Roma 8:2 - Allah Wene Hurumbik Keron

² Eke At Roh Kudusen yig nitukon etno fam At Kristus Yesus ninim dambuksep nisaharisireg nilukep naharisi-o. Eke ariroho nilukep naharisireg fam, alem dag surukon inim, waratukon inim nobam werehon epmano elehep naharisi-o.

Roma 8:2 ပူးပေါင်းရင်းမြစ်များ

Yohanes 4:10

Yig ituk apagma, At Yesusen yig ituk wilil, “An nebe At Allahen belap nabik waharision etnowen ik naminen honang nimin ulug yig hirihion etno haren An nebe ap du at ulug hiluk welatlenmen, haren An nambeg ariroho kino yig nitlenma, Anden ik ilukon etno og hetle-o,” ulug yig epag.

Yohanes 4:14

Eke it aphe obog ik Anden og isahukon etno nahup halug, fobik obok hahup fug-o. Ik Anden og isahukon ari, eleruk inindimuen funaloko wilip atuk halug, ik ilukon etno anggolo aruhu-o. Anggolo atuk halug, etno fam iniluk welamon etno holahup-o,” ulug yig epag.

Yohanes 6:63

Ari halug, iniluk inaptuk ari, At Roh Kudusen-at iniluk inaptuk-o. Eke hit ebe nawon etno-at hinahla buruk ahep du, we hai neken-at buruk ahep-o. Eke An wene yig hisihi etno At Roh Kudusen iniluk inaptukon etno farim-at yig hisihi-o.

Yohanes 8:32

Eke hiren wene demat uruk amon etno hiniluk atuk amuhupmu, At wene etnowen hele hibiloko hinombisahakuk-o,” ulug yig isebag.

Yohanes 8:36

Eke An Allah Amloho etnowen hele hibiloko hinombisaharuk nealug, hit hinebe ap yi angge di angge unde wereg ilitoho welamuhup-o.

Roma 16:3

Eke it Priskila Akwila ninim At Kristus Yesus eyabuk suruk aheon epmano heahi war inaptuk ahi-o.

Roma 3:27

Eke ari halug, alem misig fam suontepatawon wereg buruk ahep ano? Ari eleg-o. Eke wene duroho suruk amuk eke duroho suruk am fug ulug ebahon etno ilitoho suruk nisalug, At Allahen ninim fanoroho welamuhuken ulug dambuk ninaptuk ano? Ari eleg-o. We At Yesus obam ebetuk nisalug-at ninim fanoroho welamuhuken ulug dambuk ninaptuk-o.

Roma 5:21

Eke ari halug, alem dag surukon etnowen alem waratukon oag werehepfebag etno hag, alem At Allahen ninabua nisarukon etnowen alem dahon ninobam weregma elehepfukon etno oag werehepfuruk-o. Eke ariroho alem dahon ninobam weregma elehep nisaharisireg, At Yesus Kristus inuk fam ninitog mondog niniluk welamon etno-at og nisaruk-o.

Roma 6:14

Eke at alem dag surukon etno hinowe suon neken welam ari hai-o. Eke hit wene komo yig hisebahon etno apma neken welahep fug-o. At Allahen-at hinabua hisaruk heheg welahep-o.

Roma 6:18

Eke alem dag surukon epmano anggimbu neken welam sohorep isalug, alem fanoroho surukon etno anggimbu neken atikip-o.

Roma 6:22

Ari halug, eke kidia hag, alem dag surukon epmano sohorep isalug, At Allah anggimbu-at welahep-o. Ariroho welahep etno fam, fanoroho suruk amon etno-at suog ulug wereg hiseheg, fobik hiniluk mondog welamon etno-at og hisahu-o.

Roma 7:21

Eke ari fam, alem biren neken nindimu weregma haruk ahi-o. Eke fanowon du suhuk ulug nahla buruk wilil oke, dag sukon etno imihiog ulug suruk ahi-o.

Roma 7:23

alem dahan fahan surukon misig nindimu wereg haruk ahi-o. Eke alem dahan fahan surukon etnowen an nahien haruk ahion etno inim healeg wereg-o. Eke alem dahan fahan surukon etnowen an nebe alem dag surukon nobam werehon etno anggimbu welamag ulug hele waroko nombaharuk-o.

