisahakeg suruk amag ulug yig hisihi-o. Eke ariroho dambulip hisaharuk aruhumu, Aren fano ninabuhu-o ulug hinahla buruk ahebon etno At Roh Kudusen oag werehon etno og hisaruk halug, su aruhu-o.

Roma 15:4

Eke it bilin inahlahiroho wilil inindi oag weregsoho welapahon wene epmano holal embebag ari, niren Alkitab wene holal baleg etno wane seheg, ninindi ebereheg suruk wilil demat fano ninabuhu ulug ninahla bukag ulug embebag-o.

Roma 4:18

Eke at Abraham etno onggarehen-at ariroho suhu ulug ahla belepmen, hai atlebon oke, At Allahen ariroho suhuk ulug ebahon etno demat ulug indi ebetuk apareg fam, it o ahik ya da yi aphe di aphe obog inikni neken apag-o. Eke Alkitab etno fam yig nisaruk wilil, “Hat hetamuki inebe mondog anggolo amuhup-o,” ulug ebag etno hag ilitoho seg apag-o.

Roma 5:2

Eke ariroho At obam ebetuk atukukseg fam, At Allahen ninabua nisawag ulug og ninaplug waharisi-o. Ariroho og ninaplug waharisireg fam, kidia At Allahen ninabua nisaruk heheg minduhuk neken welahe-o. Ariroho wilil, At Allah ninim suon neken welamuhuk-o ulug ninahientoho ninahla buruk ahe-o.

Roma 8:20

Eke yi angge di angge wal hebahon epmano inonggareg inahla buluhen inebe eleg amuog ulug wereg eleg-o, At Allah ahla buruk apareg, inebe eleg amag ulug imbisebareg fam, inebe eleg amuog ulug wereg-o.

1 Korintus 13:13

Eke ari halug, ninindi demat ulug ebetuk aheon epmano inim, eke fobik suhu ulug ninahla buruk aheon etno inim, eke ninindi hunduhuk welaheon epmano inim, alem henahan ari mondog wereg-o. Eke ariroho wereg oke, ninindi hunduhuk welaheon epmano alem suon-at wereg-o.

2 Korintus 4:18

Eke yi angge di angge ninilangge isaruk ahe fuhon etno hag huluog ulug ninahla buruk ahe-o. Eke yi angge di angge ninilanggen isaruk aheon ari fahe eleg atuk oke, yi angge di angge ninilanggen isaruk ahe fuhon ari initog mondog-at welamuhup-o.

2 Korintus 5:7

Eke ariroho ninebe niniluk wilil og nisahuon etno ninilanggen haruk ahe fuhon oke, demat ulug ninindi ebetuk ahe-o.

Galatia 5:5

Eke nit hag At Kristus obam ebetuk nisalug, At Allahen alem dahon ninobam werehon epmano elehepfuhu ulug ninindi ebetuk ahe-o. Eke At Roh Kudus etnowen yig nisarukmu, Aren alem dahon elehepfukon etno aso welahe-o.

Kolose 1:23

Eke wene fano wene etno waruk wilil, yahuk korlag suruk eleg hisalug, fobik fano hinabuhuon etno og hisahu, ulug hurumbik etno yig hisarusa. Eke an Paulus wene fano wene etno anggimbu neken wilil, yig isil larikik-o. Eke it ninen o ahik ya da yig isil laruk-o.

Kolose 1:27

Eke wene amuk heraho welapahon etno yi aphe di aphe bukaloko yig isawag ulug suon, fanowon-at wereg-o. Eke wene fanowon yig nisarukon etno ebe du at-o, At Kristus hinindimu wereg halug, At ebe ilitoho Allah hinim suon-at welamuhup-o.

Kolose 1:5

Eke hit o amuken wene fano wene hinesanggo holtikipseg fam, boholmen fano ninabuhu-o, ulug hinindi ebetuk wilil, demat ulug uruk ahep-o.

1 Tesalonika 5:8

Eke nit o ilingge udaki neken welaheon epmano nit noho kunkan seheg eleg wilil aso fanoroho welamuk-o. Nit ninindimu demat ulug ebetuk wilil, aphe ninindi hunduhuk welahe etno hele sing neken yihik welahe-o. Eke inunggulasum oag werehon wantaruk etno hag nit fano ninabuhu-o ulug ninindi ebetuk aheon ninunggulasum neken-at wantuk-o.

2 Tesalonika 2:16

Eke At Ninowe Yesus Kristus etno inim, eke At Ninikni Allah indi hunduhuken ninabua nisaruk wilil, niniluk welamon etno inim, eke fano ninabuhu-o, ulug ninindi ebetuk aheon etno inim og nisarision etnowen, hinindi yonggon hinabeheg, eke hinune inim, hineyabuk inim fanoroho suruk amag ulug hinoag werehep hisahakeg sukag ulug yig hisihi-o.

Titus 3:7

Eke At Yesusen nit ninonggo baltisireg fam, At Allah ninim dambul atukukseg, niniluk welamon etno og nisa­hu-o ulug ninindi ebetuk wilil, niniluk welamon etno huluog ulug suruk ahe-o, ulug wene ari demat yig hirihi-o.

Ibrani 11:1

Eke yi angge di angge fanoroho suhu ulug ninahla buruk aheon epmano inim, yi angge di angge haruk ahe fuhon epmano inim, niren demat ulug ninindi ebetuk ahe etno fam obog-at niniluk atuk-o.

1 Petrus 1:21

Belabik wapareg, fobik o aphe warehon wereg ambehen iluksoho ebe suon-at minduhupfebag-o. Hit At minduhupfebahon etno obam ebetuk wilil, At Allahen fobik fanoroho seko ninombisahuku, ulug hinindi ebetuk amuk-o.

1 Petrus 1:3

Nomini-o, At Allah Ninowe Yesus Kristus Ikni etno wa ulug sembahyang yig ituk amuk-o. Aren nit ninabua hebareg, At Yesus Kristus iluksoho minduhupfebag etno fam, nit ninebe ketoho ninombisaharuk wereg-o.

1 Yohanes 3:3

Eke At Kristus waruhuon obabut fano etno hag, At ebe hag amuhuken ninobabut fanoroho welamuk-o.