Roma 7:4

Eke ariroho suruk etno hag, hit hinebe ari ilitoho welahep-o. Eke wene duroho suruk amuk eke duroho suruk am fug ulug ebahon etno hinim welam sohorep isalug, hweap inahuni waratukmu suhwe wereg etno hag welatikipseg, hit hinebe At Kristus udaki atikip etno fam hinebe kidia Aren angge-at welahep-o. Ari halug, eke e anggen fanowon yihik wereg etno hag, ninebe At Allah il fam fanoroho welamag ulug At Kristus ebe etno aphe warehon wereg ambeg epmanowen iluksoho minduhupfebag-o.

Roma 8:1

Eke ari halug, it At Kristus Yesus inim werehon epmano onggo o dagma imbisahu fug-o.

1 Korintus 15:45

Eke wene Alkitab holal baleg embebahon etno fam yig nisaruk wilil, “Eke at Adam bilinon etno ebe bilin wal hebareg, indi ilukon etno fobik og epag-o.” Eke At Adam fobikon etno At ahurangge fam aphe iniluk inaptukon-at wereg-o.

2 Korintus 3:17

Eke At Owe ulug holal fam embebahon etno ari At Roh Kudus ulug embebag-o. Eke At Ninowe Roh Kudus etno weregma inilanggen haruk isalug, iniluk amag ulug aren sum sambuntehon etno korep isaruk-o.

2 Korintus 3:6

Eke hurumbik keron etno yabuk motoho sukag ulug At Allahen ninindi enggatep nisaharisi-o. Eke hurumbik keron yabuk ari, we holal baleg etno akeleg fam suruk ahi fug-o. At Roh Kudus etnowen-at yanggul nisarukmu suruk ahe-o. Eke holal baleg etno akeleg fam, alem dahon etno ninobam umburuk wilil, war ninaptuk oke, At Roh Kudus etnowen ninilukep nisaharuk-o.

Galatia 2:19

Eke wene duroho suruk amuk eke duroho suruk am fug ulug ebahon etno anden ilitoho siog ulug sirikikon etno hai atisireg fam, alem dahon etno-at nobam wereg heheg nebe warehon neken welatikikon oke, eke kidia At Allahen wene duroho suruk amuk eke duroho suruk am fug ulug ebahon etno ilitoho siog ulug niluk-at welahi-o.

Galatia 5:1

Nit ninebe seberoho neken welamon etno sohorep isalug, arat ninili ohowon welahe-o. Eke At Kristusen ninili warisi-o. Eke ari halug, ap inili ohowon neken minduhuk welamuk-o. Ariroho wilil, nin fobik inim seberep hisahuk nowen ulug yaharoho welamuk-o.

Galatia 6:2

Eke yi angge di angge angginon hinobam werehon epmano hit hit yalmag yalmag suruk amuk-o. Ariroho suruk wilil, bilin At Kristusen yig hisebahon etno ilitoho suruk amuhup-o.

Yakobus 1:25

Eke wukahi fam ninahut wenaharuk ahe etno hag, wene duroho suruk amuk eke duroho suruk am fug ulug ebahon etno fam, hinindi werehap hisaharukon etno-at wenag haruk wilil, ilitoho suruk amiek-o. Eke wene etno nintul nantul hinesanggo holtug oke, eberoko weheg eleg-at hinapeleg atuk ari hai-o. Wene duroho suruk amuk eke duroho suruk am fug ulug ebahon etno ilitoho suruk nisalug, At Allah ahien ninobam umbuhu-o.

Wahyu 11:11

Suruk atusareg, ininggik tiga setengah weregma, At Allahen iniluk inaptu­kon ele ahahe etno inobam fu haruk atisimu minatusa-o. It biren epmano minatusama, eke it aphe obohen inilanggen isaruk atusareg, inakol anggolo haru­sa-o.

Wahyu 22:1

Nin eke at malaikat etnowen At Allah inim, At Wam Domba Udag etno inim horie uruk ambehen ik ilukon etno funal­tukmu heag nitisi-o. Ik etno olohore mondog fanowon-at heag nitisi-o.